ప్రస్తుతం జరుగుతున్న ఐసీసీ టీ20 వరల్డ్ కప్ తర్వాత టీమిండియా కోచ్ రవిశాస్త్రి పదవీకాలం ముగియనుంది. ఈ నేపథ్యంలో సులక్షణ నాయక్, మిస్టర్ ఆర్‌పి సింగ్‌లతో కూడిన క్రికెట్ అడ్వైజరీ కమిటీ బుధవారం రాహుల్ ద్రవిడ్‌ను టీమ్ ఇండియా హెడ్ కోచ్‌గా ఏకగ్రీవంగా నియమించింది. న్యూజిలాండ్‌తో జరగనున్న సిరీస్‌లో రాహుల్ ద్రవిడ్‌ బాధ్యతలు స్వీకరించనున్నారు.
రవిశాస్త్రి (మాజీ టీమ్ డైరెక్టర్ & హెడ్ కోచ్), బి. అరుణ్ (బౌలింగ్ కోచ్), ఆర్. శ్రీధర్ (ఫీల్డింగ్ కోచ్), విక్రమ్ రాథోర్ (బ్యాటింగ్ కోచ్) విజయవంతంగా వారి పదవి కాలాన్ని పూర్తి చేసినందకు బోర్డు అభినందనలు తెలియజేసింది. రవి శాస్త్రి ఆధ్వర్యంలో, భారత క్రికెట్ జట్టు సాహసోపేతమైన, నిర్భయమైన విధానాన్ని అవలంబించింది. స్వదేశంలో, బయటి పరిస్థితులలో గొప్ప ప్రదర్శన ఇచ్చింది. ఇంగ్లండ్‌లో జరిగిన తొలి ప్రపంచ టెస్టు ఛాంపియన్‌షిప్‌లో భారత్ టెస్టు ఫార్మాట్‌లో అగ్రస్థానానికి చేరుకుని ఫైనల్‌కు చేరుకుంది.
ఆస్ట్రేలియాలో (2018-19) టెస్ట్ సిరీస్ గెలిచిన మొదటి ఆసియా జట్టుగా భారత్ కొత్త రికార్డు సృష్టించింది. 2020-21లో మరో సిరీస్ విజయంతో దానిని అనుసరించింది. న్యూజిలాండ్‌ను 5-0తో ఓడించినప్పుడు ద్వైపాక్షిక సిరీస్‌లో మొత్తం 5 టీ20లను గెలిచిన మొదటి జట్టుగా కూడా భారత్ నిలిచింది. రవిశాస్త్రి మార్గదర్శకత్వంలో టీమిండియా స్వదేశంలో ఏడు టెస్ట్ సిరీస్‌లను గెలుచుకుంది.
