Young Man D*ied with Heart Attack in Gym: ఆరోగ్యంపై శ్రద్ధ పెరుగుతుంది.. ఫుడ్ మారుస్తున్నారు.. ఉదయమే వాకింగ్, జాకింగ్.. వర్కౌట్స్ ఇలా.. వారి వీలును బట్టి సమయానికి కేటాయిస్తున్నారు.. మరోవైపు గుండెపోటు మరణాలు మాత్రం ఆగడం లేదు.. చిన్నా.. పెద్ద తేడా లేకుండా ఎంతో మంది ప్రాణాలు విడుస్తున్నారు.. తాజాగా, చిత్తూరు జిల్లా పలమనేరులోని జిమ్ సెంటర్లో ఒక యువకుడు గుండెపోటుతో మృతి చెందడం స్థానికంగా సంచలనం సృష్టించింది. పలమనేరు పాతవపేటకు చెందిన విశ్వనాథ్, ఉదయం జిమ్కి వెళ్లి వ్యాయామం చేస్తున్న సమయంలో తీవ్రమైన అస్వస్థతకు గురయ్యాడు.. కొద్దిసేపటి తర్వాత జిమ్ బయటకు వచ్చి వాంతులు చేసిన అనంతరం, అతను మృతి చెందాడు.
Read Also: The Paradise: యూట్యూబ్లో “ఆయా షేర్” ఊర మాస్ విధ్వంసం..
అయితే, జిమ్లో సరైన ట్రైనింగ్ ఇవ్వకపోవడం, రికవరీ సమయంలో సరైన పర్యవేక్షణ లేకపోవడం వలన ఈ ఘటన జరిగినట్లు విశ్వనాథ్ కుటుంబ సభ్యులు ఆవేదన వ్యక్తం చేశారు. వైద్యులు, ఆయన మృతి గుండెపోటు కారణంగా జరిగిందని ధృవపరిచారు. కాగా, విశ్వనాథ్ డీసీసీ బ్యాంక్లో అసిస్టెంట్ మేనేజర్గా పని చేస్తున్నారు. యువకుడి ఆకస్మిక మృతి స్థానికంగా విషాదాన్ని నింపింది.. అయితే, జిమ్లో వ్యాయామం చేసే ముందు తగిన జాగ్రత్తలు తీసుకోవాలని వైద్యులు చూస్తున్నారు.. ముఖ్యంగా సరైన వ్యాయామ పథకాన్ని అనుసరించడం.. తగిన వైద్య పర్యవేక్షణ ఉండటం.. శారీరక పరిస్థితిని గమనించడం.. ఎటువంటి అసౌకర్యం కనిపిస్తే వెంటనే విశ్రాంతి తీసుకోవడం.. ఈ విధమైన జాగ్రత్తలు తీసుకోవడం ద్వారా గుండె సంబంధిత ప్రమాదాలను తగ్గించవచ్చని నిపుణులు చెబుతున్నారు.