Software Employee Suicide: ప్రేమ విఫలం.. సాఫ్ట్‌వేర్ ఉద్యోగి ఆత్మహత్య

Hyderabad: హైదరాబాద్ సాఫ్ట్‌వేర్ ఉద్యోగి ఆత్మహత్య కలకలం రేపుతుంది.గచ్చిబౌలిలోని ఓ సాఫ్ట్‌వేర్ కంపెనీలో పని చేస్తున్న చక్రపాణి గురువారం ఉరివేసుకున్నాడు. అతడి ఆత్మహత్యకు లవ్ ఫెయిల్యూర్ కారణమని తెలుస్తోంది. ఈ ఘటన హైదరాబాద్‌ గచ్చిబౌలిలో చోటు చేసుకుంది. మృతుడు తండ్రి ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. వివరాలు.. నంద్యాలకు చెందిన చక్రపాణి గచ్చిబౌలిలోని ప్రముఖ సాఫ్ట్‌వేర్ కంపెనీలో పని చేస్తున్నాడు. దీంతో అతడు స్థానికంగా ఓ పిజి హాస్టల్లో నివాసం ఉంటున్నాడు.

Also Read: Revanth vs Akbaruddin: కాంగ్రెస్ వర్సెస్ ఎంఐఎం.. నేతల మధ్య మాటల తూటాలు

ఈ క్రమంలో గురువారం తాను ఉంటున్న హాస్టల్ గదిలోనే ఫ్యాన్‌కు ఉరివేసుకుని ఆత్మహత్య చేసుకున్నాడు. సాయంత్రం రూంమేట్స్ వచ్చేసరి చక్రపాణి సీలింగ్ ఫ్యాన్‌కు వేలాడుతూ కనిపించాడు. దీంతో హాస్టల్ యాజమాన్యం చక్రపాణి కుటుంబ సభ్యులకు విషయం చెప్పారు. అనంతరం గచ్చిబౌలి పోలీసులకు సమాచారం అందించగా హాస్టల్‌కి చేరుకున్నారు. చక్రపాణి మ్రతదేహాన్ని పరిశీలించిన పోలీసులు పోస్ట్‌మార్టం నిమిత్తం ఉస్మానియా ఆస్పత్రికి తరలించారు. చక్రపాణి తండ్రి ఫిర్యాదు మేరకు కేసు నమోదు చేసిన పోలీసులు దర్యాప్తు చేపట్టారు. ప్రేమ విఫలం కారణంగానే చక్రపాణి ఆత్మహత్య చేసుకున్నట్టు తెలుస్తోంది.