Hindu Sanyasi: విలాసవంతమైన జీవితాన్ని విడిచి.. సన్యాసిగా మారిన విదేశీ మహిళా డాక్టర్..
- Follow Us :
-
-
Add as a preferred
source on google
Spanish MBBS Doctor Became Sanyasi: నేటి ప్రపంచంలో చాలా మంది డబ్బు, హోదా, విలాసాల కోసం పోటీ పడుతున్నారు. కానీ.. ఆత్మ శాంతి, జీవితానికి నిజమైన అర్థాన్ని వెతుక్కుంటూ భౌతిక సుఖాలను వదులుకునే వారు కొందరు ఉన్నారు. తాజాగా ఓ విదేశీ మహిళ విలాసవంతమైన జీవితం విడిచి సాధ్విగా మారింది. వృత్తిరీత్యా వైద్యురాలైన స్పానిష్ అమ్మాయి చాలా విలాసవంతమైన జీవితాన్ని గడుపుతోంది. తమ దేశంలో అన్నీ వదిలి భారతదేశానికి వచ్చి సనాతన ధర్మాన్ని స్వీకరించి సాధ్విగా జీవిస్తోంది. ఈ మహిళ ఇటీవల ఒక వీడియో ద్వారా తన జీవిత ప్రయాణాన్ని పంచుకుంది. తన కుటుంబం మొత్తం వైద్యురాలని, తాను జనరల్ డాక్టర్ అని చెప్పింది. ఆమె ఐదు సంవత్సరాలు MBBS చదివింది. తల, మెడ వ్యాధుల నిపుణురాలు. డాక్టర్ అయిన ఆ యువతి అద్భుతమైన జీవితాన్ని గడిపింది. ఆమెకు డబ్బు, హోదా, సౌకర్యం, స్నేహితులు అన్నీ ఉన్నాయి. కానీ.. ఏదో వెతుక్కుంటూ భారత్‌కి వచ్చింది.
READ MORE: China: చైనాను భయపెడుతున్న జనాభా సంక్షోభం.. పిల్లల తల్లిదండ్రులకు సబ్సిడీలు..
తనకు 23 సంవత్సరాల వయసులో నిజమైన శాంతి డబ్బు, కీర్తిలో లేదని తాను మొదటిసారి గ్రహించానని ఆమె చెప్పింది. ఆమె తన తల్లితో కలిసి తరచుగా గుడికి వెళ్లేది. ఆలయ వాతావరణం, హవనము, పూజల నుంచి ఆమెకు లభించిన ఆధ్యాత్మిక సంతృప్తి ఏ ఖరీదైన కారులో లేదా విదేశీ పర్యటనలో లభించలేదని తెలిపింది. క్రమంగా, సనాతన ధర్మం పట్ల ఆమెకు విశ్వాసం పెరిగింది. దీంతో తన జీవితాన్ని ఇలాగే గడపాలని నిర్ణయించుకుంది. ఇప్పుడు ఆమెకు 45 సంవత్సరాలు.. గత 22 సంవత్సరాలుగా సాధ్విలా జీవిస్తోంది. ఆమె కాషాయ వస్త్రాలు ధరించి, క్రమశిక్షణతో కూడిన దినచర్యను అనుసరిస్తుంది. సేవ, సాధన, ధ్యానానికి తనను తాను అంకితం చేసుకుంది. సనాతన ధర్మం కేవలం ఆరాధన లేదా సంప్రదాయం కాదని, అది మనస్సు, శరీరం, ఆత్మ సామరస్యాన్ని బోధించే ఒక శాస్త్రం, జీవన విధానం అని ఆమె నమ్ముతుంది. ప్రస్తుతం ఆమెకు సంబంధించిన ఓ వీడియో సోషల్ మీడియాలో వైరల్‌గా మారింది.
READ MORE: Upcoming Electric Cars: భారత్‌లో త్వరలో రాబోయే టాప్ ఎలక్ట్రిక్ కార్ల లిస్ట్ ఇదిగో!