ఇప్పుడంతా స్మార్ట్‌ఫోన్ల కాలం.. ఏ కొత్త మోడల్‌ మార్కెట్‌లోకి వచ్చినా.. ఎగబడి కొనేవారు కొందరైతే.. మార్కెట్‌లోకి వచ్చిన ఫోన్ తమ బడ్జెట్‌లో దొరుకుతుందా? అని ఆలోచించేవారు మరికొందరు.. తాజాగా, భారత మార్కెట్‌లో రెడ్‌మీ మరో బడ్జెట్‌ ఫోన్‌ను లాంచ్‌ చేసింది… క్లీన్ ఆండ్రాయిడ్ 12, హీలియో ఏ22 చిప్‌, వాటర్‌డ్రైప్‌-స్టైల్ నాచ్‌తో రెడ్‌మి ఏ1 పేరుతో మార్కెట్‌లోకి ఎంట్రీ ఇచ్చిన ఈ మొబైల్‌ ధర రూ.6,499గా నిర్ణయించారు.. ఇక, ఈ నెల 9వ తేదీ నుంచి కొనుగోలుదారులకు అందుబాటులోకి రాబోతోంది రెడ్‌మి ఏ1.
Read Also: High Court: రాజాసింగ్‌పై పీడీ యాక్ట్‌పై హైకోర్టు విచారణ.. నోటీసులు జారీ
రెడ్‌మి 11 ప్రైమ్ 5 జీ మరియు రెడ్‌మి 11 ప్రైమ్ 4 జీతో పాటు రెడ్‌మి ఎ1 ఎంట్రీ-లెవల్ స్మార్ట్‌ఫోన్ ఈరోజు భారతదేశంలో ప్రారంభించబడింది. ఇది భారతదేశంలో రెడ్‌మి యొక్క మొట్టమొదటి అల్ట్రా-సరసమైన ఫోన్. దాని తోలు లాంటి ఆకృతి గల డిజైన్ మరియు రెడ్‌మి “క్లీన్ ఆండ్రాయిడ్ 12 అనుభవం” అని పిలుస్తున్నారు.. రెడ్‌మి ఏ1.. 2జీబీ ర్యామ్ మరియు 32 జీబీ స్టోరేజ్‌ వేరియంట్‌గా ఉంది.. రూ.6,499గా ధర నిర్ణయించగా.. ఇది భారతదేశంలో సెప్టెంబర్ 9న సాయంత్రం 4 గంటల నుంచి Xiaomi వెబ్‌సైట్, Mi హోమ్, అమెజాన్ మరియు రిటైల్ అవుట్‌లెట్‌లలో విక్రయించబడుతుంది.
రెడ్‌మీ ఏ1 స్పెక్స్, ఫీచర్ల విషయానికి వస్తే.. వాటర్‌డ్రాప్-స్టైల్ నాచ్‌తో 6.52-అంగుళాల 720p డిస్‌ప్లేతో వస్తుంది. MediaTek యొక్క Helio A22 ప్రాసెసర్‌ని పొందుపర్చారు.. ఇది 2 జీబీ ర్యామ్ మరియు 32 జీబీ స్టోరేజ్‌తో జత చేయబడింది. ఇది ప్రత్యేక మైక్రో-ఎస్‌డీ కార్డ్ స్లాట్ ద్వారా విస్తరించబడుతుంది. ఇది డ్యూయల్ సిమ్ కార్డ్‌లను సపోర్ట్ చేస్తుంది. ఇక, ఫోటోగ్రఫీ కోసం అయితే.. వెనుకవైపు 8ఎంపీ కెమెరా మరియు ముందు భాగంలో 5 ఎంపీ కెమెరాను పొందుతారు. 10W మైక్రో-యూఎస్‌బీ ఛార్జింగ్ సపోర్ట్‌తో 5,000 ఎంఏహెచ్ బ్యాటరీ అందిస్తుంది.. రెడ్‌మీ ఏ1.. మూడు రంగులలో వస్తుంది- లేత ఆకుపచ్చ, లేత నీలం మరియు నలుపులో ఉంటాయి.
మరోవైపు.. భారత్ మార్కెట్‌లో రియ‌ల్మి సీ33 స్మార్ట్‌ఫోన్ లాంచ్‌ చేశారు.. రూ 8999 నుంచి రియ‌ల్మి సీ33 ఫ్లిప్‌కార్ట్ ద్వారా అందుబాటులో ఉంది. త‌క్కువ ధ‌ర‌లో బిగ్ స్క్రీన్‌, భారీ బ్యాట‌రీతో లేటెస్ట్ స్మార్ట్‌ఫోన్ క‌స్ట‌మ‌ర్ల‌ను ఆక‌ట్టుకుంటుంది… 6.5 ఇంచ్ డిస్‌ప్లే, యూనిసోక్ టీ612 ప్రాసెస‌ర్‌ను క‌లిగిఉన్న ఈ ఫోన్.. 3జీబీ, 4జీబీ ర్యామ్ ఆప్ష‌న్స్‌తో ల‌భిస్తుంది. ఆండ్రాయిడ్ 12 ఓఎస్ అవుటాఫ్ ది బాక్స్‌పై రియ‌ల్మి సీ33 ర‌న్ అవుతుంది. వెనుక భాగంలో 50 మెగాపిక్సెల్ డ్యూయల్ కెమెరా సెట‌ప్‌, ముందు 5 ఎంపీ సెన్స‌ర్‌తో క‌స్ట‌మ‌ర్ల ముందుకొచ్చింది. 5000ఎంఏహెచ్ బ్యాటరీ సామ‌ర్ధ్యం క‌లిగిఉంది. లేటెస్ట్ రియ‌ల్మి సీ33 స్మార్ట్‌ఫోన్ న్యూ బౌండ్‌లెస్ సీ డిజైన్ ఫీచ‌ర్‌తో ఆక‌ట్టుకుంటుంది… మొత్తంగా.. ఇప్పుడు భారత మార్కెట్‌లో బడ్జెట్‌ ఫోన్లు ఆకట్టుకుంటున్నాయి.