ముగిసిన సంయుక్త కిసాన్ మోర్చా నేతల భేటీ

ఢిల్లీ సింఘు సరిహద్దులో “సంయుక్త కిసాన్ మోర్చా” నేతల సమావేశం ముగిసింది. రైతు ఆందోళనలో భాగంగా ముందస్తుగా నిర్ణయించిన కార్యక్రమాలు యధాతథంగా కొనసాగించాలని నిర్ణయించింది “సంయుక్త కిసాన్ మోర్చా.” రేపు లక్నోలో “కిసాన్ మహా పంచాయత్” కార్యక్రమం వుంటుంది. నవంబర్ 26న ఢిల్లీ సరిహద్దుల్లో సభలు, సమావేశాలు, అమరులైన రైతులకు నివాళులు అర్పిస్తారు.

నవంబర్ 29న “పార్లమెంట్‌ మార్చ్” కొనసాగించాలని నిర్ణయం తీసుకున్నారు. భవిష్యత్ కార్యచరణ కోసం నవంబర్ 27న మరో సారి సమావేశం కావాలని నిర్ణయించింది “సంయుక్త కిసాన్ మోర్చా”. రైతుల పెండింగ్‌ డిమాండ్ల పై ప్రధానికి బహిరంగ లేఖ రాయాలని నేతలు నిర్ణయించారు. “కనీస మద్దతు ధర కమిటీ”విధులు, పనులు కాలపరిమితి, “విద్యుత్ సవరణ బిల్లు-2020” ఉపసంహరించాలని, లఖ్మీపూర్ ఖేరీ ఘటనలో కేంద్ర మంత్రి అజయ్ మిశ్రాని వెంటనే తొలగించాలని ప్రధానికి లేఖ రాయనుంది “సంయుక్త కిసాన్ మోర్చా. ఎప్పటికప్పుడు పరిస్థితులను బట్టి నిర్ణయం తీసుకోవాలని నిర్ణయించింది.