AP Government: శుభవార్త చెప్పిన ఏపీ సర్కార్.. ఉద్యోగులకు సంక్రాంతి కానుక..

AP Government: ఉద్యోగులు, వివిధ పనులు చేపట్టిన కాంట్రాక్టర్లకు కూటమి ప్రభుత్వ సంక్రాంతి పండుగ వేళ శుభవార్త చెప్పింది.. ముఖ్యమంత్రి చంద్రబాబు ఆదేశాల మేరకు చెల్లింపుల నిమిత్తం నిధులు విడుదల చేసినట్లు ఆర్ధిక మంత్రి పయ్యావుల కేశవ్ ప్రకటించారు.. నీరు – చెట్టు బిల్లులు సహా వివిధ వర్గాలకు ఊరటనిస్తూ బిల్లులను క్లియర్ చేసింది ఆర్థిక శాఖ.. మొత్తంగా రూ.2,653 కోట్ల మేర ఉద్యోగులు డీఏ, డీఆర్ ఎరియర్స్, కాంట్రాక్టర్ల బిల్లులకు నిధులు విడుదల చేసింది ప్రభుత్వం.. పెండింగులో ఉన్న ఒక డీఏ, డీఆర్ ఎరియర్స్ నిమిత్తం రూ. 1100 కోట్లు విడుదల చేశారు.. పోలీసులకు ఇవ్వాల్సిన సరెండర్ లీవుల్లో రూ. 110 కోట్లు మంజూరు చేశారు.. ఈఏపీ, నాబార్డు, సాస్కీ, సీఆర్ఐఎఫ్ పనుల నిమిత్తం రూ.1,243 కోట్ల విడుదల అయ్యాయి.. ఇందులోనే నీరు-చెట్టు బిల్లుల నిమిత్తం సుమారు రూ.40 కోట్లు విడుదల చేసింది ప్రభుత్వం.. డీఏ, డీఆర్ ఎరియర్స్ చెల్లింపులతో 2.25 లక్షల మంది సీపీఎస్ ఉద్యోగులకు, 2.70 లక్షల మంది పెన్షనర్లకు లబ్ది చేకూరనుంది.. సుమారు 55 వేల మంది పోలీసులకు సరెండర్ లీవుల చెల్లింపులు చేయనున్నారు.. ఇక, నీరు – చెట్టు సహా వివిధ పనులు చేపట్టిన కాంట్రాక్టర్లకు బిల్లులు చేపట్టడంతో దాదాపు 19 వేలకు పైగా కాంట్రాక్టర్లకు చెల్లింపులు చేస్తుంది రాష్ట్ర ప్రభుత్వం. మొత్తంగా 5.70 లక్షల మందికి సంక్రాంతి సందర్భంగా బిల్లులు, బకాయిలు చెల్లింపులు జరిపింది ఆంధ్రప్రదేశ్‌లోని కూటమి ప్రభుత్వం..

Read Also: Gunda Appala Suryanarayana Passes Away: కాలుజారి పడిపోయిన మాజీ మంత్రి.. ఆస్పత్రిలో చికిత్స పొందుతూ కన్నుమూత..

మొత్తంగా.. సంక్రాంతి పండుగ వేళ ఆంధ్రప్రదేశ్ కూటమి ప్రభుత్వం ఉద్యోగులు, పెన్షనర్లు, పోలీస్ సిబ్బంది, కాంట్రాక్టర్లకు శుభవార్త చెప్పింది. ముఖ్యమంత్రి చంద్రబాబు నాయుడు ఆదేశాల మేరకు పెండింగ్ బిల్లులు, బకాయిల చెల్లింపుల కోసం భారీగా నిధులు విడుదల చేసినట్లు ఆర్థిక మంత్రి పయ్యావుల కేశవ్ ప్రకటించారు. మొత్తంగా రూ.2,653 కోట్ల మేర డీఏ, డీఆర్ ఎరియర్స్, పోలీసుల సరెండర్ లీవులు, వివిధ పనులు చేపట్టిన కాంట్రాక్టర్ల బిల్లులకు ప్రభుత్వం నిధులు విడుదల చేసింది. ఈ నిర్ణయంతో పండుగ వేళ లక్షలాది కుటుంబాలకు ఊరట లభించనుంది. పెండింగ్‌లో ఉన్న ఒక డీఏ, డీఆర్ ఎరియర్స్ చెల్లింపుల కోసం రూ.1,100 కోట్లు విడుదల చేసినట్లు ఆర్థిక శాఖ వెల్లడించింది. దీని ద్వారా సుమారు 2.25 లక్షల మంది సీపీఎస్ ఉద్యోగులకు, 2.70 లక్షల మంది పెన్షనర్లకు నేరుగా లబ్ది చేకూరనుంది. అలాగే పోలీస్ శాఖకు సంబంధించిన సరెండర్ లీవుల చెల్లింపుల కోసం రూ.110 కోట్లు మంజూరు చేశారు. దీని వల్ల రాష్ట్రవ్యాప్తంగా సుమారు 55 వేల మంది పోలీస్ సిబ్బందికి ఆర్థిక ప్రయోజనం కలగనుంది.

ఇక, ఈఏపీ, నాబార్డు, సాస్కీ, సీఆర్ఐఎఫ్ తదితర పథకాల కింద చేపట్టిన పనుల బిల్లుల కోసం రూ.1,243 కోట్లను ప్రభుత్వం విడుదల చేసింది. ఇందులో భాగంగా ‘నీరు – చెట్టు’ పథకం కింద చేపట్టిన పనుల బిల్లుల చెల్లింపుల కోసం సుమారు రూ.40 కోట్లు కేటాయించారు. ఈ నిర్ణయంతో నీరు–చెట్టు సహా వివిధ అభివృద్ధి పనులు చేపట్టిన దాదాపు 19 వేల మందికిపైగా కాంట్రాక్టర్లకు బిల్లుల చెల్లింపులు జరగనున్నాయి. దీర్ఘకాలంగా పెండింగ్‌లో ఉన్న బిల్లులు క్లియర్ కావడంతో కాంట్రాక్టర్లలో సంతోషం వ్యక్తమవుతోంది. మొత్తంగా చూస్తే, డీఏ, డీఆర్ ఎరియర్స్, సరెండర్ లీవులు, కాంట్రాక్టర్ల బిల్లుల చెల్లింపుల ద్వారా సుమారు 5.70 లక్షల మందికి సంక్రాంతి సందర్భంగా ఆర్థిక ప్రయోజనం చేకూరింది. పండుగ ముందు ఈ నిర్ణయం తీసుకోవడం ఉద్యోగులు, పెన్షనర్లు, కాంట్రాక్టర్లకు నిజమైన సంక్రాంతి కానుకగా మారిందని వారు పేర్కొంటున్నారు.