బడ్జెట్‌లో ప్రీమియం అనుభవం.. 50MP Sony కెమెరా, 7000mAh బ్యాటరీ, మిలిటరీ గ్రేడ్ డ్యూరబిలిటీతో Moto g77 Power భారత్‌లో లాంచ్.!

Moto g77 Power: మోటరోలా (motorola)భారత మార్కెట్లో తన కొత్త moto g77 Power స్మార్ట్‌ఫోన్‌ను అధికారికంగా లాంచ్ చేసింది. భారీ 7000mAh బ్యాటరీ, 120Hz డిస్‌ప్లే, MediaTek Dimensity 6400 ప్రాసెసర్, 50MP Sony కెమెరాతో ఈ ఫోన్‌ను తీసుకొచ్చింది. ఇందులో 6.72 అంగుళాల Full HD+ LCD డిస్‌ప్లేను అందించారు. ఇది 120Hz రిఫ్రెష్ రేట్, గరిష్టంగా 1050 నిట్స్ బ్రైట్‌నెస్‌తో స్క్రీన్ మరింత స్మూత్ అనుభూతిని అందిస్తుంది. కార్నింగ్ గొరిల్లా గ్లాస్ (Corning Gorilla Glass) 7i రక్షణ కూడా దీనికి ఉంది.

ఈ ఫోన్‌ 6nm టెక్నాలజీపై రూపొందించిన MediaTek Dimensity 6400 ప్రాసెసర్ కలిగి ఉంది. ఇందులో 8GB LPDDR4X ర్యామ్‌తో పాటు అదనంగా 16GB వరకు వర్చువల్ ర్యామ్ సపోర్ట్ ఉంది. 128GB UFS 2.2 స్టోరేజ్‌ను మైక్రో SD కార్డ్ ద్వారా 1TB వరకు పెంచుకోవచ్చు.

కెమెరా సిస్టం:

ఫోటోగ్రఫీ కోసం moto g77 Powerలో Sony LYTIA 600 సెన్సార్‌తో కూడిన 50MP ప్రైమరీ కెమెరాను అందించారు. దీనికి తోడు 8MP అల్ట్రా వైడ్ కెమెరా కూడా ఉంది. సెల్ఫీలు, వీడియో కాల్స్ కోసం 32MP ఫ్రంట్ కెమెరాను అందించారు. ముందు, వెనుక కెమెరాలతో 2K వీడియో రికార్డింగ్‌కు సపోర్ట్ ఉంటుంది.

మూడు సంవత్సరాల సెక్యూరిటీ అప్‌డేట్స్:

ఈ ఫోన్ Android 16 ఆపరేటింగ్ సిస్టమ్‌తో వస్తుంది. Android 17 వరకు ఒక ప్రధాన OS అప్‌డేట్‌తో పాటు మూడు సంవత్సరాల పాటు సెక్యూరిటీ అప్‌డేట్స్ అందిస్తామని మోటరోలా హామీ ఇచ్చింది.

7000mAh బ్యాటరీ:

moto g77 Powerలో ప్రధాన ఆకర్షణ 7000mAh భారీ బ్యాటరీ. దీనికి 30W TurboPower ఫాస్ట్ ఛార్జింగ్ సపోర్ట్ ఉంది. అలాగే 6W వైర్డ్ రివర్స్ ఛార్జింగ్ ఫీచర్ కూడా అందించారు. దీంతో ఇతర డివైస్‌లను కూడా ఈ ఫోన్ ద్వారా ఛార్జ్ చేసుకోవచ్చు.

ప్రీమియం ఫీచర్లు:

ఈ స్మార్ట్‌ఫోన్‌కు IP64 డస్ట్, వాటర్ స్ప్లాష్ రెసిస్టెన్స్ రేటింగ్ లభించింది. అలాగే MIL-STD-810H మిలిటరీ గ్రేడ్ డ్యూరబిలిటీ సర్టిఫికేషన్ కూడా ఉంది. సైడ్ మౌంటెడ్ ఫింగర్‌ప్రింట్ సెన్సార్, స్టీరియో స్పీకర్లు, Dolby Atmos, 3.5mm హెడ్‌ఫోన్ జాక్, FM రేడియో, Bluetooth 5.4, Wi-Fi 5, 5G కనెక్టివిటీ వంటి అనేక ఫీచర్లు ఇందులో ఉన్నాయి.

ధర:

ఈ Motorola moto g77 Power 8GB RAM + 128GB స్టోరేజ్ వేరియంట్ ధర రూ.25,999గా నిర్ణయించారు. ఈ ఫోన్ పాంటోన్ ఇంపెనెట్రబుల్, పాంటోన్ నాటికల్ బ్లూ, పాంటోన్ ఫ్యూషియా రెడ్ రంగుల్లో అందుబాటులోకి రానుంది. ఫ్లిప్‌కార్ట్, మోటరోలా అధికారిక వెబ్‌సైట్, ఆఫ్‌లైన్ రిటైల్ స్టోర్లలో అమ్మకాలు ప్రారంభం కానున్నాయి. ఫోన్ కొనుగోలు చేసే వారికి యాక్సిస్ బ్యాంక్, HDFC బ్యాంక్ క్రెడిట్ కార్డులపై రూ.2,000 ఇన్‌స్టంట్ డిస్కౌంట్ లభిస్తుంది. లేదా పాత ఫోన్‌ను ఎక్స్చేంజ్ చేస్తే రూ.2,000 వరకు అదనపు తగ్గింపు పొందే అవకాశం ఉంది.

Why settle for ordinary when you can wow all the way?

moto g77 POWER starting at 23,999*.⁣

Sale starts 13th July on Flipkart, https://t.co/azcEfy2uaW and leading retail stores.⁣#motorolaindia #motog77power #wowalltheway pic.twitter.com/0YRLjiBpIt

— Motorola India (@motorolaindia) July 8, 2026