Priyanka Gandhi: ఎన్నికల ప్రచారానికి చివరి రోజున ప్రియాంక గాంధీ రాష్ట్రానికి రానున్నారు. తాండూరు, కామారెడ్డిలలో ఎన్నికల ప్రచారంలో ప్రియాంక గాంధీ పాల్గొననున్నారు. ప్రియాంక గాంధీతో పాటు ముఖ్యమంత్రి రేవంత్ రెడ్డి కూడా సభల్లో పాల్గొననున్నారు. ముందుగా ముఖ్యమంత్రి రేవంత్ రెడ్డి ఉదయం 10 గంటలకు పఠాన్ చెరు కార్నర్ సమావేశంలో పాల్గొని అనంతరం మధ్యాహ్నం ఒంటి గంటకు తాండూరులో జరిగిన జన జాతర సభకు ప్రియాంక గాంధీతో కలిసి హాజరవుతారు. ఆ తర్వాత మధ్యాహ్నం 3.15 గంటలకు ప్రియాంక గాంధీతో కలిసి కామారెడ్డి రోడ్ షోలో పాల్గొంటారని కాంగ్రెస్ పార్టీ వర్గాలు తెలిపాయి. ప్రచారం చివరి రోజున రేవంత్, ప్రియాంక రెండు సభలు, రోడ్‌షోల్లో పాల్గొంటారు.
కాంగ్రెస్ అధినేత రాహుల్‌ గాంధీ ఇప్పటికే రాష్ట్రంలో మూడుసార్లు ఎన్నికల ప్రచారం నిర్వహించారు. ముందుగా కాంగ్రెస్ హామీలను ప్రకటించేందుకు తుక్కుగూడ వెళ్లారు. మే 5న ఆదిలాబాద్‌ లోక్‌సభ నియోజకవర్గంలోని నిర్మల్‌, మహబూబ్‌నగర్‌ ఎంపీ నియోజకవర్గంలోని గద్వాల్‌ బహిరంగ సభల్లో పాల్గొన్నారు. మే 9న మరోసారి హైదరాబాద్‌లోని తెలంగాణ కొచ్చి మెదక్ లోక్‌సభ నియోజకవర్గం నర్సాపూర్, సరూర్‌నగర్‌లలో బహిరంగ సభలో పాల్గొన్నారు. అధికార కాంగ్రెస్ పార్టీ ప్రచార బాధ్యతలను ముఖ్యమంత్రి, పీసీసీ అధ్యక్షుడు రేవంత్ రెడ్డి తన భుజస్కందాలపై వేసుకుని ఎన్నికల ప్రచారం నిర్వహించారు. 27 రోజుల్లో మొత్తం 56 సభలు, కార్నర్ మీటింగ్ లు, రోడ్ షోలు జరిగాయి. లోక్‌సభ ఎన్నికల్లోనూ తెలంగాణ నుంచి మెజారిటీ సీట్లను కైవసం చేసుకోవడమే లక్ష్యంగా కాంగ్రెస్ ముమ్మరంగా ప్రచారం నిర్వహించింది.
Dhanush Son : ఇంటర్ లో సత్తా చాటిన ధనుష్ కొడుకు.. తండ్రికి తగ్గ తనయుడే..
