Hitech Coping : సాంకేతికత ఎంతగా పెరుగుతుందో, నేరగాళ్లు దాన్ని అంతగా దుర్వినియోగం చేస్తున్నారు. తాజాగా హైదరాబాద్ సెంట్రల్ యూనివర్సిటీ (HCU) నిర్వహించిన నాన్-టీచింగ్ ఉద్యోగాల నియామక పరీక్షలో ఆర్టిఫిషియల్ ఇంటలిజెన్స్ (AI) సాయంతో కాపీయింగ్కు పాల్పడుతున్న ఇద్దరు యువకులను గచ్చిబౌలి పోలీసులు అరెస్టు చేశారు. హర్యానా రాష్ట్రానికి చెందిన అనీల్ మరియు సతీష్ అనే నిందితులు అత్యంత ఖరీదైన, అధునాతన పరికరాలను ఉపయోగించి పరీక్ష రాస్తూ అధికారులకు చిక్కారు. ఈ ఘటన విద్యా మరియు పోలీస్ వర్గాల్లో తీవ్ర చర్చనీయాంశంగా మారింది.
Payal Rajput: శివాజీ వ్యాఖ్యలపై ‘పాయల్ రాజ్పుత్’ ఫైర్.. ఆ వ్యాఖ్యలు అసహనం తెప్పించాయంటూ..!
నిందితులు పరీక్షా కేంద్రంలోకి ఎవరికీ అనుమానం రాకుండా షర్టు బటన్లకు అమర్చిన మైక్రో స్కానర్లతో ప్రవేశించారు. ఈ స్కానర్ల ద్వారా ప్రశ్నపత్రాన్ని స్కాన్ చేసి, తరచూ బాత్రూమ్కు వెళ్తూ బయట ఉన్న తమ నెట్వర్క్ సహాయంతో ఏఐ (AI) సాఫ్ట్వేర్ను ఉపయోగించి జవాబులను సేకరించారు. ఆ సమాధానాలను తమ చెవిలో అమర్చుకున్న అత్యంత చిన్నవైన బ్లూటూత్ పరికరాల ద్వారా వింటూ పరీక్ష రాశారు. అయితే, పరీక్ష జరుగుతున్న సమయంలో అనీల్ చెవిలోని బ్లూటూత్ పరికరం నుండి హఠాత్తుగా వచ్చిన ‘బీప్’ శబ్దం ఇన్విజిలేటర్కు అనుమానం కలిగించింది. వెంటనే అప్రమత్తమైన అధికారులు తనిఖీ చేయగా, వారి వద్ద ఉన్న గ్యాడ్జెట్లు బయటపడ్డాయి.
యూనివర్సిటీ అధికారుల ఫిర్యాదు మేరకు రంగంలోకి దిగిన గచ్చిబౌలి పోలీసులు నిందితులను అదుపులోకి తీసుకున్నారు. వారి వద్ద నుండి మైక్రో స్కానర్లు, బ్లూటూత్ పరికరాలు మరియు ఇతర ఎలక్ట్రానిక్ వస్తువులను స్వాధీనం చేసుకున్నారు. ఉద్యోగాల కోసం ఇంతటి భారీ స్థాయిలో సాంకేతికతను వాడి మోసం చేయడం వెనుక ఇంకా ఎవరైనా ఉన్నారా అనే కోణంలో పోలీసులు దర్యాప్తు చేస్తున్నారు. పరీక్షల్లో పారదర్శకతను దెబ్బతీసే ఇలాంటి హైటెక్ దొంగల పట్ల అప్రమత్తంగా ఉండాలని అధికారులు హెచ్చరిస్తున్నారు.
CM Revanth Reddy : సర్పంచ్లకు సీఎం రేవంత్ అదిరిపోయే న్యూ ఇయర్ గిఫ్ట్..!