Viral News: చెప్పులు చేతిలో పట్టుకుని పరుగెత్తింది.. కూతుళ్ల చదువు కోసం మారథాన్ గెలిచిన తల్లి కథ!
- Follow Us :
-
-
Add as a preferred
source on google
Viral News: చెప్పులు జారిపోయాయి.. అయినా ఆమె పరుగు ఆగలేదు. కాళ్లకు చెప్పులు లేకుండా రాళ్లు, చల్లటి రోడ్డుపై పరుగెత్తిన 47 ఏళ్ల మహిళ చివరకు మారథాన్ విజేతగా నిలిచింది. ఆమె చేతికి వచ్చిన బహుమతి డబ్బు కేవలం రూ.3,000. కానీ ఆ మొత్తానికి ఆమె జీవితంలో ఉన్న విలువ అంతకంటే ఎంతో ఎక్కువ. ఆ డబ్బుతో తన ఇద్దరు కుమార్తెలకు పుస్తకాలు కొనాలని నిర్ణయించుకుంది. తన పిల్లల భవిష్యత్తు కోసం ఒక తల్లి చేసిన ఈ పరుగు ఇప్పుడు అందరి దృష్టిని ఆకర్షిస్తోంది.
మహారాష్ట్రలోని బీడ్ జిల్లా అంబాజోగైకి చెందిన రమాబాయి రణ్వీర్ వృత్తిరీత్యా వంట మనిషి. భర్త ముంబైలో జరిగిన ప్రమాదంలో మరణించడంతో ఇద్దరు కుమార్తెల బాధ్యతను ఆమె ఒక్కరే మోస్తున్నారు. కుటుంబ ఆర్థిక పరిస్థితులు అంతంతమాత్రంగానే ఉన్నప్పటికీ, పిల్లల చదువును మాత్రం ఆమె ఎప్పుడూ ఆపలేదు. అంబాజోగైలోని ఓ అకాడమీలో వంట పని చేస్తూ కుటుంబాన్ని నడిపిస్తున్నారు. అదే అకాడమీలో ఆమె పెద్ద కుమార్తె కూడా చదువుతోంది.
Also Read
- Aura Kid: 'ఆరా కిడ్'గా ఫేమస్ అయిన రెండేళ్ల బుడతడు.. 139M వ్యూస్తో ఇన్స్టాను షేక్ చేస్తున్న వీడియో..
- MS Dhoni Drone Show: రెండు కళ్లు చాలవుగా చూడడానికి.. ధోనీ రెటైమెంట్తో ప్రత్యేక డ్రోన్ షో నిర్వహించిన సీఎస్కే..!
- WBBL 2026: కీపర్ 'నో బాల్' బ్లండర్.. పొరపాటుతో తారుమారైన మ్యాచ్ రిజల్ట్.. రెనెగేడ్స్ను వరించిన అదృష్టం.!
- Viral Food : ఎగ్ టార్ట్పై బొద్దింకలాంటి పురుగు.. తినేందుకు ఎగబడుతున్న జనం.!
కుమార్తెలు తమ భవిష్యత్తు కోసం పోటీ పరీక్షలకు సిద్ధమవుతుంటే, తల్లి వారి చదువుకు కావాల్సిన ఖర్చుల కోసం ప్రతిరోజూ శ్రమిస్తోంది. గతంలో కుటుంబానికి వ్యవసాయమే ప్రధాన ఆధారం. అయితే పిల్లల చదువు కొనసాగించేందుకు రమాబాయి వంట పనిని కూడా చేపట్టారు. పెద్ద కుమార్తె పూజా చదువుపై ఉన్న ఆసక్తిని గమనించిన అకాడమీ డైరెక్టర్ ఆమె ఫీజును కూడా మాఫీ చేశారు.
ఇలాంటి పరిస్థితుల్లో స్థానిక సంస్థ నిర్వహించిన అమృత్ దౌడ్ మారథాన్ గురించి రమాబాయికి తెలిసింది. విజేతకు రూ.3,000 బహుమతి ఇవ్వనున్నారని తెలియడంతో ఆమె కూడా పోటీలో పాల్గొనాలని నిర్ణయించుకున్నారు. మారథాన్కు వచ్చిన వారిలో చాలామంది యువతీ యువకులు ట్రాక్సూట్లు ధరించి సిద్ధంగా ఉండగా, రమాబాయి మాత్రం సాధారణ చీరలోనే అక్కడికి వచ్చారు.
పరుగు ప్రారంభించినప్పుడు ఆమె కాళ్లకు చెప్పులు ఉన్నాయి. అయితే పరుగులో అవి పదేపదే జారిపోవడంతో వాటిని చేతిలోకి తీసుకున్నారు. ఆ తర్వాత చెప్పులు లేకుండానే పరుగును కొనసాగించారు. చల్లటి రోడ్డు, దారిలోని రాళ్లు, చీరను జాగ్రత్తగా పట్టుకోవాల్సిన పరిస్థితి.. ఏదీ ఆమె వేగాన్ని ఆపలేకపోయింది. ఒక్కో అడుగు ముందుకు వేస్తూ ఇతర రన్నర్లను దాటుకుంటూ చివరకు మొదటి స్థానంలో నిలిచారు.
మారథాన్లో రమాబాయి గెలవడం అక్కడున్న వారిని ఆశ్చర్యానికి గురిచేసింది. ప్రేక్షకులు చప్పట్లతో ఆమెను అభినందించారు. అయితే రమాబాయి దృష్టిలో ఆ విజయం కేవలం పతకం లేదా ప్రశంసల కోసం కాదు. తన ఇద్దరు కుమార్తెల భవిష్యత్తు గురించే పరుగులో ఉన్నంతసేపూ ఆలోచించానని ఆమె తెలిపారు. లభించిన రూ.3,000తో కుమార్తెలకు పుస్తకాలు కొనుగోలు చేస్తానని చెప్పారు. ఈ విషయాన్ని ఇండియా టుడే నివేదించింది.
ఈ పోటీలో రమాబాయి పెద్ద కుమార్తె పూజా కూడా పాల్గొన్నారు. ఆమె రెండో స్థానంలో నిలిచారు. తల్లిని మారథాన్లో పాల్గొనమని ప్రోత్సహించింది పూజానే. అయితే తన తల్లి మొదటి స్థానంలో నిలుస్తారని మాత్రం ఆమె ఊహించలేదు. ప్రస్తుతం పూజా పోలీస్ రిక్రూట్మెంట్ కోసం సిద్ధమవుతున్నారు. భవిష్యత్తులో పోలీస్ అధికారిగా మారాలనేది ఆమె కల. ఆమె సోదరి కూడా బ్యాంకింగ్ పరీక్షలకు సిద్ధమవుతున్నారు. తన తల్లి కష్టాలను దగ్గరగా చూసిన పూజా, ఇద్దరు కుమార్తెలను పెంచుతూ వారి చదువు కోసం రమాబాయి ఎప్పుడూ వెనక్కి తగ్గలేదని చెప్పారు.
అందుకే రమాబాయి మారథాన్లో వేసిన ప్రతి అడుగు వెనుక ఒక లక్ష్యం ఉంది. చెప్పులు జారిపోయినప్పుడు వాటిని చేతిలో పట్టుకున్నారు. కాళ్లకు గాయాలైనా పరుగును ఆపలేదు. ఎందుకంటే ఆమెకు అది ఒక సాధారణ పరుగు కాదు. తన కుమార్తెల కలలకు చేరువ కావడానికి చేసిన మరో ప్రయత్నం. బహుమతిగా వచ్చిన రూ.3,000 చిన్న మొత్తమే కావచ్చు. కానీ ఒక తల్లి తన పిల్లల చదువుకోసం దానిని గెలుచుకున్న విధానం మాత్రం ఎంతో పెద్ద కథగా నిలిచిపోయింది.
తాజావార్తలు
-
Ind Vs Nepal: టాస్ గెలిచని నేపాల్.. బ్యాటింగ్లో అభిషేక్ మెరుపులు..
-
Stock Market: దూసుకుపోతున్న స్టాక్ మార్కెట్ సూచీలు.. ఇన్వెస్టర్లకు లాభాలే లాభాలు..
-
Uttar Pradesh: ఇంటి ముందు ‘‘వందేమాతరం’’ ఉండటమే పాపమా.. ముస్లిం యువతి నికాహ్కు నిరాకరించిన ఇమామ్
-
Mohammed Siraj: ఓవల్లో సిరాజ్ మెరుపులు.. అయినా ప్లేయింగ్ XIలో దక్కని చోటు..
-
Mahela Jayawardene: 13 ఏళ్ల నిరీక్షణకు తెర.. జయవర్దనేకు బంపర్ ఆఫర్..
ట్రెండింగ్
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!