India vs New Zealand: ఈడెన్ పార్క్లో టీమిండియా అజేయ రికార్డు.. 100% విజయాలతో భారత్ హవా!
- Follow Us :
-
-
Add as a preferred
source on google
India vs New Zealand: న్యూజిలాండ్ గడ్డపై టీమిండియా అద్భుతమైన ప్రదర్శనతో దూసుకుపోతోంది. ఇప్పటికే మూడు మ్యాచ్లు గెలిచి సిరీస్ను కైవసం చేసుకున్న భారత జట్టు, ఇప్పుడు నాలుగో టీ20 కోసం ఆక్లాండ్లోని ఈడెన్ పార్క్ మైదానంలో బరిలోకి దిగనుంది. అయితే ఈ చిన్న వేదికపై భారత్కు అజేయమైన రికార్డు ఉంది. ఇక్కడ ఆడిన ప్రతిసారీ ఛేజింగ్లో భాకత్ సత్తా చాటుతూ మన జట్టు ఘనవిజయాలు సాధించింది. ఈ చిన్న మైదానం టీమిండియాకు అచ్చం సొంత మైదానంలా మారిపోయిందనడంలో ఎలాంటి అతిశయోక్తి లేదు. ఇప్పటివరకు ఆక్లాండ్లో భారత్ ఆడిన మూడు టీ20 మ్యాచ్ల్లోనూ విజయాల జెండా పాతింది. ఇక్కడ మన జట్టు విజయాల రికార్డు వంద శాతంగా ఉంది. ఈ మైదానంలో ఇప్పటివరకు భారత్ ఆడిన మ్యాచ్ల వివరాలు పరిశీలిద్దాం..
మొదటి మ్యాచ్ (8 ఫిబ్రవరి 2019): ఈ వేదికపై ఇరు జట్ల మధ్య జరిగిన తొలి పోరులో న్యూజిలాండ్ 158 పరుగులు చేసింది. 4 ఓవర్లలో కేవలం 28 పరుగులు ఇచ్చి 3 వికెట్లు పడగొట్టిన కృనాల్ పాండ్యా ‘మ్యాన్ ఆఫ్ ది మ్యాచ్’గా నిలిచాడు. రోహిత్ శర్మ (50), శిఖర్ ధావన్ (30), మూడో స్థానంలో వచ్చి అజేయంగా 40 పరుగులు చేసిన రిషబ్ పంత్, ధోనీ (20 నాటౌట్) రాణించడంతో భారత్ 18.5 ఓవర్లలోనే లక్ష్యాన్ని ఛేదించి 7 వికెట్ల తేడాతో విజయం సాధించింది.
Also Read
- Rahul Gandhi: ఎన్నికల బహిష్కరణపై రాహుల్ గాంధీ కీలక వ్యాఖ్యలు!
- CM Revanth Reddy : రాష్ట్ర హక్కుల కోసం రాజీలేని పోరాటం.. కేసీఆర్, హరీష్పై సీఎం రేవంత్ తీవ్ర ఆగ్రహం
- Bangladesh: భారత్ నుంచే చుక్కలు చూపిస్తున్న హసీనా.. బంగ్లాదేశ్లో లాక్డౌన్!
- Indiramma Family Life Insurance: తెలంగాణ కుటుంబాలకు రేవంత్ సర్కార్ భరోసా.. కొత్త బీమా పథకం షురూ
రెండో మ్యాచ్ (24 జనవరి 2020): ఈ మ్యాచ్లో కివీస్ జట్టు 203 పరుగుల భారీ స్కోరు సాధించింది. అయితే శ్రేయస్ అయ్యర్ అద్భుత ఇన్నింగ్స్తో చెలరేగడంతో, భారత్ 19 ఓవర్లలోనే 204 పరుగులు చేసి 6 వికెట్ల తేడాతో ఘన విజయం అందుకుంది. ప్రస్తుత జట్టును నాయకత్వం వహిస్తున్న శ్రేయస్ అయ్యర్కు ఈ మైదానం ఎంతో ప్రత్యేకమైనది.
మూడో మ్యాచ్ (26 జనవరి 2020): ఇదే వేదికపై జరిగిన మూడో మ్యాచ్లో న్యూజిలాండ్ జట్టు 132 పరుగులకే కుప్పకూలింది. కేఎల్ రాహుల్ 50 బంతుల్లో 57 పరుగులు చేయగా, శ్రేయస్ అయ్యర్ మరోసారి 33 బంతుల్లో 44 పరుగులు చేసి రాణించారు. దీంతో భారత్ 17.3 ఓవర్లలోనే 7 వికెట్ల తేడాతో మ్యాచ్ను సొంతం చేసుకుంది.
ఇలా ఆక్లాండ్లో ఆడిన మూడు మ్యాచ్ల్లోనూ భారత్ ఛేదన ద్వారానే విజయాలు సాధించింది. ప్రస్తుతం కెప్టెన్ శ్రేయస్ అయ్యర్ సారథ్యంలో జట్టు అద్భుతమైన ఫామ్లో ఉంది. ఇప్పటికే 3-0తో సిరీస్ కైవసం చేసుకున్న టీమిండియా, ఈ మ్యాచ్లోనూ విజయం సాధించి ఆక్లాండ్లో తమ అజేయ రికార్డును కొనసాగించాలని చూస్తోంది. మరోవైపు ఈ చిన్న మైదానంలో టీమిండియా రికార్డు కివీస్ జట్టును భయపెడుతోంది. మరి ఈ మ్యాచ్లోనైనా ఆ జట్టు ఓటమి ప్రవాహానికి అడ్డుకట్ట వేస్తుందో లేదో చూడాలి.
తాజావార్తలు
-
Koti Deepotsavam 2026 Day-6 Live: ఆరో రోజు వేడుకలు.. నేటి ప్రత్యేక ఆధ్యాత్మిక కార్యక్రమాలు..
-
Rahul Gandhi: ఎన్నికల బహిష్కరణపై రాహుల్ గాంధీ కీలక వ్యాఖ్యలు!
-
‘RAPO23’ లో ఊహించని ట్విస్ట్ ఇదేనట! విలన్గా ఆ సీనియర్ స్టార్?
-
TG SAFE: హైదరాబాద్లో ఫుడ్ సేఫ్టీ అధికారుల కొరడా.. కరాచీ బేకరీ సహా పలు మాంస విక్రయ కేంద్రాలపై మెరుపు దాడులు!
-
CM Revanth Reddy : రాష్ట్ర హక్కుల కోసం రాజీలేని పోరాటం.. కేసీఆర్, హరీష్పై సీఎం రేవంత్ తీవ్ర ఆగ్రహం
-
ENE 2: ‘ఈ నగరానికి ఏమైంది’ అప్పుడు జరిగిన ఆ అవమానాన్ని బయటపెట్టిన విశ్వక్ సేన్ గ్యాంగ్!
ట్రెండింగ్
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!