Matrimony Ad: పెళ్ళికి ఆ అబ్బాయిలు పనికిరారు.. దయచేసి కాల్ చేయకండి

Matrimony Ad: ప్రస్తుతం సమాజంలో అమ్మాయిల సంఖ్య తగ్గుతూ వస్తోంది. 10 మంది అబ్బాయిలకు 6 గురు అమ్మాయిలు మాత్రమే ఉంటున్నారు. దీంతో చాలామంది అబ్బాయిలు పెళ్లి కోసం ఇంకా వెతుకుతూనే ఉన్నారు. ఇక అమ్మాయి దొరికితే చాలు. కట్నం, కులం లాంటివి ఏవి అడగకుండా పెళ్లి చేసుకోవాలని చూసేవారు చాలామంది ఉన్నారు. కానీ, ఇప్పుడు అమ్మాయిల రాజ్యం నడుస్తోంది. వారికి తగ్గ అబ్బాయిలను వారే వెతుకుంటూన్నారు. తనకు కాబోయే భర్త ఎలా ఉండాలి.. ఏం చేస్తూ ఉండాలి అనేది వారు ఒక క్లారిటీ తో ఉంటున్నారు. ఇక ఇలాంటి సమయంలోనే ఒక మ్యాట్రిమోనీ ప్రకటన నెట్టింట వైరల్ గా మారాయి. అందులో సాఫ్ట్ వేర్ ఇంజనీర్లు అయితే మాకొద్దు అని ప్రకటించడం హాట్ టాపిక్ గా మారింది. ఇంతకు ఆ ప్రకటనలో ఏమున్నదంటే “ఒక 24 ఏళ్ళ అందమైన అమ్మాయికి.. బిజినెస్, గవర్నమెంట్ ఉద్యోగం చేసే అందమైన యువకుడి కావాలి. తమ కులంలోనే ఐఏఎస్, ఐపీఎస్, డాక్టర్ అయి ఉంటే మరీ మంచిది. అని రాసుకొచ్చారు.

ఇక్కడివరకు బాగానే ఉన్నా చివర్లో మాత్రం దయచేసి సాఫ్ట్ వేర్ ఇంజనీర్లు మాత్రం కాల్ చేయకండి అని నొక్కి చెప్పుకొచ్చారు. ప్రస్తుతం ఈ మాటే ఈ వార్తను సెన్సేషనల్ చేసింది. సాఫ్ట్ వేర్ ఇంజనీర్లు అయితే ఎందుకు వద్దు అనేదాని మీద డిబేట్ నడుస్తోంది. ఐటీ రంగం ఎప్పుడు కుదేలు అవుతుందో ఎవరికి తెలియదు.. ఆ జాబ్ ఎప్పుడు ఊడిపోతుందో అని భయం కావచ్చు అని కొందరు అంటుండగా.. ఆ టార్చర్ ను భరించడం కష్టం వలన వద్దు అంటున్నారని మరికొందరు చెప్పుకొస్తున్నారు. ఇక ఈ ప్రకటన పై సాఫ్ట్ వేర్ ఇంజనీర్లు మండిపడుతున్నారు. మేమేం పాపం చేశామని మాతో పెళ్లిళ్లు వద్దంటున్నారు. మేమె లేకపోతె ఈ ఐటీ రంగమే ఉండేది కాదు.. ముందు ముందు మా వలనే టెక్నాలజీ పెరుగుతోంది అని చెప్పుకొస్తున్నారు. ప్రస్తుతం ఈ ప్రకటన నెట్టింట వైరల్ గా మారింది.

Future of IT does not look so sound. pic.twitter.com/YwCsiMbGq2

— Samir Arora (@Iamsamirarora) September 16, 2022