Ponnam Prabhakar: ట్రాఫిక్ నిబంధనలను ఉల్లంఘించిన వారి లైసెన్స్‌ రద్దు చేస్తాం..

Ponnam Prabhakar: రోడ్ సేఫ్టీ అవేర్నెస్ మాసోత్సవాల్లో భాగంగా HMDA గ్రౌండ్ నుంచి ఎన్టీఆర్ మార్గ్ లో వాక్ థాన్ కార్యక్రమాన్ని రవాణా శాఖ మంత్రి పొన్నం ప్రభాకర్ ప్రారంభించారు. రాష్ట్రంలో రోడ్ ప్రమాదాలను నివారించేందుకు ప్రతి ఒక్కరికి రోడ్ భద్రతపై అవగాహన పెంచేందుకు నెల రోజుల పాటు అవగాహన కార్యక్రమాలు నిర్వహించిన రవాణా శాఖ. విద్యా సంస్థల్లో రోడ్ సేఫ్టీ అవేర్నెస్ పార్క్ లను కూడా రవాణా శాఖ ప్రారంభించింది.

Read Also: Konaseema District: కోనసీమలో కలకలంరేపుతోన్న గంజాయి..!

ఈ సందర్భంగా మంత్రి పొన్నం ప్రభాకర్ మాట్లాడుతూ.. రోడ్ సేఫ్టీపై అవగాహన చాలా అవసరం.. ఈ అవగాహన వల్ల మనం అందరం ఒక్కొక్కరం ఒక్కరిని కాపాడినా చాలా సంతోషం అన్నారు. జనవరి ఒకటిన ప్రారంభించాం.. గతంలో వారోత్సవాలను మాసోత్సవాలు చేశారు.. బ్లాక్ స్పాట్స్ ఉన్న వాటిని గుర్తించి వాటిని పూడ్చే ప్రయత్నం మొదలైంది.. రవాణా శాఖ ద్వారా ప్రజలకు అవగాహన కల్పించాలని అనుకున్నాం అని ఆయన తెలిపారు. స్పీడ్ థ్రిల్స్, బట్ ఇట్స్ కిల్స్ అని చెప్పారు. ఇక, ట్రాఫిక్ నిబంధనలు ఉల్లంఘించిన వారికి లైసెన్స్ రద్దు చేస్తామని పేర్కొన్నారు. ఇక, ముందు నిబంధనలు అతిక్రమించిన వారిపై కఠిన చర్యలు తీసుకోవాలని నిర్ణయించారు.. ఇక, ఇది అందరి సామాజిక బాధ్యత.. అందరం పాటిద్దాం.. అవగాహన కోసం హైదరాబాద్ నలుమూలల నుంచి విద్యార్ధులు కదిలి రావడం చాలా సంతోషం అన్నారు. రాబోయే కాలంలో రోడ్ సేఫ్టీ అవేర్నెస్ పార్క్ లు పెద్ద సంఖ్యలో ప్రారంభిస్తామని మంత్రి పొన్నం ప్రభాకర్ తెలిపారు.