Nothing Phone 1: నథింగ్ అంటూనే ఫీచర్లతో అదరగొడుతున్నారు.

నథింగ్ ఫోన్ 1 మొబైల్ ఫోన్ క్రేజ్ మామూలుగా లేదు. నథింగ్ అంటూనే ఫీచర్లతో అదరగొడుతున్నారు. ప్రపంచ వ్యాప్తంగా జూలై 12న  ఈ ఫోన్ ను అమ్మకాలను ప్రారంభిస్తున్నారు. వన్ ప్లస్ మాజీ సహ వ్యవస్థాపకుడు కార్ల్ పీ సారథ్యంలో మొదటి ఫోన్ వస్తోంది. ఫీచర్ల విషయంలో మరే ఫోన్ కు తీసిపోని విధంగా నథింగ్ మొబైన్ ను రూపొందించారు. 120 హెర్జ్ అడాప్టిక్ రిఫ్రెస్ రేట్ డిస్ ప్లేతో పాటు ఆండ్రాయిడ్ 12 ఆపరేటింగ్ సిస్టమ్ తో ఈ ఫోన్ రాబోతోంది. 50 మెగా పిక్సెల్ డ్యుయల్ రియర్ కెమెరా కలిగి ఉండనుంది.

ఈ ఫోన్ గురించి వస్తున్న లీకుల ప్రకారం క్వాల్ కామ్ స్నాప్ డ్రాగన్ 778జీ ప్లస్ చిప్ సెట్, 6.55 ఇంచ్ ఓఎల్ఈడీ డిస్ ప్లే కలిగి ఉండనుంది. డిస్ ప్లే వెనకాల గొరిల్లా గ్లాస్ ప్రొటెక్షన్ కూడా ఉంటుంది. 1 f/1.8 లెన్స్‌తో 50-మెగాపిక్సెల్ సెన్సార్ బ్యాక్ కెమెరా కలిగి ఉండి సెకన్ కు 60 ఫ్రేముల 4కె రిజల్యూషన్ వీడియో రికార్డింగ్ ను అందిస్తుంది.  8జీబీ రామ్+128 జీబీ స్టోరేజ్ వేరియంట్ ధర సుమారుగా రూ. 31,300గా ఉంటుందని.. 8జీబీ+256 జీబీ స్టోరేజ్ వేరియంట్ ధర రూ. 33,100లుగా, 12జీబీ+256 మోడల్ ధర రూ. 36,000గా ఉండే అవకాశం ఉంది.

రూ.2000 రిఫండ్ డిపాజిట్ తో ప్లిఫ్ కార్ట్ లో ఈ మొబైల్ లభిస్తోంది. ఆసక్తిగల వినియోగదారులు ముందుగానే ఈ మొబైల్ ను బుక్ చేసుకోవచ్చు, ప్లిఫ్ కార్ట్ తో పాటు రిలయన్స్ డిజిటల్ లో కూడా ఫోన్ అందుబాటులో ఉండనుంది.