ఉత్తమ్ కుమార్ పోయి… ఉత్తర కుమారుడు వచ్చిండు : గుత్తా సెటైర్
నల్గొండ జిల్లా:-తెలంగాణ పీసీసీ నియామకంపై గుత్తా సుఖేందర్ రెడ్డి స్పందించారు. పీసీసీగా ఉన్న ఉత్తమ్ కుమార్ పోయి… ఉత్తర కుమారుడు వచ్చిండని… ఎవరు వచ్చినా.. కాంగ్రెస్ అధికారంలోకి వచ్చేది లేదు.. చచ్చేది లేదని సెటైర్ వేశారు. వచ్చే రెండేళ్లు.. కాంగ్రెస్ అంతర్గత సమస్యలు పరిష్కరించడానికే సరిపోదని ఎద్దేవా చేశారు. రెండు తెలుగు రాష్ట్రాల మధ్య జల వివాదానికి కేంద్ర ప్రభుత్వ వైఖరే కారణమని… సమైక్య ఆంధ్ర నుంచే తెలంగాణకు నదీ జలాల విషయంలో అన్యాయం జరుగుతుందన్నారు. పోతిరెడ్డిపాడు ద్వారా ఎక్కువ నీటిని దోచుకోవాలని జగన్ ప్రభుత్వం కుట్రలు చేస్తుందని ఫైర్ అయ్యారు.
read also : ఇండియాలో మరోసారి 50 మార్క్ దాటిన కరోనా కేసులు
ఆనాడు ఎక్కువ నీటిని తీసుకుపోవాలనే దురాశే కర్నూలు వరదలకు కారణమని… శ్రీశైలం 850 అడుగులకు చేరినప్పుడు పోతిరెడ్డిపాడు నుంచి నీరు తీసుకుపోవాలని పేర్కొన్నారు. అయితే.. సంగమేశ్వర ప్రాజెక్టు పేరుతో.. 800 అడుగుల నుంచి నీరు తరలించాలని జగన్ ప్రభుత్వం కుట్రలు చేస్తుందని మండిపడ్డారు. ఈ పథకంతో.. మహబూబ్ నగర్, నల్లగొండ, ఖమ్మం జిల్లాలు ఎడారిగా మారే ప్రమాదం ఉందని ఆవేదన వ్యక్తం చేశారు. హుజూరాబాద్ ఎన్నికల కోసమే కృష్ణా జలాల పోరాటమని అంటోన్న బిజెపీ నాయకులవి పసలేని ఆరోపణలు అని ఫైర్ అయ్యారు. కేంద్రం నిరంకుశంగా ఏడు మండలాలను ఏపీలో కలిపింది వాస్తవం కాదా..? దానికి బీజేపీ నేతలు సమాధానం చెప్పాలని డిమాండ్ చేశారు. బీజేపీ నాయకులకు చిత్తశుద్ది ఉంటే.. తెలంగాణ-ఏపీ మధ్య వివాదాలను పరిష్కరించాలని తెలిపారు.