రూ.14,499లకే 8000mAh బ్యాటరీ, 120Hz డిస్‌ప్లేతో Realme C100x లాంచ్..!

Realme C100x Launched: రియల్‌మీ (realme) నుండి భారత మార్కెట్లో C-సిరీస్ స్మార్ట్‌ఫోన్ realme C100xను లాంచ్ చేసింది. బడ్జెట్ సెగ్మెంట్‌ను లక్ష్యంగా ఈ ఫోన్‌లో భారీ 8000mAh బ్యాటరీ, 45W సూపర్‌వూక్ ఫాస్ట్ ఛార్జింగ్, 120Hz రిఫ్రెష్ రేట్ డిస్‌ప్లే, 50MP కెమెరా వంటి మంచి ఫీచర్లు ఉన్నాయి. అలాగే మిలిటరీ-గ్రేడ్ డ్యూరబిలిటీ, IP64 డస్ట్ & స్ప్లాష్ రెసిస్టెన్స్‌తో మరింత బలమైన నిర్మాణాన్ని అందించింది.

120Hz డిస్‌ప్లే, Unisoc ప్రాసెసర్:

realme C100xలో 6.8 అంగుళాల HD+ IPS LCD డిస్‌ప్లేను అందించారు. ఇది 120Hz రిఫ్రెష్ రేట్, గరిష్టంగా 900 నిట్స్ HBM బ్రైట్‌నెస్, Panda MN228 గ్లాస్ ప్రొటెక్షన్‌తో వస్తుంది. ఈ ఫోన్‌కు 12nm ఆధారిత Unisoc T7250 ఆక్టా-కోర్ ప్రాసెసర్ శక్తినిస్తుంది. ఇందులో 4GB LPDDR4X RAM, 12GB వరకు వర్చువల్ RAM సపోర్ట్ లభిస్తుంది. 64GB eMMC 5.1 స్టోరేజ్ తో పాటు microSD కార్డ్ ద్వారా 2TB వరకు స్టోరేజ్‌ను విస్తరించుకునే అవకాశం ఉంది.

50MP కెమెరా, ఆండ్రాయిడ్ 16:

ఫోటోగ్రఫీ కోసం వెనుక భాగంలో 50MP మెయిన్ కెమెరాతో పాటు LED ఫ్లాష్‌ను అందించారు. సెల్ఫీలు, వీడియో కాల్స్ కోసం 5MP ఫ్రంట్ కెమెరా ఉంది. ఈ ఫోన్ ఆండ్రాయిడ్ 16 ఆధారిత realme UI 7.0పై పనిచేస్తుంది.

8000mAh బ్యాటరీ:

ఈ ఫోన్‌లో ముఖ్యంగా చెప్పుకోవాల్సింది 8000mAh భారీ బ్యాటరీ. దీనికి 45W సూపర్ VOOC ఫాస్ట్ ఛార్జింగ్ సపోర్ట్ ఉంది. అలాగే రివర్స్ వైర్డ్ ఛార్జింగ్ ఫీచర్ కూడా అందుబాటులో ఉంది. ఒకసారి పూర్తిగా ఛార్జ్ చేస్తే ఎక్కువ సమయం బ్యాటరీ బ్యాకప్ అందుతుందని కంపెనీ తెలిపింది.

మిలిటరీ-గ్రేడ్ డ్యూరబిలిటీ:

realme C100xలో ఆర్మర్ షెల్ ప్రొటెక్షన్ తో పాటు MIL-STD-810H మిలిటరీ-గ్రేడ్ డ్యూరబిలిటీ సర్టిఫికేషన్ ఉంది. 2 మీటర్ల ఎత్తు నుంచి పడినా తట్టుకునేలా డ్రాప్ టెస్టులు పూర్తి చేసినట్లు కంపెనీ పేర్కొంది. అలాగే IP64 రేటింగ్ కారణంగా డస్ట్, స్ప్లాష్‌ల నుంచి రక్షణ లభిస్తుంది. ఇందులో పల్స్ లైట్ డిజైన్ను కూడా అందించారు. ఇది 9 రంగులు, 5 కస్టమైజ్ చేయగల గ్లోయింగ్ మోడ్‌లను సపోర్ట్ చేస్తుంది. కాల్స్, మెసేజ్‌లు, ఛార్జింగ్ సమయంలో ఈ లైట్లు ఆటోమేటిక్‌గా స్పందిస్తాయి.

ధర:

భారత్‌లో realme C100x 4GB + 64GB వేరియంట్ ధర రూ.14,499గా నిర్ణయించారు. ఇది డీప్ బ్లూ టైడ్స్, గోల్డెన్ కోస్ట్ వంటి రంగుల్లో అందుబాటులో ఉంటుంది. లాంచ్ ఆఫర్‌లో ఈ ఫోన్‌ను realme అధికారిక వెబ్‌సైట్, ఫ్లిప్కార్ట్, అలాగే ఎంపిక చేసిన ఆఫ్‌లైన్ స్టోర్లలో కొనుగోలు చేయవచ్చు.