8 కొత్త ఫిషింగ్ హార్బర్ల నిర్మాణం చేపడుతున్నాం : సీఎం జగన్

అమరావతి : విజయవాడలో వాణిజ్య ఉత్సవ్‌ సదస్సు నేడు ప్రారంభం అయింది. ఈ సందర్భంగా ఏపీ ఎగుమతుల రోడ్‌ మ్యాప్‌ బ్రోచర్‌ ను విడుదల చేశారు సీఎం జగన్‌. ఎగుమతులకు సంబంధించి ప్రత్యేకంగా ఈ-పోర్టర్‌ ప్రారంభించారు సీఎం జగన్‌. అనంతరం ఆయన మాట్లాడుతూ… ఏపీ క్రమంగా ఎగుమతుల వృద్ధి సాధిస్తోందని… 2021లో 19.4 శాతం మేర పెరిగాయన్నారు. ఆక్వా ఉత్పత్తులు,బోట్లు షిప్ నిర్మాణం , ఫార్మా తదితర రంగాల్లో ఏపీ గణనీయమైన ఎగుమతులు సాధిస్తోందని… 68 మెగా పరిశ్రమలు ఏపీలో ఉత్పత్తి చేస్తున్నాయని తెలిపారు.

30,175 కోట్ల పెట్టుబడులు వచ్చాయని… 62 పెద్ద మెగా ప్రాజెక్టు లు నిర్మాణ దశల్లో ఉన్నాయన్నారు. 8 కొత్త ఫిషింగ్ హార్బర్ల్ నిర్మాణం చేపడుతున్నామని…. ఏపీ లోని మత్స్యకారులు గుజరాత్ లాంటి రాష్ట్ర లకు తరలి వెళ్లకుండా ఈ ఫిషింగ్ హార్బర్ లు ఉపకరిస్తాయని వెల్లడించారు. 3 వేల కోట్ల రూపాయల పెట్టుబడి తో వీటి నిర్మాణం దశల వారీగా చేపట్టాలని నిర్ణయం తీసుకున్నాని… తద్వారా 76,230 మందికి నేరుగా ఉపాధి కలుగుతుందని దీమా వ్యక్తం చేశారు. ఏపీకి సహకరించాలని పరిశ్రమ వర్గాలను కోరుతున్నానన్నారు.