నేడు తెలంగాణ బీజేపీ ముఖ్య నేతలు ఉదయం 10 గంటలకు సమావేశం కానున్నారు. అయితే.. ఈ సమావేశానికి హాజరు కానున్న బీజేపీ జాతీయ ప్రధాన కార్యదర్శి రాష్ట్ర వ్యవహారాల ఇంచార్జ్ తరుణ్ చుగ్, జాతీయ సంస్థాగత సహా ప్రధాన కార్యదర్శి శివ ప్రకాష్‌లు హజరుకానున్నారు. మోడీ ఎనిమిదేళ్ల పాలన పై దేశవ్యాప్త కార్యక్రమాలు.. రాష్ట్రం లో చేయాల్సిన కార్యక్రమాలపై ఈ సమావేశంలో చర్చించనున్నారు. సంజయ్ సంగ్రామ యాత్ర మూడో విడతపై కూడా చర్చించే అవకాశం ఉంది.
అంతేకాకుండా పోలింగ్ బూత్ ల బలోపేతంపై, సంజయ్ నియోజకవర్గాల పర్యటన, రాష్ట్ర ప్రభుత్వ విధానాలకు వ్యతిరేకంగా చేపట్టాల్సిన కార్య్రమాలు, బీజేపీలో చేరికలతో పాటు తదితర అంశాలపై చర్చించనున్నారు. ఇదిలా ఉంటే.. ఈ నెల 26న మోడీ హైదరాబాద్‌లో పర్యటించునున్నారు. ఈ నేపథ్యంలో మోడీ రాకకు తెలంగాణ బీజేపీ నేతలు భారీగా ఏర్పాటు చేస్తున్నారు. అంతేకాకుండా.. మోడీ రోడ్‌ షో నిర్వహించనున్నట్లు సమాచారం.