YS Jagan: ఆంధ్రప్రదేశ్‌లో స్థానిక సంస్థల ఎన్నికల వ్యవహారంలో పాలక, ప్రతిపక్షాల మధ్య మాటల యుద్ధం కొనసాగుతూనే ఉంది.. తాజాగా, ముఖ్యమంత్రి నారా చంద్రబాబు నాయుడుపై మాజీ ముఖ్యమంత్రి, వైఎస్సార్ కాంగ్రెస్ పార్టీ అధినేత వైఎస్ జగన్ మోహన్ రెడ్డి తీవ్రస్థాయిలో విమర్శలు గుప్పించారు. చంద్రబాబును టార్గెట్‌ చేసుకుంటూ సోషల్ మీడియా వేదికగా సంచలన ట్వీట్ చేశారు. ‘రిగ్గింగ్ మాస్టర్ చంద్రబాబు’ అనే హ్యాష్‌ట్యాగ్‌తో ఆయన చేసిన వ్యాఖ్యలు రాజకీయంగా చర్చనీయాంశంగా మారాయి.
గొర్రెతోలు కప్పుకున్న తోడేలు, చంద్రబాబు ఒకటేనని జగన్ తన ట్వీట్‌లో విమర్శించారు. ‘రిగ్గింగ్ మాస్టర్’ ఈరోజు ప్రజాస్వామ్యం గురించి నీతులు చెబుతుంటే ప్రజలు నివ్వెరపోతున్నారని వ్యాఖ్యానించారు. ఎన్నికల సమయంలో ప్రజాస్వామ్యానికి విరుద్ధంగా వ్యవహరించారని పరోక్షంగా ఆరోపిస్తూ చంద్రబాబుపై విరుచుకుపడ్డారు. తన ట్వీట్ చివరలో ‘హే రామ్.. సేవ్ ఆంధ్రా’ అంటూ జగన్ పేర్కొన్నారు. ఇటీవల జరిగిన స్థానిక ఎన్నికల నేపథ్యంలో అధికార, ప్రతిపక్ష పార్టీల మధ్య విమర్శలు, ప్రతి విమర్శలు కొనసాగుతున్న వేళ వైఎస్ఆర్ కాంగ్రెస్ పార్టీ అధినేత, మాజీ ముఖ్యమంత్రి వైఎస్ జగన్మోహన్‌ రెడ్డి చేసిన ఈ ట్వీట్ రాజకీయ వర్గాల్లో ఆసక్తికరంగా మారింది. మరి, కూటమి నేతలు, తెలుగుదేశం పార్టీ నాయకులు ఎలా కౌంటర్‌ ఇస్తారు అనేది కూడా ఆసక్తికరంగా మారింది..
గొర్రెతోలు కప్పుకున్న తోడేలు,
@ncbn ఒకటే!“రిగ్గింగ్ మాస్టర్” ఈరోజు ప్రజాస్వామ్యం గురించి నీతులు చెప్తుంటే ప్రజలు నివ్వెరపోతున్నారు!
Hey Ram, Save Andhra!
#RiggingMasterCBN
— YS Jagan Mohan Reddy (@ysjagan) November 9, 2026