Arnab Cyclone Alert: తుఫాన్పై హైఅలర్ట్.. అత్యవసరమైతే తప్ప ప్రయాణాలు వద్దు..!
- Follow Us :
-
-
Add as a preferred
source on google
Arnab Cyclone Alert: బంగాళాఖాతంలో ఏర్పడిన ‘అర్నబ్’ తుఫాన్ తీవ్రరూపం దాల్చే అవకాశం ఉండటంతో ఆంధ్రప్రదేశ్ ప్రభుత్వం అప్రమత్తమైంది. తుపాను ముప్పును ఎదుర్కొనేందుకు రాష్ట్ర యంత్రాంగాన్ని సన్నద్ధం చేసి హైఅలర్ట్ ప్రకటించినట్లు హోంమంత్రి వంగలపూడి అనిత తెలిపారు. అమరావతిలోని విపత్తుల నిర్వహణ విభాగం, రియల్ టైమ్ గవర్నెన్స్ సొసైటీ (ఆర్టీజీఎస్) అధికారులతో ఎప్పటికప్పుడు సమీక్షలు నిర్వహిస్తూ తుపాను గమనం, తీవ్రతను నిరంతరం పర్యవేక్షిస్తున్నట్లు వెల్లడించారు. తీరప్రాంత ప్రజల ప్రాణ, ఆస్తి నష్టాన్ని నివారించడమే ప్రభుత్వ ప్రధాన లక్ష్యమని హోంమంత్రి స్పష్టం చేశారు. అన్ని శాఖల అధికారులు క్షేత్రస్థాయిలో అందుబాటులో ఉండి, అత్యవసర పరిస్థితులు ఎదురైతే వెంటనే సహాయక చర్యలు చేపట్టేందుకు సిద్ధంగా ఉన్నారని తెలిపారు.
గంటకు 125 కిలోమీటర్ల వేగంతో ఈదురుగాలులు వీచే అవకాశం
అర్నబ్ తుఫాన్ ఇవాళ అర్ధరాత్రికి తీవ్ర తుఫాన్గా, రేపు అతి తీవ్ర తుపానుగా మారే అవకాశం ఉందని హోంమంత్రి అనిత పేర్కొన్నారు. ఎల్లుండి ఉదయం బాపట్ల–విశాఖపట్నం మధ్య యానాం సమీపంలో తీరాన్ని దాటే అవకాశాలున్నాయని తెలిపారు. తుఫాన్ తీరం దాటే సమయంలో గంటకు 115 నుంచి 125 కిలోమీటర్ల వేగంతో ఈదురుగాలులు వీచే ప్రమాదం ఉందని హెచ్చరించారు.
Also Read
- Child Trafficking: బాలల అక్రమ రవాణాకు చెక్..! అదృశ్యమైన చిన్నారుల కోసం ఏపీ సర్కార్ కొత్త ప్లాన్..
- Cyclone Alert: ఏపీకి మరో తుఫాన్ ముప్పు..? విశాఖ–మచిలీపట్నం మధ్య తీరం దాటే అవకాశం..!
- AP Municipal Elections 2026: మున్సిపల్ ఎన్నికలకు సిద్ధమైన ఏపీ.. నేటి నుంచి నామినేషన్లు.. పూర్తి షెడ్యూల్ ఇదే!
- AP Panchayat Elections 2026: ఏకగ్రీవ పంచాయతీలకు గుడ్న్యూస్.. భారీగా పెరిగిన ప్రభుత్వ నజరానా!
ఎన్డీఆర్ఎఫ్, ఎస్డీఆర్ఎఫ్ బృందాలు సిద్ధం
తుఫాన్ ప్రభావం ఉండే జిల్లాలకు ఇప్పటికే జాతీయ విపత్తు ప్రతిస్పందన దళం (ఎన్డీఆర్ఎఫ్), రాష్ట్ర విపత్తు ప్రతిస్పందన దళం (ఎస్డీఆర్ఎఫ్), అగ్నిమాపక సిబ్బందిని తరలించినట్లు హోంమంత్రి వెల్లడించారు. అవసరమైన ప్రాంతాల్లో సహాయక చర్యలు చేపట్టేందుకు అధికారులు సిద్ధంగా ఉన్నారని తెలిపారు. తుపాను ప్రభావాన్ని నిరంతరం అంచనా వేస్తూ, పరిస్థితులకు అనుగుణంగా చర్యలు తీసుకుంటున్నట్లు పేర్కొన్నారు.
అత్యవసరమైతే తప్ప ప్రయాణాలు చేయొద్దు
ప్రస్తుతం వాతావరణం ప్రశాంతంగా ఉందని నిర్లక్ష్యం వహించవద్దని హోంమంత్రి ప్రజలకు సూచించారు. మంగళ, బుధవారాల్లో అత్యవసర పరిస్థితుల్లో తప్ప ప్రయాణాలు చేయవద్దని విజ్ఞప్తి చేశారు. రాబోయే మూడు రోజులపాటు తీరప్రాంత ప్రజలు, మత్స్యకారులు, రైతులు అప్రమత్తంగా ఉండాలని, తగిన జాగ్రత్తలు తీసుకోవాలని సూచించారు.
పుకార్లు నమ్మొద్దు.. అధికారిక సమాచారాన్నే అనుసరించాలి
తుఫాన్ నేపథ్యంలో సోషల్ మీడియాలో ప్రచారమయ్యే పుకార్లు, వదంతులను ప్రజలు నమ్మవద్దని హోంమంత్రి అనిత హితవు పలికారు. ఆంధ్రప్రదేశ్ రాష్ట్ర విపత్తుల నిర్వహణ సంస్థ (ఏపీఎస్డీఎంఏ), ఆర్టీజీఎస్ జారీ చేసే అధికారిక హెచ్చరికలు, సూచనలను మాత్రమే అనుసరించాలని కోరారు. ప్రజల భద్రత కోసం ప్రభుత్వం అన్ని ముందస్తు చర్యలు తీసుకుంటోందని, ప్రతి ఒక్కరూ అప్రమత్తంగా ఉండాలని విజ్ఞప్తి చేశారు ఏపీ హోంశాఖ మంత్రి వంగలపూడి అనిత..
తాజావార్తలు
-
IND vs PAK U19: ‘ఓ మై గాడ్.. వాట్ ఏ మ్యాచ్’.. టీమిండియా త్రిల్లింగ్ విక్టరీపై వైభవ్ పోస్ట్ వైరల్!
-
India Top ODI Captains: ధోనీ టాప్.. కోహ్లీ లాస్ట్..! టాప్ కెప్టెన్స్ వీరే అంటున్న టీమిండియా మాజీ ప్లేయర్..
-
UP Assembly Elections 2027: యూపీ ఎన్నికల్లో కాంగ్రెస్కు 100 సీట్లు కూడా రావు.. ఎస్పీ ఎంపీ సంచలన వ్యాఖ్యలు!
-
IND vs NZ 5th ODI: న్యూజిలాండ్ బౌలర్ల దెబ్బకు చేతులెత్తేసిన భారత్.. 209 పరుగులకే ఆలౌట్!
-
Cameras on Vegetable Vendors: కూరగాయల మార్కెట్లో AI కలకలం.. వ్యాపారుల తలపై వింత గ్యాడ్జెట్లు.. అసలేం జరుగుతోంది?
ట్రెండింగ్
-
Toyota Innova Hycross Facelift: E100 ఇథనాల్ టెక్నాలజీతో నవంబర్ 25న కొత్త ఇన్నోవా హైక్రాస్ లాంచ్..!
-
200MP+200MP కెమెరాలు, 100W ఫాస్ట్ ఛార్జింగ్, 1TB స్టోరేజ్ తో HONOR Magic9 Pro Max నవంబర్ 24న గ్లోబల్ లాంచ్..
-
200MP కెమెరా, 9000mAh బ్యాటరీలతో నవంబర్ 23న HONOR 700 సిరీస్ లాంచ్..!
-
RRB NTPC Recruitment: రైల్వేలో 1688 క్లర్క్, టికెట్ కలెక్టర్ ఉద్యోగాల భర్తీకి నోటిఫికేషన్.. నేడే చివరి తేదీ.! అప్లై చేసుకున్నారా.?
-
Birsa Munda : 25 ఏళ్లకే బ్రిటిష్ సామ్రాజ్యాన్ని వణికించాడు.. బిర్సా ముండా పోరాట గాథ