ఇండియాలో లావా అగ్ని సిరీస్ తాజా 5G స్మార్ట్‌ఫోన్‌ను విడుదల చేసింది. లావా అగ్ని 3 5G స్మార్ట్‌ఫోన్‌లో డ్యూయల్ డిస్‌ప్లే, 256GB వరకు స్టోరేజ్, 5000mAh బ్యాటరీ వంటి ఫీచర్లు ఉన్నాయి. లావా అగ్ని 3 5G 8GB ఇంబిల్ట్ RAM.. 8GB వర్చువల్ RAMతో 16 GB వరకు మొత్తం RAM సపోర్ట్ చేస్తుంది. 66W ఫాస్ట్ ఛార్జింగ్, 50MP ప్రైమరీ రియర్ కెమెరా వంటి ఫీచర్లు ఉన్నాయి. ఈ స్మార్ట్‌ఫోన్‌లోని ప్రత్యేకత ఏమిటో తెలుసుకుందాం..
Chhattisgarh Encounter: ఛత్తీస్‌గఢ్‌లో భారీ ఎన్‌కౌంటర్.. ఏడుగురు మావోయిస్టుల హతం..
లావా అగ్ని3 5G ఫీచర్లు
లావా అగ్ని3 5G స్మార్ట్ఫోన్ 6.78 అంగుళాల 1.5K 3D కర్వ్డ్ AMOLED ప్రైమరీ, 1.74 అంగుళాల సెకండరీ స్క్రీన్‌ను కలిగి ఉంది. ఈ స్మార్ట్‌ఫోన్‌లో 8 GB RAMతో 128 GB, 256 GB ఇంబిల్ట్ స్టోరేజ్ ఆప్షన్స్ ఉన్నాయి. అంతేకాకుండా.. 4 సంవత్సరాల పాటు ఫోన్‌కు 3 ప్రధాన ఆండ్రాయిడ్ అప్‌డేట్‌లు, సెక్యూరిటీ అప్‌డేట్‌లు లభిస్తాయని కంపెనీ తెలిపింది. లావా అగ్ని 3 5G స్మార్ట్ఫోన్ డ్యూయల్ సిమ్‌ని సపోర్ట్ చేస్తుంది. ఫోన్‌లో ఆక్టా-కోర్ MediaTek డైమెన్షన్ 7300X 4nm ప్రాసెసర్ ఉంది. Mali-G615 MC2 GPU హ్యాండ్‌సెట్‌లో కంపెనీ అందిస్తుంది.
ఈ స్మార్ట్‌ఫోన్‌లో OIS సపోర్ట్‌తో 50MP ప్రైమరీ, 8 మెగాపిక్సెల్ అల్ట్రా-వైడ్ కెమెరా, F/2.2 మరియు 8 మెగాపిక్సెల్ 3x టెలిఫోటో కెమెరా ఉన్నాయి. టెలిఫోటో కెమెరా 30x డిజిటల్ జూమ్‌తో వస్తుంది. సెల్ఫీ, వీడియో కాలింగ్ కోసం హ్యాండ్‌సెట్‌లో 16-మెగాపిక్సెల్ ఫ్రంట్ కెమెరా ఉంది. ఈ ఫోన్‌లో ఇన్-డిస్‌ప్లే ఫింగర్‌ప్రింట్ సెన్సార్ ఉంది. USB టైప్-సి ఆడియో, స్టీరియో స్పీకర్లు, డాల్బీ అట్మాస్ ఫీచర్లు ఉన్నాయి. ఫోన్ డస్ట్, వాటర్ రెసిస్టెంట్ (IP64) రేటింగ్‌ను కలిగి ఉంది. ఈ ఫోన్ సైజ్ 163.7×75.53×8.8mm.. బరువు 212 గ్రాములు ఉంటుంది. కనెక్టివిటీ కోసం 5G, డ్యూయల్ 4G VoLTE, Wi-Fi 6E 802.11 ax, బ్లూటూత్ 5.4, GPS, USB టైప్-C మరియు NFC వంటి ఫీచర్లు ఉన్నాయి.
ధర
లావా అగ్ని3 5G స్మార్ట్ఫోన్ 8 GB RAM మరియు 128 GB మోడల్‌ను ఛార్జర్ లేకుండా రూ. 20,999కి కొనుగోలు చేయవచ్చు. ఛార్జర్ ఉన్న ఫోన్ ధర రూ.22,999 ఉంది. ఛార్జర్‌తో కూడిన 8GB RAM మరియు 256GB మోడల్ ధర రూ.24,999. ఈ ఫోన్ అమెజాన్ ఇండియాలో ప్రీ-ఆర్డర్ కోసం అందుబాటులో ఉంది. ఈ ఫోన్ సేల్ అక్టోబర్ 8 నుంచి ప్రారంభం కాగా.. ఓపెన్ సేల్ అక్టోబర్ 9 నుంచి ప్రారంభం కానుంది. 1 సంవత్సరం వారంటీ వ్యవధిలో వినియోగదారులు అగ్ని3 కోసం ఉచిత హోమ్ రీప్లేస్‌మెంట్ సేవను పొందుతారు. అగ్ని 2 వినియోగదారులు లావా అగ్ని3 5G కొనుగోలుపై రూ. 8000 ఫ్లాట్ తగ్గింపును పొందుతారు. అగ్ని 1 కస్టమర్లు రూ. 4000 ఫ్లాట్ తగ్గింపును పొందుతారు. అయితే దీని కోసం మీరు lavamobiles.comలో కొనుగోలు చేయాల్సి ఉంటుంది. మీరు SBI కార్డ్ ద్వారా మొదటి సేల్‌లో షాపింగ్‌పై రూ. 2000 తగ్గింపు పొందుతారు.