Gmail feature: జీమెయిల్లో మరో ఫీచర్.. ఇక మీదట వెతకడం ఈజీ..
- Follow Us :
-
-
Add as a preferred
source on google
జీమెయిల్ స్మార్ట్ వర్షన్ లో మరో కొత్త ఫీచర్ ను గూగుల్ అందుబాటులో కి తీసుకొని వచ్చింది.. ఆర్టిఫీషియల్ ఇంటెలిజెన్స్ తో పనిచేసే ఈ కొత్త ఫీచర్ కస్టమర్స్ కు పాత ఫైల్స్ ను సులువుగా వెతికెందుకు ఉపయోగ పడుతుంది… అత్యంత కచ్చితత్వంతో, సులభంగా మెయిల్స్, ఫైల్స్, డాక్యుమెంట్స్ వెతకడంలో సాయపడుతుందని గూగుల్ మాతృ సంస్థ అయిన అల్ఫాబెట్ తన బ్లాగ్ ఈ ఫీచర్ గురించి రాసుకొచ్చింది.. ఈ ఫీచర్ కు సంబంధించిన పూర్తి వివరాలను ఇప్పుడు తెలుసుకుందాం..
స్మార్ట్ ఫోన్లో జీమెయిల్ వినియోగించే వారు యాప్ పైన ‘టాప్ రిజల్ట్స్’ అనే సెక్షన్ ని గమనించవచ్చు. ఈ సెక్షన్లోకి వెళ్లి పాత మెసేజ్ లు, మెయిల్స్, అటాచ్మెంట్స్ ని సులభంగా వెతకవచ్చు. ఈ సెక్షన్ లో ఫైల్స్ వెతకడానికి గూగుల్ లోని మెషీన్ లెర్నింగ్ అల్గారిథమ్స్ సాయం చేస్తాయి. మీరు వెతకాలనుకుంటున్న దానికి సంబంధించిన అంశాలను ఏదో ఒకటి జోడించి సెర్చ్ చేసి మీ మెయిల్స్ ను పొందవచ్చు.. ఈ ఫీచర్ కోసం చాలా మంది కస్టమర్స్ ఇప్పటికే గూగుల్ ను కోరినట్లు సంస్థ పేర్కొంది.. ప్రస్తుతం ట్రయిల్లో ఉన్న ఈ కొత్త ఫీచర్ ను మరో రెండు వారాల్లో అందుబాటులోకి తీసుకురానున్నట్లు గూగుల్ ప్రకటించింది..
ఇకపోతే టాప్ రిజల్ట్స్ అనే ఫీచర్ ప్రస్తుతం కేవలం మొబైల్ వెర్షన్లోనే అందుబాటులో ఉంటుందని ఆ కంపెనీ ప్రకటించింది. మరి బ్రౌజర్ ఆధారిత జీ మెయిల్ వెర్షన్ కి ఈ ఫీచర్ అందుబాటులో ఉంటుందా లేదా అన్ని విషయంలో ఒక క్లారిటిని గూగుల్ ఇవ్వలేదు.. సెర్చ్ జెయింట్ గూగుల్ 2023 మే నెలలో జరిగిన ఐ/ఓ డెవలపర్ కాన్ఫరెన్స్ లో పలు కొత్త ఏఐ ఆధారిత ఫీచర్లను పరిచయం చేసింది. అలాగే ఓపెన్ ఏఐ ప్రారంభించిన చాట్ జీపీటీకి పోటీగా గూగుల్ తీసుకొచ్చిన బార్డ్ త్వరలో త్వరలోనే గూగుల్ సెర్చ్ కు కలపనున్నట్లు గూగుల్ పేర్కొంది..