Chandrababu Comments on KGF 3 : కేజీఎఫ్ -1, కేజీఎఫ్-2 సినిమాలను ప్రస్తావిస్తూ టీడీపీ అధినేత చంద్రబాబు చేసిన కామెంట్లు వైరల్ అవుతున్నాయి. ప్రచారం లో భాగంగా ఇవాళ చంద్రబాబు నెల్లూరు జిల్లా సర్వేపల్లి నియోజకవర్గం పొదలకూరులో ప్రజాగళం సభకు హాజరయ్యారు. ఈ సందర్భంగా చంద్రబాబు ప్రసంగిస్తూ…. ఈ ఎండ కారణంగా కలుగుతున్న మంట కంటే, ఈ ప్రభుత్వంపై ప్రజల్లో ఉన్న మంట ఎక్కువగా ఉందనన్నారు. సోమిరెడ్డి చంద్రమోహన్ రెడ్డి కొన్ని విషయాలు చెప్పారు, ఎప్పుడో కేజీఎఫ్-1, కేజీఎఫ్-2 అని విన్నానని అన్నారు. నా నియోజకవర్గం కుప్పం పక్కనే కేజీఎఫ్ ఉంటుంది, కుప్పంలో కూడా గోల్డ్ మైన్స్ ఉన్నాయి. కానీ కేజీఎఫ్-1, కేజీఎఫ్-2 చూడాలంటే కోలార్ వెళ్లాలి. అదే కేజీఎఫ్-3 చూడాలంటే సర్వేపల్లికి రావాలన్నారు.
Vishal: ఏ పార్టీకి ఓటు వేయమని చెప్పను కానీ!!.. హీరో విశాల్ కీలక వ్యాఖ్యలు
కేజీఎఫ్ అంటే కాకాణి గోవర్ధన్ ఫీల్డ్స్, కాకాణీ… కేజీఎఫ్ ను సృష్టించుకున్నావు… అందులోనే నిన్ను పాతిపెడతా, అక్రమంగా క్వార్ట్జ్ తవ్వకాలు, సిలికా తవ్వకాలు, గ్రావెల్ తవ్వకాలు… ఈ అవినీతి మంత్రి ఎంత లోతుకు కూరుకుపోయాడంటే… మళ్లీ పైకొచ్చే అవకాశమే లేదని అన్నారు. శాశ్వతంగా గోతిలోనే ఉంటాడని, తవ్విన గోతులే, కొట్టిన కొండలే, దోచిన ఈ సహజ వనరులే రాజకీయ జీవితానికి సమాధి కట్టబోతున్నాయని అన్నారు. ప్రశాంత్ నీల్ దర్శకత్వంలో యష్ హీరోగా వచ్చిన కేజిఎఫ్ సినిమా ఎంత పెద్ద సూపర్ హిట్ అయిందో ప్రత్యేకంగా చెప్పాల్సిన అవసరం లేదు. ఆ సినిమా సూపర్ హిట్ కావడంతో రెండవ భాగాన్ని కూడా ప్రేక్షకుల ముందు తీసుకొచ్చారు. ఇక ఈ సినిమాకి సంబంధించిన మూడో భాగం కూడా ప్రేక్షకుల ముందుకు రావాల్సి ఉంది కానీ ఎప్పుడొస్తుంది అనే విషయం మీద క్లారిటీ లేదు. ఎందుకంటే ఇప్పటివరకు ఈ సినిమా ఇంకా షూటింగ్ కూడా జరుపుకోలేదు. ప్రస్తుతానికి ప్రశాంత్ నీల్ తో పాటు యష్ వేరు వేరు సినిమాలతో బిజీబిజీగా ఉన్నారు.