TPCC Mahesh Goud : కేటీఆర్, హరీష్ భ్రమల్లో ఉన్నారు.. కాంగ్రెస్ టార్గెట్ 100
- రాబోయే ఎన్నికల్లో కాంగ్రెస్ లక్ష్యం 100 సీట్లు
- కేటీఆర్, హరీష్ రావుపై మహేష్ కుమార్ గౌడ్ విమర్శలు
- బీజేపీ ప్రభావం తగ్గిందంటూ పీసీసీ చీఫ్ వ్యాఖ్యలు
- సంక్షేమ పథకాలతో మళ్లీ అధికారంలోకి వస్తామని ధీమా
- Follow Us :
-
-
Add as a preferred
source on google
తెలంగాణలో ప్రధాన ప్రతిపక్షాలపై పీసీసీ చీఫ్ మహేష్ కుమార్ గౌడ్ తీవ్రస్థాయిలో విరుచుకుపడ్డారు. బీఆర్ఎస్ నేతలు కేటీఆర్, హరీష్ రావులు వాస్తవాలను విస్మరించి కేవలం భ్రమల్లో బతుకుతున్నారని ఎద్దేవా చేశారు. మీడియా ప్రతినిధులతో జరిగిన చిట్చాట్లో ఆయన రాష్ట్ర రాజకీయాలు, ప్రభుత్వ సంక్షేమ పథకాలు, భవిష్యత్ ఎన్నికల వ్యూహాలపై పలు కీలక వ్యాఖ్యలు చేశారు. రాబోయే ఎన్నికల్లో వంద (100) స్థానాలే లక్ష్యంగా కాంగ్రెస్ పార్టీ ముందుకు వెళ్తోందని, రాష్ట్రంలో తిరుగులేని విజయం సాధించి మళ్లీ అధికారంలోకి వచ్చేది కాంగ్రెస్ పార్టీనేనని ధీమా వ్యక్తం చేశారు.
నవంబర్ తర్వాత డైరెక్ట్ ఎన్నికలే మా టార్గెట్
రాష్ట్రంలో నెలకొన్న సమస్యలన్నింటికీ నవంబర్ నాటికి పూర్తిగా పరిష్కారం దొరుకుతుందని మహేష్ కుమార్ గౌడ్ స్పష్టం చేశారు. నవంబర్ గడువు ముగిసిన తర్వాత ఇక ప్రత్యక్ష ఎన్నికలే తమ ప్రధాన టార్గెట్ అని వెల్లడించారు. సీఎం రేవంత్ రెడ్డి తమకు పూర్తిస్థాయిలో ‘ఫ్రీ హ్యాండ్’ ఇచ్చారని, పార్టీలో ఉన్నటువంటి అద్భుతమైన సమన్వయం దేశంలో మరెక్కడా లేదని స్పష్టం చేశారు. ప్రభుత్వాలు వస్తుంటాయి, పోతుంటాయని.. కానీ పార్టీయే శాశ్వతమని, గ్రౌండ్ స్థాయిలో కాంగ్రెస్ పార్టీ తిరుగులేని శక్తిగా బలపడిందని చెప్పారు. ఎమ్మెల్యేలంతా క్షేత్రస్థాయిలో ఎంతో చురుగ్గా పనిచేస్తున్నారని, జడ్చర్ల ఎమ్మెల్యే అనిరుధ్ రెడ్డి చేసిన వ్యాఖ్యలను తాను చూశానని తెలిపారు.
Also Read
- Cyclone Akvan: ఆంధ్రప్రదేశ్ వైపే వరస తుఫానులు.. బంగాళాఖాతంలో అసలేం జరుగుతోంది.?
- Cyclone Akvan: అక్వాన్ తుఫాన్ ఎఫెక్ట్.. రేపటి నుంచి వీరికి సెలవులు రద్దు..
- SEC Anil Chandra Punetha: నామినేషన్ల ప్రక్రియపై ఎస్ఈసీ సీరియస్.. కలెక్టర్లు, ఎస్పీలకు కీలక ఆదేశాలు.. అవసరమైతే ఎఫ్ఐఆర్లు..!
- Vijaya Dairy Board Emergency Meeting: విజయ డైరీలో కీలక పరిణామం.. రేపటికి వాయిదా పడిన బోర్డు అత్యవసర సమావేశం!
కేసీఆర్ అప్పులపై విమర్శలు.. ఎల్నినోపై హరీష్ రావు వ్యాఖ్యలకు కౌంటర్
గత కేసీఆర్ పాలనపై మండిపడిన పీసీసీ చీఫ్.. కేసీఆర్ను పెద్ద మేధావి అనుకుంటామని, కానీ ఎలాంటి దీర్ఘకాలిక ఆలోచనలు లేకుండా రాష్ట్రాన్ని అప్పుల పాలు చేశారని విమర్శించారు. ఇక రాష్ట్రంలో ఎల్నినో ప్రభావం, కరువు పరిస్థితులపై బీఆర్ఎస్ నేత హరీష్ రావు చేస్తున్న వ్యాఖ్యలను ఆయన తీవ్రంగా ఖండించారు. ఎల్నినో అనేది కేవలం తెలంగాణ సమస్య కాదని, దేశమంతా దాని ప్రభావం ఉందని పేర్కొంటూ హరీష్ రావు పిచ్చిగా మాట్లాడుతున్నారని ఎద్దేవా చేశారు.
బీజేపీ పని అయిపోయింది.. ఆదిలాబాద్, నిజామాబాద్లో భారీ విజయం
తెలంగాణలో భారతీయ జనతా పార్టీ (BJP) ప్రభావం పూర్తిగా తగ్గిపోయిందని, ఇప్పట్లో ఆ పార్టీ అధికారంలోకి వచ్చే పరిస్థితి లేనే లేదని మహేష్ కుమార్ గౌడ్ తేల్చిచెప్పేశారు. ప్రస్తుతం ఆ పార్టీకి ఉన్న 8 ఎంపీ సీట్లలో కనీసం రెండు వస్తే గొప్పేనని, అసెంబ్లీ ఎన్నికల్లో ఆరుగురు ఎమ్మెల్యేల్లో ఒక్కరు కూడా గెలిచే పరిస్థితి లేదని ఎద్దేవా చేశారు. ముఖ్యంగా ఆదిలాబాద్, నిజామాబాద్ ఉమ్మడి జిల్లాల్లో ఏకంగా 40 శాతం సీట్లు కాంగ్రెస్ పార్టీ కైవసం చేసుకుంటుందని జోస్యం చెప్పారు.
సంక్షేమ పథకాలే శ్రీరామరక్ష
రాష్ట్రంలో కాంగ్రెస్ ప్రభుత్వం అమలు చేస్తున్న సంక్షేమ పథకాలపై ప్రజల్లో అపారమైన నమ్మకం ఉందని పీసీసీ చీఫ్ తెలిపారు. సన్నబియ్యం పంపిణీ, ఇందిరమ్మ ఇళ్లు పొందిన ప్రతి ఒక్క లబ్ధిదారుడు కాంగ్రెస్ పార్టీకి అండగా నిలుస్తారని చెప్పారు. ఇప్పటికే రైతులకు ఉచిత కరెంట్ అందిస్తూ, రికార్డు స్థాయిలో 90 వేల ఉద్యోగాలు భర్తీ చేశామని, ఈ అభివృద్ధిని చూసే ప్రజలు మళ్లీ తమను ఆశీర్వదిస్తారని మహేష్ కుమార్ గౌడ్ ధీమా వ్యక్తం చేశారు.
తాజావార్తలు
-
Koti Deepotsavam 2026 Day-4 Live : నాలుగో రోజు వేడుకలకు సిద్ధం.. కోటి దీపోత్సవంలో అమ్మవార్లకు విశేష పూజలు
-
Cyclone Akvan: ఆంధ్రప్రదేశ్ వైపే వరస తుఫానులు.. బంగాళాఖాతంలో అసలేం జరుగుతోంది.?
-
Ramayana : బాక్సాఫీస్పై ‘రామాయణ’ దండయాత్ర.. 12 రోజుల్లో కేజీఎఫ్ 2, ఆర్ఆర్ఆర్ రికార్డులు గల్లంతు!
-
Ramya Krishnan: క్యాస్టింగ్ కౌచ్ నిన్న జరిగింది, నేడు జరుగుతోంది, రేపూ జరుగబోతుంది..!
-
Bangladesh: ఢాకా ఎయిర్పోర్టు సమీపంలో బాంబు పేలుళ్లు.. షేక్ హసీనా రాకపై ఉత్కంఠ!
ట్రెండింగ్
-
Clothes Washing Mistakes : ఉతికే ముందు ఈ పొరపాటు చేస్తున్నారా? రంగులు వెలిసిపోవడం ఖాయం!
-
IPL Retentions 2027: ఎంఎస్ ధోనీ ఎందుకు, వదిలేయండి.. సీఎస్కే మాజీ స్టార్ సంచలన కామెంట్స్!
-
Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!