వరుడు కావలెను: పాపులర్ జానపద పాట విడుదల

యంగ్ హీరో నాగశౌర్య, హీరోయిన్ రీతూ వర్మ జంటగా నటిస్తున్న చిత్రం ‘వరుడు కావలెను’. సూర్యదేవర నాగవంశీ నిర్మిస్తున్న ఈ సినిమాకు, లక్ష్మి సౌజన్య దర్శకత్వం వహిస్తున్నారు. ఇప్పటికే ఈ సినిమా నుంచి వచ్చిన పోస్టర్ లకు, టీజర్ కు మంచి రెస్పాన్స్ వచ్చింది. ఈ నేపథ్యంలో ఈ సినిమా నుంచి ఒక లిరికల్ సాంగ్ ను వదిలారు. ‘దిగు దిగు దిగు నాగ’ అంటూ ఈ పాట సాగుతోంది. తమన్ స్వరపరిచిన ఈ పాటకు అనంత్ శ్రీరామ్ సాహిత్యాన్ని అందించగా, శ్రేయ ఘోషల్ ఆలపించారు. శేఖర్ మాస్టర్ కొరియోగ్రఫీ అందించారు.

కాగా తెలంగాణలో ‘దిగు దిగు దిగు నాగ’ అనే పాట చాలా పాపులర్ అయిన జానపద పాట. ఇదివరకు దర్శకుడు శేఖర్ కమ్ముల కూడా ‘లవ్ స్టోరీ’ సినిమాలో ‘సారంగ దరియా’ లాంటి జానపద పాటతో రికార్డుల మోత మోగించిన సంగతి తెలిసిందే. మరి ‘దిగు దిగు దిగు నాగ’ పాటకు ఎలాంటి రెస్పాన్స్ వస్తోందో చూడాలి.