Realme Narzo 60x: రియల్ మీ నుంచి మరో కొత్త స్మార్ట్ ఫోన్.. ఫీచర్స్, ధర ఎంతంటే?

ప్రముఖ మొబైల్ కంపెనీ రియల్ మీ ఎప్పటికప్పుడు అదిరిపోయే ఫీచర్స్ తో సరికొత్త స్మార్ట్ ఫోన్ లను మార్కెట్ లోకి విడుదల చేస్తుంది.. ఇప్పటివరకు వచ్చిన ప్రతి ఫోన్ కు మార్కెట్ లో మంచి డిమాండ్ ఏర్పడింది.. ఈ క్రమంలో అదిరిపోయే ఫీచర్స్ తో మరో కొత్త బడ్జెట్ ఫోన్ ను రియల్ మీ మార్కెట్ లోకి విడుదల చేసింది.. ఆ ఫోన్ గురించి మరిన్ని వివరాలను ఇప్పుడు తెలుసుకుందాం..

రియల్‌మీ నార్జో 60 ఎక్స్ స్మార్ట్ ఫోన్ ను కంపెనీ లాంచ్ చేసింది.. రెండు వెరియంట్స్ లో విడుదల చేసింది.. ఇక ఈ స్మార్ట్ ఫోన్‌ ఫీచర్ల విషయానికొస్తే ఇందులో 6.72 ఇంచెస్‌ ఫుల్‌ హెచ్‌డీ+ ఎల్‌సీడీ డిస్‌ప్లేను అందించారు. 120Hz రిఫ్రెష్ రేట్, 680 nits బ్రైట్‌నెస్ ఈ డిస్‌ప్లే సొంతం. ఇందులో ఆక్టాకోర్‌ మీడియాటెక్‌ డైమెన్సిటీ 6100+ ఎస్‌ఓసీ ప్రాసెసర్‌ను అందించారు.. ఆండ్రాయిడ్ 13 ఆపరేటింగ్ సిస్టమ్‌తో పనిచేసే ఈ స్మార్ట్ ఫోన్‌లో రియల్‌మీ యూఐ 4.0 ఆపరేటింగ్ సిస్టమ్‌ను అందించారు. ఫింగర్‌ ప్రింట్‌ సెన్సార్‌కు సైడ్‌కు అందించారు..

అదేవిదంగా బ్యాటరిని చూస్తే..33 వాట్స్‌ వైర్డ్‌ ఛార్జింగ్ సపోర్ట్ చేసే 5000 ఎమ్ఏహెచ్‌ బ్యాటరీని ఇచ్చారు. సెప్టెంబర్ 15వ తేదీ నుంచి ఈ ఫోన్‌ సేల్‌ ప్రారంభం కానుందని అధికార వెబ్ సైట్ లో పేర్కొంది.. రియల్‌మీ నార్జో 60 ఎక్స్‌ స్మార్ట్ ఫోన్‌లో కెమెరాకు అధిక ప్రాధాన్యత ఇచ్చారు. ఈ స్మార్ట్ ఫోన్‌లో 50 మెగాపిక్సెల్ రెయిర్‌ కెమెరాతో పాటు, సెల్ఫీల కోసం 8 మెగా పిక్సెల్స్‌తో కూడిన ఫ్రంట్‌ కెమెరాను అందించారు…ఈ స్మార్ట్ ఫోన్‌ ధర విషయానికొస్తే 4జీబీ ర్యామ్‌, 128 జీబీ స్టోరేజ్‌ వేరియంట్ ధర రూ. 12,999 కాగా, 6జీబీ ర్యామ్‌128 జీబీ స్టోరేజ్‌ వేరియంట్ ధర రూ. 14,999గా ఉంది. నెబ్యులా పర్పుల్‌, స్టెల్లార్‌ గ్రీన్‌ కలర్స్‌లో అందుబాటులో ఉంది.. దీనికి సీరిస్ లో మరో ఫోన్ త్వరలోనే రానుందని సమాచారం..