AP Government Jobs: గుడ్‌న్యూస్ చెప్పిన ప్రభుత్వం.. ఉద్యోగాల వయోపరిమితి పెంపు.. ఎప్పటి వరకు అంటే?

AP Government Jobs: ఆంధ్రప్రదేశ్‌ ప్రభుత్వం శుభవార్త చెప్పింది.. ప్రభుత్వ ఉద్యోగాల కోసం ఎదురుచూస్తున్న నిరుద్యోగులకు గుడ్‌న్యూస్‌ చెప్పింది. ప్రభుత్వ ఉద్యోగ నియామకాలకు సంబంధించి గరిష్ట వయోపరిమితిని పెంచుతూ రాష్ట్ర ప్రభుత్వం నిర్ణయం తీసుకుంది. వచ్చే ఏడాది సెప్టెంబర్ 30 వరకు ఈ పెంపు అమల్లో ఉండనుంది. ఆంధ్రప్రదేశ్‌ పబ్లిక్‌ సర్వీస్‌ కమిషన్‌ (APPSC)తో పాటు ఇతర రిక్రూటింగ్ ఏజెన్సీలు చేపట్టే ప్రభుత్వ ఉద్యోగ నియామకాలకు ఈ వయోపరిమితి పెంపు వర్తించనుంది. యూనిఫాం సర్వీసులకు సాధారణ కేటగిరీలో రెండేళ్లపాటు వయోపరిమితి పెంపు వర్తించనుంది.

మిగిలిన ప్రభుత్వ ఉద్యోగ నియామకాలకు గరిష్ట వయోపరిమితిని 34 ఏళ్ల నుంచి 44 ఏళ్లకు పెంచారు. నాన్-యూనిఫామ్ సర్వీసులకు ప్రస్తుతం ఉన్న 42 ఏళ్ల గరిష్ట వయోపరిమితిని 44 ఏళ్లకు పెంచుతూ ప్రభుత్వం నిర్ణయం తీసుకుంది. అదేవిధంగా రిజర్వ్‌డ్ కేటగిరీలకు ఇప్పటికే అమల్లో ఉన్న వయోపరిమితి సడలింపులు యథాతథంగా కొనసాగుతాయని ప్రభుత్వం స్పష్టం చేసింది. ఈ మేరకు రాష్ట్ర ప్రభుత్వం రెండు వేర్వేరు జీవోలను విడుదల చేసింది. వయోపరిమితి పెంపుతో ప్రభుత్వ ఉద్యోగాలకు సిద్ధమవుతున్న పలువురు అభ్యర్థులకు మరిన్ని అవకాశాలు లభించనున్నాయి.