Sajjala Ramakrishna Reddy : లోకల్ ఎలక్షన్స్కు వైసీపీ లీగల్ టీమ్ రెడీ.. సజ్జల కీలక ఆదేశాలు
- స్థానిక ఎన్నికల కోసం లీగల్ సెల్ను సిద్ధం చేయాలని సజ్జల సూచన
- ప్రతి జిల్లాలో ప్రత్యేక లీగల్ టాస్క్ఫోర్స్ల ఏర్పాటు
- నామినేషన్ నుంచి కౌంటింగ్ వరకు అభ్యర్థులకు న్యాయపరమైన అండ
- రాష్ట్ర స్థాయిలో ప్రత్యేక లీగల్ వార్రూమ్ ఏర్పాటు
- Follow Us :
-
-
Add as a preferred
source on google
అమరావతిలోని తాడేపల్లి వైఎస్సార్సీపీ కేంద్ర కార్యాలయంలో లీగల్ సెల్ రాష్ట్ర, జిల్లా ప్రతినిధులతో ఆ పార్టీ స్టేట్ కో-ఆర్డినేటర్ సజ్జల రామకృష్ణారెడ్డి ముఖ్యమైన జూమ్ కాన్ఫరెన్స్ నిర్వహించారు. రాబోయే స్థానిక సంస్థల ఎన్నికలకు పార్టీ లీగల్ సెల్ పూర్తిస్థాయిలో సన్నద్ధం కావాలని ఆయన కీలక సూచనలు చేశారు. నామినేషన్ల దాఖలు నుంచి మొదలుకొని స్క్రూటినీ, పోలింగ్ , కౌంటింగ్ ప్రక్రియ ముగిసే వరకు పోటీ చేసే వైఎస్సార్సీపీ అభ్యర్థులకు పూర్తిస్థాయిలో న్యాయపరమైన రక్షణ, అండదండలు అందించాలని స్పష్టం చేశారు. ఈ ససమావేశంలో లీగల్ సెల్ రాష్ట్ర అధ్యక్షుడు మనోహర్ రెడ్డి, వైఎస్సార్సీపీ ఎమ్మెల్సీ లేళ్ల అప్పిరెడ్డి, పార్టీ ముఖ్యనేత చెవిరెడ్డి భాస్కర్ రెడ్డి తదితరులు పాల్గొని ఎన్నికల న్యాయ వ్యూహాలపై చర్చించారు.
జిల్లా లీగల్ టాస్క్ఫోర్స్లు, రాష్ట్ర స్థాయిలో వార్ రూమ్
ఎన్నికల సమయంలో సమర్థవంతంగా వ్యవహరించేందుకు ప్రతి జిల్లాను ఒక యూనిట్గా తీసుకుని ప్రత్యేక లీగల్ టాస్క్ఫోర్స్లను ఏర్పాటు చేయాలని సజ్జల ఆదేశించారు. నామినేషన్ల సమయంలో ఎలాంటి సాంకేతిక ఇబ్బందులు రాకుండా అభ్యర్థులకు అవసరమైన కుల ధ్రువీకరణ పత్రాలు, నో డ్యూస్, ఎన్ఓసీ (NOC), పోలీస్ క్లియరెన్స్ వంటి పత్రాలను ముందుగానే సిద్ధం చేయాలని తెలిపారు. జిల్లా పార్టీ అధ్యక్షులు, నియోజకవర్గ సమన్వయకర్తలతో లీగల్ సెల్ ప్రతినిధులు నిరంతరం సమన్వయం చేసుకోవాలని చెప్పారు. అవసరమైన చోట ప్రతి మండలానికి ఒక న్యాయవాదిని అందుబాటులో ఉంచాలని, సమస్యాత్మక నియోజకవర్గాలు , ప్రాంతాలను ముందే గుర్తించి ప్రత్యేక దృష్టి సారించాలని స్పష్టం చేశారు. అంతేకాకుండా, రాష్ట్ర స్థాయిలో పార్టీ కేంద్ర కార్యాలయంలో ‘లీగల్ వార్రూమ్’ తరహా ప్రత్యేక వ్యవస్థను ఏర్పాటు చేయనున్నట్లు వెల్లడించారు.
Also Read
అక్రమ కేసులపై ధీటుగా పోరాటం.. యువ న్యాయవాదులకు ప్రాధాన్యం
ఒకవేళ నామినేషన్ల తిరస్కరణ జరిగితే తక్షణమే స్పందించి సంబంధిత అప్పీలేట్ అథారిటీని ఆశ్రయించేలా వేగవంతమైన వ్యవస్థ ఉండాలని సజ్జల పేర్కొన్నారు. అధికారులు లేదా పోలీసుల ద్వారా అభ్యర్థులపై అక్రమ కేసులు బనాయించినా, వేధింపులకు గురిచేసినా చట్టపరంగా ధీటుగా ఎదుర్కోవాలని పిలుపునిచ్చారు. పోలింగ్, కౌంటింగ్ ప్రక్రియలు పూర్తిగా పూర్తయ్యేంత వరకు న్యాయవాదులు అభ్యర్థులకు నిరంతరం అందుబాటులో ఉండాలని సూచించారు. ఈ ఎన్నికల ప్రక్రియలో సీనియర్, అనుభవజ్ఞులైన న్యాయవాదులతో పాటు యువ న్యాయవాదుల సేవలను కూడా విస్తృతంగా వినియోగించుకోవాలని పార్టీ శ్రేణులకు పిలుపునిచ్చారు.
తాజావార్తలు
-
Koti Deepotsavam 2026 Day 2: అంగరంగ వైభవంగా తిరుచెందూరు శ్రీసుబ్రహ్మణ్యస్వామి కల్యాణం.. రెండో రోజు విశేషాలివే..!
-
Shashank Srihari : రియల్ స్టార్ శ్రీహరి ఇంట పెళ్లి సందడి.. పెద్ద కుమారుడి నిశ్చితార్థం ఎప్పుడంటే.?
-
OTR: కేటీఆర్ సభ రద్దు వెనుక అసలు కారణమేంటి..? BRSలో హాట్ టాపిక్..
-
Aus Vs Eng: సెంచరీతో టామ్ బాంటన్ వీరవిహారం.. ఆస్ట్రేలియా గడ్డపై ఇంగ్లాండ్ అద్భుత విజయం..
-
Dhanashree Verma: చాహల్ మాజీ భార్య ధనశ్రీ హీరోయిన్గా టాలీవుడ్ ఎంట్రీ..
ట్రెండింగ్
-
Winter Skin Care Tips : పండ్ల తొక్కలతోనే మెరిసే అందం.. చలికాలంలో చర్మ సంరక్షణకు 6 చిట్కాలు
-
India Batters Score: భారత బ్యాటర్ల ఘోర వైఫల్యం..! టాప్ స్కోరర్గా కోహ్లీ.. అయినా 100 పరుగులు కూడా దాటలే..
-
Aaryavir Sehwag: ఫైనల్లో టెన్షన్ తట్టుకోలేకపోయా నాన్నా.. ‘సీతారాం.. సీతారాం’ అంటూ జపించా!
-
WPL 2027: కీలక అప్డేట్.. ఆ మ్యాచ్లన్నీ వాంఖడే స్టేడియంలోనే..!
-
Rohit Sharma: రెండు డకౌట్లు, 7.50 సగటు మాత్రమే.. రోహిత్ శర్మ కెరీర్లోనే చెత్త రికార్డు!