Bandi sanjay wife: ఎమోషన్స్ లేని ఈ ప్రభుత్వానికి “బలగం” సినిమా చూపించాలి

Bandi sanjay wife: ఎలాంటి ఎమోషన్స్ కూడా లేని ఈ ప్రభుత్వానికి బలగం సినిమా చూపించాలని బండిసంజయ్‌ సతీమణి అపర్ణ సంచలన వ్యాఖ్యలు చేశారు. కరీంనగర్ జిల్లా బండి సంజయ్ తో జిల్లా జైలులో కుటుంబ సభ్యులు వెళ్లి కలిసారు. సంజయ్ ని ఆయన సతీమణి అపర్ణ, సోదరుడు శ్రవణ్, అల్లుడు వెళ్లి కలిశారు. అనంతరం బటకు వచ్చిన బండి సంజయ్ సతీమణి అపర్ణ మాట్లాడుతూ.. మొన్న అరెస్ట్ అయినప్పటి నుంచి తనతో పాటున్న కార్యకర్తలకు ధన్యవాదాలు తెలిపారు. మోడీ పర్యటనను సక్సెస్ చేయాలని కార్యకర్తలను కోరారు. తాను ప్రజాస్వామ్య బద్ధంగా పోరాడుతుంటే అక్రమ అరెస్ట్ చేశారని మండిపడ్డారు. అయితే.. పొలిటిక్స్ ఇంటి బయట ఉండాలి.. ఇంట్లోకి రాకూడదని సంజయ్ చెబుతారని, మేము భయపడతామని కాదు.. పిల్లల దాకా రాకూడదనేది ఆయన అభిప్రాయమన్నారు. ఎలాంటి ఎమోషన్స్ కూడా లేని ఈ ప్రభుత్వానికి “బలగం” సినిమా చూపించాలని ఆగ్రహం వ్యక్తం చేశారు.

Read also: Bandi sanjay: బండి సంజయ్ పిటిషన్ విచారణ ఈనెల 10 కి వాయిదా

అయితే.. పేపర్ లీకేజీ వ్యవహారంలో బండి సంజయ్ సెల్‌ఫోన్ కీలకంగా మారిన విషయం తెలిసిందే. సంజయ్ సెల్ ఫోన్ ఎక్కడ ఉందో తమకు తెలియదని చెప్పారు. తనను అరెస్టు చేస్తున్న సమయంలో ఫోన్‌లో మాట్లాడుతున్నాడని అపర్ణ తెలిపారు. ఆ సెల్‌ఫోన్ ఎవరి వద్ద ఉందో తెలియాల్సి ఉందని అన్నారు. పోలీసుల ఆరోపణలను ఆమె ఖండించారు. తన ఆరోగ్యం బాగానే ఉందని.. మందులు వేసుకున్నట్లు అపర్ణ తెలిపింది. సంజయ్ బెయిల్ పై బీజేపీ లీగల్ సెల్ చూసుకుంటుందని అన్నారు. 35 లక్షల మంది నిరుద్యోగుల కోసం నేను యుద్ధం చేస్తున్నాను అన్నారు. అంతిమంగా గెలిచేది న్యాయమే అని.. తప్పకుండా విజయం సాధిస్తామని ధీమాను సంజయ్ వ్యక్తం చేశారు. పోరాటాన్ని కొనసాగిస్తున్న కార్యకర్తలకు అభినందనలు తెలిపారు.
Care Hospital: ప్రముఖ స్వాతంత్య్ర సమరయోధుడిని సత్కరించిన కేర్ ఆస్పత్రి..