Poco C81 Pro: పోకో సి81 ప్రో రిలీజ్.. 6000mAh బ్యాటరీ, యునిసోక్ టి7250 ఆక్టా-కోర్ ప్రాసెసర్‌

స్మార్ట్‌ఫోన్ తయారీ సంస్థ Poco తన కొత్త Poco C81 Pro స్మార్ట్‌ఫోన్‌ను గ్లోబల్ మార్కెట్లో విడుదల చేసింది. ఈ ఫోన్‌ను కంపెనీ తొలిసారిగా 2026 ఏప్రిల్‌లో పరిచయం చేయగా, తాజాగా యూరప్‌లోని పలు దేశాల్లో అందుబాటులోకి తీసుకొచ్చింది. పెద్ద డిస్‌ప్లే, శక్తివంతమైన బ్యాటరీ, ఆక్టా-కోర్ ప్రాసెసర్‌తో బడ్జెట్ సెగ్మెంట్ వినియోగదారులను ఆకట్టుకునేలా ఈ ఫోన్‌ను రూపొందించారు.

Poco C81 Pro ధర

Poco C81 Pro ప్రస్తుతం జర్మనీ, స్పెయిన్ వంటి యూరోపియన్ మార్కెట్లలో విక్రయానికి అందుబాటులో ఉంది. 4GB RAM + 128GB Storage వేరియంట్ ధర: €126 (సుమారు రూ.13,500) 4GB RAM + 256GB Storage వేరియంట్ ధర: €146.90 (సుమారు రూ.16,000). ఈ స్మార్ట్‌ఫోన్ బ్లాక్, గ్రీన్, గోల్డ్ రంగుల్లో లభిస్తుంది.

డిస్‌ప్లే, ప్రాసెసర్

Poco C81 Proలో 6.9 అంగుళాల HD+ LCD డిస్‌ప్లేను అందించారు. ఇది 1600×720 పిక్సెల్స్ రిజల్యూషన్, 120Hz రిఫ్రెష్ రేట్ కు మద్దతు ఇస్తుంది. ఈ ఫోన్ Unisoc T7250 Octa-Core Processorతో పనిచేస్తుంది. రోజువారీ పనులతో పాటు మల్టీటాస్కింగ్‌కు కూడా మంచి పనితీరును అందిస్తుంది.

కెమెరా ఫీచర్లు

ఫోటోగ్రఫీ కోసం ఈ ఫోన్‌లో 13MP ప్రైమరీ కెమెరా, సెకండరీ కెమెరా సెన్సార్, సెల్ఫీలు, వీడియో కాలింగ్ కోసం 8MP ఫ్రంట్ కెమెరా అందించారు.

6000mAh బ్యాటరీ

Poco C81 Proలో ప్రధాన ఆకర్షణ 6000mAh భారీ బ్యాటరీ. ఇది 15W ఫాస్ట్ ఛార్జింగ్ కు మద్దతు ఇస్తుంది. కంపెనీ ప్రకారం, ఒకసారి పూర్తిగా ఛార్జ్ చేస్తే 79 గంటలకు పైగా మ్యూజిక్ ప్లేబ్యాక్‌ను అందిస్తుంది.

ఇతర ఫీచర్లు

ఈ ఫోన్‌లో Wet Touch Technology 2.0ను అందించారు. దీంతో తడి వేళ్లతో కూడా స్క్రీన్‌ను సులభంగా ఉపయోగించవచ్చు. కనెక్టివిటీ ఫీచర్లు.. Bluetooth 5.2
Wi-Fi, GPS, GLONASS, Galileo ,NFC, USB Type-C పోర్ట్, 3.5mm హెడ్‌ఫోన్ జాక్, పరిమాణాలు, బరువు, పొడవు: 171.56mm, వెడల్పు: 79.47mm, మందం: 8.15mm, బరువు: 208 గ్రాములు. పెద్ద డిస్‌ప్లే, 6000mAh బ్యాటరీ, 120Hz రిఫ్రెష్ రేట్, ఆకర్షణీయమైన ధరతో Poco C81 Pro బడ్జెట్ స్మార్ట్‌ఫోన్ విభాగంలో మంచి ఎంపికగా నిలవనుంది.