Kajal Aggarwal: బాలకృష్ణ అలాంటి వాడు.. చాలా ఎంజాయ్ చేస్తారంటున్న కాజల్

Kajal Aggarwal Comments about Nandamuri Balakrishna: భగవంత్ కేసరి సినిమా రిలీజ్ కి దగ్గర పడిన క్రమంలో కాజల్ అగర్వాల్ మీడియాతో ముచ్చటించింది. ఈ క్రమంలో బాలకృష్ణ గారితో వర్క్ చేయడం ఎలా అనిపించిది ? అని ఆమెను అడిగితే బాలకృష్ణ చాలా స్వీట్ అండ్ ఫ్రెండ్లీ అని ఆయనకు గొప్ప సెన్స్ ఆఫ్ హ్యూమర్ ఉందని అన్నారు. అన్నిటికంటే ముఖ్యంగా ఆయన చాలా నిజాయితీ గల మనిషి అని ఆయనతో వర్క్ చేయడం చాలా ఆనందాన్ని ఇచ్చిందని అన్నారు. మా మధ్య కొన్ని ఫన్నీ సీన్స్ ఉన్నాయని, ఆడియన్స్ వాటిని చాలా ఎంజాయ్ చేస్తారని అన్నారు. అనిల్ రావిపూడి రైటింగ్, డైరెక్షన్ స్టైల్ గురించి ? ఏమైనా చెబుతారా? అని అడిగితే అనిల్ రావిపూడి సినిమాలని చాలా ఇష్టపడతానని ఆయన టైమింగ్, సెన్స్ ఆఫ్ డైరెక్షన్ చాలా బాగుంటాయని కాజల్ చెప్పుకొచ్చారు. ఎఫ్ 2, ఎఫ్ 3 సినిమాలని చాలా ఎంజాయ్ చేశానని, ‘భగవంత్ కేసరి’లో ఆయన స్టైల్ వినోదం ఉంటూనే ఒక బలమైన సందేశం కూడా ఉంటుందని అన్నారు. ఇది తనకి చాలా ప్రత్యేకమైన సినిమా అవుతుందని ఆమె అన్నారు.

Kajal Aggarwal: ‘భగవంత్ కేసరి’లో నా పాత్ర అదే.. అసలు విషయం చెప్పేసిన కాజల్

శ్రీలీలతో కలిసి వర్క్ చేయడం ఎలా అనిపించింది ? అని అడిగితే శ్రీ లీల చాలా టాలెంటెడ్ అని, చాలా ఎనర్జిటిక్ గా ఉంటుందని అన్నారు. శ్రీ లీల సెట్స్ లో చాలా యాక్టివ్ గా ఉంటుందని, మంచి పాత్రలు చేయాలనే తపన తనలో ఉందని అన్నారు. ఇందులో తాను చేసిన విజ్జి పాప పాత్ర కథలో చాలా కీలకం అని, ఖచ్చితంగా ఈ పాత్ర తనకి మంచి పేరు తీసుకొస్తుందని అన్నారు. తనకు చాలా మంచి భవిష్యత్తు ఉంటుందని కాజల్ అన్నారు. తమన్ మ్యూజిక్ గురించి మాట్లాడుతూ తమన్ చాలా వండర్ ఫుల్ మ్యూజిక్ ఇచ్చారని, ఇప్పటికే పాటలు చాలా పెద్ద హిట్స్ అయ్యాయని అన్నారు. ఇక ఈ సినిమాలో నేపధ్య సంగీతం చాలా గ్రాండ్ గా ఉంటుందని అన్నారు. థియేటర్లో ప్రేక్షకులు చాలా ఎంజాయ్ చేస్తారని అన్నారు. షైన్ స్క్రీన్స్ నిర్మాతలు హరీష్, సాహు చాలా ప్యాషనేట్ ప్రోడ్యూసర్స్ అని, ఎక్కడా రాజీపడకుండా సినిమాని చాలా గ్రాండ్ తీశారని, షైన్ స్క్రీన్స్ ప్రొడక్షన్స్ లో పని చేయడం చాలా ఆనందాన్ని ఇచ్చిందని అన్నారు. ‘భగవంత్ కేసరి’ పవర్ ప్యాక్డ్ మూవీ అని ఎమోషన్స్, యాక్షన్ చాలా అద్భుతంగా ఉంటాయని అన్నారు. అలాగే బలమైన సందేశం కూడా ఉందని, అందరూ తప్పకుండా చూడాల్సిన సినిమా ఇదని అన్నారు.