Telangana DGP: రాష్ట్రానికి కొత్త డీజీపీగా ఆ ఇద్దరిలో ఒకరు .. రేపు ఉత్తర్వులు..!
DGP Mahender Reddy will retire on 31st of this month: తెలంగాణ డీజీపీ నియామకం ఉత్కంఠ రేపుతోంది. డీజీపీ మహేందర్ రెడ్డి ఈ నెల 31న పదవీ విరమణ చేయనున్న నేపథ్యంలో ఆ స్థానంలో ఎవరిని నియమిస్తారన్నది ఇప్పుడు ఆసక్తికరంగా మారింది. అర్హులైన వారిలో ఒకరికి తాత్కాలిక ప్రాతిపదికన డీజీపీగా అదనపు బాధ్యతలు అప్పగించనున్నట్లు తెలుస్తోంది. ఏసీబీ డీజీ అంజనీకుమార్ లేదా హోంశాఖ ప్రిన్సిపల్ సెక్రటరీ రవిగుప్తాలో ఒకరిని నియమించే అవకాశం ఉంది.
Read also: Russia: పుతిన్ను అంతం చేయడానికి అమెరికా కుట్ర
మరో రెండు రోజుల్లో డీజీపీ మహేందర్రెడ్డి పదవీ విరమణ చేయనున్న నేపథ్యంలో ఆయన స్థానంలో ఎవరిని నియమిస్తారన్న చర్చ సాగుతోంది. డీజీపీ పదవీకాలాన్ని పొడిగిస్తారా.. లేక కొత్తవారికి అవకాశం ఇస్తారా అనే చర్చ అధికార వర్గాల్లో సాగుతోంది. ప్రస్తుతానికి మధ్యంతర ప్రాతిపదికన డీజీపీ నియామకం చేపట్టేందుకు ప్రభుత్వం మొగ్గు చూపుతోంది. డీజీపీ మహేందర్ రెడ్డి ఈ నెల 31న పదవీ విరమణ చేయనున్న నేపథ్యంలో ఆ స్థానంలో ఎవరిని నియమిస్తారన్నది ఇప్పుడు ఆసక్తికరంగా మారింది. అర్హులైన వారిలో ఒకరికి తాత్కాలిక ప్రాతిపదికన డీజీపీగా అదనపు బాధ్యతలు అప్పగించనున్నట్లు తెలుస్తోంది. ఏసీబీ డీజీ అంజనీకుమార్ లేదా హోంశాఖ ప్రిన్సిపల్ సెక్రటరీ రవిగుప్తాలో ఒకరిని నియమించే అవకాశం ఉంది. దీనికి సంబంధించి శుక్రవారం ఉత్తర్వులు వెలువడే అవకాశం ఉంది.
Read also: Fight on flight: ఎయిర్బస్ను ఎర్ర బస్సు చేశారు కదరా.. ఫ్లైట్లో చితక్కొట్టుకున్న ప్రయాణికులు
డీజీపీ మహేందర్ రెడ్డి ఈ నెల 31న పదవీ విరమణ చేయనున్నారు. ఆయన స్థానంలో మరొకరిని ఎంపిక చేయాల్సి ఉన్నా తెలంగాణ ప్రభుత్వం ఇప్పటి వరకు నిర్ణయం తీసుకోలేదు. డీజీపీ నియామకానికి సంబంధించి 2006లో సుప్రీంకోర్టు జారీ చేసిన మార్గదర్శకాల ప్రకారం రాష్ట్ర ప్రభుత్వం ఐదుగురు అర్హులైన అధికారుల జాబితాను యూపీఎస్సీకి పంపాల్సి ఉంది. UPSC ముగ్గురు అభ్యర్థులను ఎంపిక చేస్తుంది. వారిలో ఒకరిని డీజీపీగా నియమించాలి. ఈ ప్రక్రియ ఏ రాష్ట్రంలోనూ అమలవుతున్న దాఖలాలు లేవు. సుప్రీంకోర్టులో అనేక వ్యాజ్యాలు నడుస్తున్నాయి. మరోవైపు, డీజీపీని ఎంపిక చేసే అధికారాన్ని రాష్ట్ర ప్రభుత్వానికి కల్పిస్తూ 2018లో తెలంగాణ పోలీస్ సెలక్షన్ అండ్ అపాయింట్మెంట్ ఆఫ్ పోలీస్ డైరెక్టర్ జనరల్-హెడ్ ఆఫ్ పోలీస్ ఫోర్స్ యాక్ట్ అనే బిల్లును తెలంగాణ శాసనసభ ఆమోదించింది. ఆ బిల్లు ప్రకారం ప్రస్తుత డీజీపీ మహేందర్ రెడ్డిని నియమించారు.
2017 నవంబర్ 12న డీజీపీ అనురాగ్ శర్మ పదవీ విరమణ చేయడంతో హైదరాబాద్ కమిషనర్ గా ఉన్న మహేందర్ రెడ్డిని తాత్కాలికంగా ఆ స్థానంలో నియమించారు. ‘తెలంగాణ పోలీసు చట్టం 2018’ని సవరించి మార్చి 10న గెజిట్లో ప్రచురించి, దాని ఆధారంగా మహేందర్రెడ్డిని పూర్తిస్థాయి డీజీపీగా 2018 ఏప్రిల్లో నియమిస్తూ ప్రభుత్వం ఉత్తర్వులు జారీ చేసింది. ప్రస్తుతం కేడర్ వివాదం పరిష్కారం కాకుంటే, కోర్టు తీర్పు ప్రతికూలంగా వస్తే ఎలాంటి ఇబ్బందులు తలెత్తకుండా తాత్కాలికంగా డీజీపీని నియమించాలని యోచిస్తున్నారు.
TSPSC : నిరుద్యోగులకు అలర్ట్.. టీఎస్పీఎస్సీ నుంచి మరో నోటిఫికేషన్