డబుల్ మీనింగ్ డైలాగ్స్ మానండి: కొల్లి మాధవి

తెలంగాణ మంత్రి ఎర్రబెల్లి దయాకరరావు ఓ మహిళా ఎంపీడీవో విషయంలో చేసిన వ్యాఖ్యలు వివాదాస్పదమయ్యాయి. దీనికి సంబంధించిన వీడియో శుక్రవారం నుంచి సోషల్ మీడియాలో షేర్ అవుతోంది. మంత్రి తీరుపై అన్ని వర్గాల నుంచి విమర్శలు వెల్లువెత్తుతున్నాయి. అయితే, తాజాగా బీజేపీ రాష్ట్ర కార్యదర్శి కొల్లి మాధవి మాట్లాడుతూ.. తెలంగాణ మంత్రులకు సభ్యత సంస్కారం లేదని మరోసారి స్పష్టం అయిందని తెలిపారు. ఎర్రబెల్లి ఒక మహిళా ఉద్యోగిపై అనుచిత వ్యాఖ్యలు చేశారు. పాజిటివ్ కాంటెక్స్ట్ లో అలాంటి పదాలు వాడరు. సీఎం, మంత్రులు మహిళల్ని కించపరిచే విధంగా మాట్లాడుతున్నారని కొల్లి మాధవి మండిపడ్డారు. ఎర్రబెల్లి తన ఇంట్లో మహిళలతో అలానే మాట్లాడుతారా.. అని ఆమె ప్రశ్నించారు. దయాకర్ రావు బేషరతుగా క్షమాపణ చెప్పాలి. డబుల్ మీనింగ్ డైలాగ్స్ మానండి. ఎర్రబెల్లిని వెంటనే మంత్రి మండలి నుండి డిస్మిస్ చేయాలని కొల్లి మాధవి డిమాండ్ చేశారు.