AP,TS Weather: తుఫానుగా మారనున్న వాయుగుండం.. ఏపీ, తెలంగాణలో వర్షాలు

AP,TS Weather: తెలుగు రాష్ట్రాలకు ఐఎండీ రైల్ అలర్ట్ ప్రకటించింది. ఆగ్నేయ బంగాళాఖాతంలో ఏర్పడిన వాయుగుండం ఆదివారం తుపానుగా మారే అవకాశం ఉందని వాతావరణ శాఖ అంచనా వేసింది. ఆదివారం నాటికి తుపాను మచిలీపట్నం తీరం దాటుతుందని తెలిపింది. దీని ప్రభావంతో ఆంధ్రప్రదేశ్‌లోని పలు ప్రాంతాల్లో ఆదివారం నుంచి భారీ నుంచి అతిభారీ వర్షాలు కురుస్తాయని వెల్లడించింది. ఈ నేపథ్యంలో ఏపీ విపత్తు నిర్వహణ సంస్థ ఏపీ ప్రజలకు హెచ్చరికలు కూడా జారీ చేసింది. సోమవారం సాయంత్రం తర్వాత చెన్నై-మచిలీపట్నం మధ్య తుపాను తీరం దాటే అవకాశం ఉందని ఏపీ విపత్తు నిర్వహణ సంస్థ తెలిపింది. ఈ ప్రభావంతో భారీ వర్షాలు కురిసే అవకాశం ఉంది. మత్స్యకారులు వేటకు వెళ్లవద్దని… ప్రజలు అప్రమత్తంగా ఉండాలని స్పష్టం చేసింది.

Read also:Rathnam: విశాల్ ‘రత్నం’ టీజర్ చూశారా.. ఈసారి రక్తపాతమే..

భారీ వర్షాల నేపథ్యంలో విపత్తుల నిర్వహణ సంస్థలో స్టేట్ కంట్రోల్ రూమ్‌ను ఏర్పాటు చేశారు. అత్యవసర సహాయం మరియు సమాచారం కోసం 24 గంటల కంట్రోల్ రూమ్ నంబర్లు 1070, 112, 18004250101 అందుబాటులో ఉంటాయని ప్రజలు గుర్తించాలని కోరారు. వాతావరణ పరిస్థితులను ఎప్పటికప్పుడు పర్యవేక్షిస్తున్నారు అధికారులు. మరోవైపు తెలంగాణలో కూడా వర్షాలు కురిసే అవకాశం ఉందని హైదరాబాద్ వాతావరణ కేంద్రం తెలిపింది. తుపాన్ ప్రభావంతో ఆది, సోమవారాల్లో పలుచోట్ల భారీ వర్షాలు కురిసే అవకాశం ఉందని హెచ్చరించింది. డిసెంబరు 3 నుంచి 5 వరకు పలుచోట్ల ఉరుములు, మెరుపులతో కూడిన వర్షం కురిసే అవకాశం ఉందని.. ఆ తర్వాత తేలికపాటి వర్షాలు కురిసే అవకాశం ఉందని చెప్పారు.
Rajamouli-Mahesh : రాజమౌళి మహేష్ సినిమాలో తమిళ్ స్టార్ హీరో..?