హైదరాబాద్లోని ఎన్టీఆర్ స్టేడియం వేదికగా జరుగుతున్న కోటి దీపోత్సవం 2026 వేడుకల్లో ఆరో రోజు కార్యక్రమాలు భక్తిశ్రద్ధల మధ్య ఘనంగా జరిగాయి. కార్తీక శుద్ధ దశమి సందర్భంగా నిర్వహించిన ఈ వేడుకల్లో ధర్మపురి శ్రీ లక్ష్మీనృసింహ స్వామి కల్యాణం ప్రధాన ఆకర్షణగా నిలిచింది. నరేంద్ర చౌదరి నేతృత్వంలో ఎన్టీవీ, భక్తి టీవీ, వనిత టీవీల ఆధ్వర్యంలో 15వ ఏటా సాగుతున్న ఈ ఆధ్యాత్మిక మహా యజ్ఞానికి భక్తులు పెద్ద సంఖ్యలో తరలివచ్చారు. పూజలు, దీపారాధనకు అవసరమైన సామాగ్రిని నిర్వాహకులే ఉచితంగా పంపిణీ చేయగా, భక్తులు ఉత్సాహంగా దీపాలు వెలిగించి స్వామివారి కృపకు పాత్రులయ్యారు.
ప్రత్యేక పూజలు, ప్రవచనాలు
ఆరో రోజు వేడుకల్లో భాగంగా పలు ఆధ్యాత్మిక ఘట్టాలు కన్నుల పండువగా సాగాయి. శ్రీవాసనందగాపురం శ్రీలలితాపీఠం పీఠాధిపతి శ్రీ స్వస్వరూపానందగిరి స్వామీజీ, అనంతరం రామకృష్ణ మరం స్వామీజీల అనుగ్రహ భాషణం భక్తులను ఆకట్టుకుంది. బ్రహ్మశ్రీ మల్లాప్రగడ శ్రీమన్నారాయణ మూర్తి ప్రవచనామృతం ఆధ్యాత్మిక వాతావరణాన్ని నింపింది. వేదికపై సద్గురు షిరిడీ సాయినాథునికి నిజపాదుక పూజ నిర్వహించగా, భక్తులచే సాయిబాబా విగ్రహాలకు కోటీపుష్పార్చన జరిగింది. అనంతరం కల్పవృక్ష వాహనంపై స్వామివారి సేవ, స్వర్ణలింగోద్భవం, సప్తహారతలు భక్తులను మంత్రముగ్ధులను చేశాయి.
హరీష్ రావు ప్రసంగం.. దీపం ప్రాముఖ్యత
ఈ వేడుకకు ముఖ్యఅతిథిగా హాజరైన మాజీ మంత్రి హరీష్ రావు మాట్లాడుతూ.. భక్తి టీవీ కోటి దీపోత్సవానికి ప్రత్యేక స్థానం ఉందని అన్నారు. ఒక దీపం వెలిగిస్తే ఇంటికి వెలుగని, కోటి దీపాలు వెలిగిస్తే జగత్తుకు వెలుగని పేర్కొన్నారు. కోటి దీపాలు వెలిగించడం అంటే దేశంలోని ప్రజలందరి కోరికలు నెరవేరాలని ప్రార్థించడమేనని చెప్పారు. ఒక దీపం వెలిగించడం ద్వారా అజ్ఞానాన్ని తొలగించి జ్ఞానాన్ని పొందవచ్చని, హిందూ ధర్మంలో దీపానికి ఉన్న విశిష్టతను ఈ మహా యజ్ఞం చాటి చెబుతోందని అన్నారు. దేశవ్యాప్తంగా ఉన్న వివిధ ఆలయాల నుంచి దైవ విగ్రహాలను తీసుకువచ్చి పూజలు నిర్వహించడం, రచనా టెలివిజన్ ప్రైవేట్ లిమిటెడ్ యాజమాన్యం చేస్తున్న ఆధ్యాత్మిక సేవపై భక్తుల నుంచి హర్షం వ్యక్తమైంది.
కోటిదీపోత్సవం-2026 6వ రోజు ఉత్సవంలో భాగంగా స్వర్ణలింగోద్భవం.
#BhakthiTV #Kotideepotsavam2026 #NTVTelugu #Hyderabad #Karthikamasam #Kotideepotsavam #కోటిదీపోత్సవం2026 #కోటిదీపోత్సవం https://t.co/NLsc2achSj
— BhakthiTV (@BhakthiTVorg) November 19, 2026
కోటిదీపోత్సవం-2026 6వ రోజు ఉత్సవంలో భాగంగా పీఠాధిపతి, అతిథులు, ఛైర్మన్ దంపతులచే కార్తికదీపారాధన.
#BhakthiTV #Kotideepotsavam2026 #NTVTelugu #Hyderabad #Karthikamasam #Kotideepotsavam #కోటిదీపోత్సవం2026 #కోటిదీపోత్సవం https://t.co/vmKpgYEqjD
— BhakthiTV (@BhakthiTVorg) November 19, 2026
కోటిదీపోత్సవం-2026 6వ రోజు ఉత్సవంలో భాగంగా ధర్మపురి శ్రీ లక్ష్మీనరసింహస్వామి కల్యాణోత్సవం.
#BhakthiTV #Kotideepotsavam2026 #NTVTelugu #Hyderabad #Karthikamasam #Kotideepotsavam #కోటిదీపోత్సవం2024 #కోటిదీపోత్సవం https://t.co/QUcujEr4qo
— BhakthiTV (@BhakthiTVorg) November 19, 2026
జగతికి వెలుగునిస్తున్న కార్యక్రమం భక్తి టీవీ కోటి దీపోత్సవం : Shri T Harish Rao
#THarishRao #BhakthiTV #NTVTelugu #Hyderabad #Karthikamasam #Kotideepotsavam #కోటిదీపోత్సవం2026 #కోటిదీపోత్సవం https://t.co/RZoYSQN1ux
— BhakthiTV (@BhakthiTVorg) November 19, 2026

