Jaggareddy: జగ్గారెడ్డి నయా అవతారం.. ఏంటో తెలుసా?

Jaggareddy:  తెలంగాణ రాజకీయాల్లో జగ్గారెడ్డిని ప్రత్యేకంగా పరిచయం చేయాల్సిన అవసరం లేదు. ఎప్పుడూ హాట్ కామెంట్స్ చేస్తూ వార్తల్లో నిలుస్తూ ఉంటారు. ఎప్పుడూ రాజకీయాల్లో బిజీగా ఉండే ఆయన.. తాజాగా బోనాల పండుగ ఉత్సవాల్లో పాల్గొన్నారు. కార్యకర్తలతో కలిసి సరదాగా గడిపారు. సంగారెడ్డిలోని దుర్గామాత ఆలయంలో ప్రత్యేక పూజలు నిర్వహించారు. సంగారెడ్డి పాత బస్టాండ్ ప్రాంతంలో బోనాల ఫలహారం బండి ఊరేగింపు నేపథ్యంలో భారీగా ట్రాఫిక్‌ జామ్‌ అయింది. దాదాపు 3 కిలోమీటర్ల మేర ట్రాఫిక్‌కు అంతరాయం కలిగింది.

Justice Nv Ramana: జస్టిస్ ఎన్వీ రమణకు అరుదైన గౌరవం.. అదేంటంటే?

వాహనదారులు తీవ్రంగా ఇబ్బందులు పడడం చూసిన జగ్గారెడ్డి వెంటనే స్పందించారు. ఎమ్మెల్యే కాస్త నయా అవతారమెత్తారు. ట్రాఫిక్‌ పోలీస్‌ అవతారం ఎత్తి స్వయంగా ట్రాఫిక్‌ను క్లియర్ చేశారు. ఎమ్మెల్యే జగ్గారెడ్డి ట్రాఫిక్‌ విధులు నిర్వహించడం చూసిన ప్రజలు ఆశ్చర్యానికి గురయ్యారు. చాలా మంది ఆయనపై ప్రశంసలు కూడా కురిపించారు. ఎవరో వస్తారని, ఏదో చేస్తారని చూడకుండా ఆయనే రంగంలోకి దిగడం వైరల్ అవుతోంది. ఎమ్మెల్యే కాస్త ట్రాఫిక్ పోలీస్ గా మారడంతో జగ్గారెడ్డిని సమ్ థింగ్ స్పెషల్ అంటున్నారు.