Balloons sales girl turned model in over night
కొన్ని కొన్ని సార్లు జీవితం ఏవిధంగా మలుపు తిరుగుతుందో తెలియదు. తినడానికి తిండిలేకపోయినా.. ఒక్కరోజులోనే అదృష్టం వరించి స్టార్లుగా మారిన వారు చాలా మందే ఉన్నారు. ఇటీవల మమ్మికా అనే ఓ దినసరి కూలీని ఓ ఫోటో గ్రాఫర్ గుర్తించి.. ఆయనకు సూటు బూటు వేసి ఫోటోలో తీయడంతో ఒక్క రాత్రిలోనే మోడల్గా మారిపోయాడు. అయితే ఇప్పుడు ఓ యువతి తలరాతను ఓ ఫోటో గ్రాఫర్ బుర్రలో మెదిలిన ఆలోచన మార్చింది. జనవరి 17న కేరళలోని అందలూరుకావులో జరిగిన ఓ జాతరకు ఫోటో గ్రాఫర్ అర్జున్ కృష్ణన్ వెళ్లాడు. అయితే అక్కడ కిస్బూ అనే యువతి బెలూన్లు అమ్ముతూ కనిపించింది. దీంతో అర్జున్ కృష్ణన్ బుర్రలో ఓ ఆలోచన వచ్చి ఓ ఫోటో తీశాడు.
ఆ ఫోటో తన సోషల్ మీడియా ఖాతాలో పోస్ట్ చేయడంతో తెగ వైరల్ అయ్యాయి. దీంతో అర్జున్ కృష్ణన్ కిస్బూ ఇంటి వెళ్లి ఆ యువతి వాళ్లమ్మకు ఆ ఫోటో చూపించాడు. ఆ ఫోటోలు చూసిన కిస్బూ అమ్మసైతం ఆనందం వ్యక్తం చేసింది. అయితే అర్జున్ కృష్ణన్ కిస్బూ వాళ్ల అమ్మను తనను ఒప్పించి ఫోటో షూట్ చేశారు. ఈ సారి మేకప్ వేయించి ఓ మోడల్ ఫోటో షూట్ మాదిరిగా చిత్రీకరించి నెట్టింట్లోకి వదిలాడు. ఇంకేముంది.. బెలూన్స్ సెల్స్ గర్ల్ కాస్త మోడల్గా మారిపోయింది. ఆమె ఫోటో చూసిన కొన్ని కంపెనీలు మోడల్గా తీసుకుంటామని ముందుకురావడం విశేషం.