Hyderabad: గతంలో ఎన్నడూ లేని విధంగా వాతావరణం.. ఈసారి ఎండకు మండాల్సిందే..
Hyderabad: సంక్రాంతి అంటే పండువస్తుందనే ఆనందం అందరికి ఉంటుంది. అయితే దాంతో పాటే చలికూడా ఉంటుంది. మనసు ఆ చలికి గజ గజ వనకాల్సిందే. సంక్రాంతి పండుగ పూట తెల్లవారుజామున చల్ల నీటితో స్నానం ఏమోగానీ.. వేడినీటితోనే స్నానం చేయాలంటే పిల్లలు, వృద్ధులు వణికిపోతున్నారు. స్నానం చేసిన తరువాత భోగి మంటలు వేసి చలి నుంచి ఉపశమనం పొందుతారు. అయితే ఈ చలికి జ్వరాలు, జలుబులు సర్వసాధారణం. రాత్రిపూట స్వెటర్లు వేసుకున్నా, రగ్గులు కప్పుకున్నా జలుబు తగ్గే ప్రశక్తే ఉండదు. ఈసారి సంక్రాంతికి అలాంటి వాతావరణం నెలకొంది. రాత్రులు చల్లగా.. తేలికగా ఉన్నప్పటికీ, పగటిపూట వాతావరణం వేడిగా ఉంటుంది. మునుపెన్నడూ లేని విధంగా వాతావరణం చూసి ప్రజలు ఆశ్చర్యపోతున్నారు. సంక్రాంతి సందర్భంగా హైదరాబాద్లో పగటి ఉష్ణోగ్రతలు 33-34 డిగ్రీల సెల్సియస్ మధ్య నమోదవడం గమనార్హం. సాధారణంగా తెలంగాణలో ఫిబ్రవరి మధ్యలో ఇలాంటి ఉష్ణోగ్రతలు నమోదవుతాయి. చల్లని వాతావరణం రాత్రిల్లు ఫిబ్రవరిలో గుర్తుకు తెస్తాయి.
కానీ ఈసారి నెల రోజుల ముందు కూడా ఇదే వాతావరణం నెలకొనడం గమనార్హం. ఏపీలో కూడా దాదాపు ఇదే వాతావరణం ఉంది. విశాఖపట్నం మినహా మిగిలిన ప్రాంతాల్లో 30 డిగ్రీలకు పైగా ఉష్ణోగ్రతలు నమోదవుతున్నాయి. పెరుగుతున్న ఉష్ణోగ్రతల తీరు చూస్తుంటే ఈ వేసవిలో ఎండలు మండిపోతాయనిపిస్తోంది. వర్షాకాలంలో భారీ వర్షాలు కురవకపోవడం, వాతావరణ మార్పులు, తూర్పువైపు నుంచి గాలులు వీస్తుండటంతో ఈసారి చలి తక్కువగా ఉంది. డిసెంబర్ మధ్యలో కొన్ని రోజులు విపరీతమైన చలి తప్ప, ఈ చలికాలం అంతా చలి తక్కువగానే ఉంటుంది. కానీ గతంతో పోలిస్తే హైదరాబాద్ లో పొగమంచు ఎక్కువగా ఉండడం గమనార్హం. మరోవైపు దేశ రాజధాని ఢిల్లీతో పాటు ఉత్తరాదిలో చలి గాలులు వీస్తున్నాయి. ఢిల్లీలో ఆదివారం కనిష్ట ఉష్ణోగ్రత 4 డిగ్రీలు, గరిష్ట ఉష్ణోగ్రత 19 డిగ్రీలుగా నమోదైంది. పొగమంచు కారణంగా విమానాలు, రాకపోకలు ఆలస్యమవుతున్నాయి. దీంతో ప్రయాణికులు తీవ్ర ఇబ్బందులు ఎదుర్కొన్నారు.
HanuMan : హనుమాన్ మూవీ టీం ను ప్రశంసించిన దర్శకేంద్రుడు రాఘవేంద్రరావు..