40 ఏళ్ళ ‘ఊరికిచ్చిన మాట’
- Follow Us :
-
-
Add as a preferred
source on google
(జూన్ 24తో ‘ఊరికిచ్చిన మాట’ 40 ఏళ్ళు పూర్తి)
నలభై ఏళ్ళ క్రితం చిరంజీవి ఇంకా వర్ధమాన కథానాయకునిగా రాణిస్తున్న రోజుల్లో నటునిగా ఆయనకు మంచి పేరు సంపాదించి పెట్టిన చిత్రం ‘ఊరికిచ్చిన మాట’. ప్రముఖ నటుడు యమ్.బాలయ్య సమర్పణలో అమృతా ఫిలిమ్స్ పతాకంపై ఆయన దర్శకత్వంలోనే తెరకెక్కిన చిత్రమిది. 1981 జూన్ 24న విడుదలైన ఈ చిత్రంలో చిరంజీవి, సుధాకర్ అన్నదమ్ములుగా నటించారు.
‘ఊరికిచ్చిన మాట’ కథ విషయానికి వస్తే – ఓ మారుమూల పల్లెటూల్లో ఇద్దరు అన్నదమ్ములు ఎంతో అన్యోన్యంగా ఉంటారు. తమ్ముడు బాగా చదవాలని అన్నయ్య కష్టపడి చదివిస్తూ ఉంటాడు. తమ ఊరిలో డాక్టర్లు లేనందున తమ్ముణ్ణి డాక్టర్ చేసి, ఊళ్ళో వారికి సేవ చేయించాలని ఆశిస్తాడు అన్న. అతని మంచితనం చూసి, ఊళ్ళోవాళ్ళు అతని తమ్ముణ్ణి చదివించడానికి తమ కష్టార్జితం నెలనెలా పంపిస్తూ ఉంటారు. అయితే తమ్ముడు చదువుకున్న తరువాత పెద్దింటి అమ్మాయిని ప్రేమించి పెళ్ళాడి, పట్నంలో మకాం పెడతాడు. ఊరికిచ్చిన మాట తప్పుతాడు. తమ్ముడి భార్యను ఊరికి ఎత్తుకెళ్తాడు అన్నయ్య. తమ్ముడు వచ్చి ప్రాణాపాయస్థితిలో చిక్కుకుంటాడు. అతని ప్రాణం కాపాడటానికి అన్నయ్య ఏడు మైళ్ళు వెళ్ళి డాక్టర్ ను తీసుకు వస్తాడు. ఈ లోగా తమ్ముడి మామ పోలీసులను వెంటపెట్టుకు వస్తాడు. అన్నయ్యను అరెస్ట్ చేయించాలనుకుంటాడు. అయితే తననెవరూ ఎత్తుకు రాలేదని తమ్ముని భార్య చెబుతుంది. చివరకు ఆ భార్యాభర్తలిద్దరూ ఆ పల్లెలోనే ఉండి, ఆ ఊరికిచ్చిన మాట నిలబెడతారు.
Also Read
- Koti Deepotsavam 2026 Day 3: అంగరంగ వైభవంగా కీసరగుట్ట శ్రీ రామలింగేశ్వరస్వామి కల్యాణం.. మూడో రోజు విశేషాలివే..
- Koti Deepotsavam 2026 Day 2: అంగరంగ వైభవంగా తిరుచెందూరు శ్రీసుబ్రహ్మణ్యస్వామి కల్యాణం.. రెండో రోజు విశేషాలివే..!
- Sun Transit : రేపు సూర్యుడి రాశి మార్పుతో అదృష్టం.. ఈ 8 రాశులకు శుభ ఘడియలు!
- Kondagattu Temple : 60 ఏళ్ల నిరీక్షణకు తెర.. కొండగట్టులో అంజన్న నిజరూప దర్శనం
ఈ చిత్రంలో చిరంజీవి జోడీగా కవిత, సుధాకర్ జంటగా మాధవి నటించారు. మిగిలిన పాత్రల్లో కాంతారావు, గిరిబాబు, రావి కొండలరావు, మాడా, నారాయణరావు, వంకాయల, ఝాన్సీ, లక్ష్మీకాంతమ్మ, శ్రీలక్ష్మి, శ్రీవిజయ, జయమాలిని తదితరులు కనిపించారు. ఈ చిత్రానికి డి.వి.నరసరాజు మాటలు రాశారు. సినారె, జాలాది పాటలు పలికించారు. ఎమ్మెస్ విశ్వనాథన్ సంగీతం సమకూర్చారు. అలపర్తి సూర్యనారాయణ, మన్నవ వెంకట్రావు ఈ చిత్రానికి నిర్మాతలు. ఈ చిత్రానికి దర్శకత్వంతో పాటు కథ, స్క్రీన్ ప్లే కూడా బాలయ్య నిర్వహించారు.
ఇందులోని “పైరగాలి పైట లాగుతుంటే…” , “అదిరింది ఊరు…”, “చూపుల్లో చుట్టేసి…మాటల్లో పట్టేసి… చేతుల్లో కట్టేసినావే…” , “పాడింది ఊరు…” వంటి పాటలు ఆకట్టుకున్నాయి. అంతకు ముందు వచ్చి, సూపర్ హిట్ గా నిలచిన ‘ఊరుకి మొనగాడు’ టైటిల్ లో వ్యాకరణ దోషంలాగే ఈ సినిమా టైటిల్ లోనూ ‘ఊరుకిచ్చిన మాట’ అని పడుతుంది. ఏమయినా ఇందులోని కథాంశం బి,సి క్లాస్ సెంటర్స్ జనాన్ని ఆకట్టుకుంది. ఈ చిత్రానికి ఉత్తమ తృతీయ చిత్రంగా నంది అవార్డు లభించింది.
తాజావార్తలు
-
Koti Deepotsavam 2026 Day 3: అంగరంగ వైభవంగా కీసరగుట్ట శ్రీ రామలింగేశ్వరస్వామి కల్యాణం.. మూడో రోజు విశేషాలివే..
-
Dhanush Secret: ప్రపంచానికి తెలియని ధనుష్ సీక్రెట్ లీక్ చేసిన శ్రీలీల!
-
OM Pre Release Event: ఇన్నాళ్లూ వచ్చిన సినిమాలు చేసుకుంటూ వెళ్లా, కానీ ఇప్పుడు రూట్ మార్చా.. శ్రీలీల ఓపెన్ కామెంట్స్!
-
Renu Desai: ‘ఓం’ ప్రీరిలీజ్ ఈవెంట్లో ధనుష్కు సారీ చెప్పిన రేణు దేశాయ్.. ఎందుకంటే?
-
Telangana Govt: కీలక నిర్ణయం తీసుకున్న తెలంగాణ ప్రభుత్వం.. గృహ నిర్మాణ పథకం లబ్ధిదారులకు ఊరట..
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!