iQOO Z11: ఐక్యూ (iQOO) నుండి రాబోతున్న కొత్త స్మార్ట్ఫోన్ iQOO Z11. భారత మార్కెట్లో ఆగస్టు 20, 2026న అధికారికంగా లాంచ్ చేయనున్నట్లు తాజాగా ప్రకటించింది. గత ఏడాది వచ్చిన iQOO Z10కు వారసుడిగా ఈ ఫోన్ రానుంది. ఫాస్టర్, స్మార్టర్ విత్ ఏఐ (Faster, Smarter with AI) అనే ట్యాగ్లైన్తో వస్తున్న ఈ స్మార్ట్ఫోన్ను ముఖ్యంగా విద్యార్థులు, యువ ప్రొఫెషనల్స్ను దృష్టిలో పెట్టుకుని రూపొందించినట్లు కంపెనీ తెలిపింది.
iQOO Z11లో విద్య, రోజువారీ పనులు సులభతరం చేసే పలు ఆర్టిఫిషియల్ ఇంటెలిజెన్స్ (AI) ఫీచర్లను అందించనుంది. ఇందులో ప్రధానంగా ఈ AI ఫీచర్స్ అందుబాటులోకి రానున్నాయి..
* AI ట్రాన్స్క్రిప్షన్ & సమ్మరైజేషన్ – లెక్చర్లు లేదా మీటింగ్లలో రికార్డ్ చేసిన ఆడియోను ఆటోమేటిక్గా టెక్స్ట్గా మార్చి, ముఖ్యాంశాలను సంక్షిప్తంగా అందిస్తుంది.
* AI ఆధారిత నోట్ మేనేజ్మెంట్ – నోట్స్ తయారు చేయడం, డాక్యుమెంట్లు రూపొందించడం, డిజిటల్ ఫైళ్లను సులభంగా నిర్వహించే సదుపాయం.
* మెరుగైన మల్టీటాస్కింగ్ – ఒకేసారి అనేక యాప్లను సాఫీగా ఉపయోగించేందుకు ఆప్టిమైజ్ చేసిన సాఫ్ట్వేర్.
స్టైలిష్ డిజైన్:
కంపెనీ విడుదల చేసిన టీజర్ల ప్రకారం iQOO Z11 ఆకర్షణీయమైన లైట్ గ్రీన్ కలర్లో అందుబాటులోకి రానుంది. ఫోన్ వెనుక భాగంలో డ్యూయల్ రియర్ కెమెరా సెటప్, LED లైట్ రింగ్, కొత్త కెమెరా మాడ్యూల్ డిజైన్ ఉండనుండగా.. ముందు భాగంలో స్లిమ్ బెజెల్స్, పిల్-షేప్ పంచ్-హోల్ డిస్ప్లే వంటి ప్రీమియం డిజైన్ అంశాలు కనిపిస్తున్నాయి.
ప్రస్తుతం కంపెనీ డిజైన్, AI ఫీచర్లు, లాంచ్ తేదీని మాత్రమే ప్రకటించింది. ప్రాసెసర్, డిస్ప్లే, కెమెరా, బ్యాటరీ, ధర, పూర్తి స్పెసిఫికేషన్లు ఆగస్టు 20న జరిగే లాంచ్ ఈవెంట్లో వెల్లడించనున్నారు. లాంచ్ అనంతరం iQOO Z11ను అమెజాన్ ఇండియాతో పాటు iQOO అధికారిక వెబ్సైట్ ద్వారా కొనుగోలు చేయవచ్చు.