OnePlus 15T: కాంపాక్ట్ ఫ్లాగ్షిప్ స్మార్ట్ఫోన్ మార్కెట్లో మరో స్మార్ట్ ఫోన్ ను తీసుకురావడానికి వన్ ప్లస్ (OnePlus) సిద్ధమైంది. కంపెనీ తన తాజా స్మార్ట్ఫోన్ OnePlus 15Tను మార్చి 24న చైనాలో విడుదల చేయనున్నట్లు అధికారికంగా ప్రకటించింది. “స్మాల్-స్క్రీన్ పవర్హౌస్”గా దీన్ని ప్రమోట్ చేస్తూ, చిన్న ఫోన్లలో కూడా భారీ పనితీరు సాధ్యమేనని వన్ ప్లస్ చెబుతోంది.
ఈ వన్ ప్లస్ 15Tలో 6.32 అంగుళాల OLED డిస్ప్లే ఉంటుంది. ఇది 165Hz హై రిఫ్రెష్ రేట్, 1.1mm అల్ట్రా-న్యారో బెజెల్స్, ఇన్-డిస్ప్లే అల్ట్రాసోనిక్ ఫింగర్ప్రింట్ సెన్సర్ లతోపాటు పూర్తి స్థాయి వాటర్ రెసిస్టెన్స్ ఉన్నాయి. ఈ ఫోన్ ప్యూర్ కోకా, రిలాక్సింగ్ మత్సా, హీలింగ్ వైట్ చాక్లెట్ అనే మూడు ఆకర్షణీయ రంగుల్లో అందుబాటులోకి రానుంది. ఈ ఫోన్లో Snapdragon 8 Gen 5 ప్రాసెసర్ను ఉపయోగించారు. ఇది AnTuTuలో 44.5 లక్షల పాయింట్లు సాధించినట్లు కంపెనీ వెల్లడించింది. ఇంకా గేమింగ్, హెవీ టాస్క్ల కోసం “Wind Chaser Gaming Core”, “Esports Triple Core” వంటి టెక్నాలజీలు వాడారు.
OnePlus 15Tలో 7500mAh “గ్లేసియర్ బాటరీ” ప్రత్యేకత. సాధారణంగా పెద్ద ఫోన్లలో మాత్రమే కనిపించే ఈ సామర్థ్యాన్ని కాంపాక్ట్ డివైస్లో అందించారు. ఈ బ్యాటిరికి 100W ఫాస్ట్ చార్జింగ్, 50W వైర్లెస్ ఫ్లాష్ చార్జింగ్ అందించారు. ఈ ఫోన్లో 3.5x పెరిస్కోప్ టెలిఫోటో లెన్స్ను అందిస్తున్నారు. ఇది గత మోడల్లో లేని ముఖ్యమైన అప్గ్రేడ్గా చెప్పొచ్చు. చిన్న సైజ్ లో ఫ్లాగ్షిప్ పనితీరు, భారీ బ్యాటరీ, గేమింగ్ ఫీచర్లతో ప్రత్యేకంగా నిలవనుంది. ధర వివరాలు లాంచ్ రోజున ప్రకటించనున్నారు.