iPhone 18 Pro సిరీస్ వచ్చేసింది..బ్యాటరీ, ధర, ఫీచర్లు, స్పెసిఫికేషన్స్, ఫుల్ డీటెయిల్స్ ఇవే

Apple iPhone 18 Pro and iPhone 18 Pro Max launched: యాపిల్ తన లేటెస్ట్ ఫ్లాగ్‌షిప్ స్మార్ట్‌ఫోన్లు iPhone 18 Pro, iPhone 18 Pro Maxలను ప్రపంచవ్యాప్తంగా అధికారికంగా లాంచ్ చేసింది. ఈసారి కెమెరా, పర్ఫార్మెన్స్, బ్యాటరీ లైఫ్, ఆర్టిఫిషియల్ ఇంటెలిజెన్స్ (AI) అనే నాలుగు ప్రధాన విభాగాలపై యాపిల్ ప్రత్యేక దృష్టి సారించింది. ఈ రెండు మోడల్స్ కొత్త A20 Pro చిప్‌సెట్, iOS 27 సాఫ్ట్‌వేర్, రీడిజైన్ చేసిన డైనమిక్ ఐలాండ్‌తో మార్కెట్లోకి వచ్చాయి. ఇవి బ్లాక్, సిల్వర్, గ్లేసియర్ రంగులతో పాటు పూర్తిగా కొత్తగా పరిచయం చేసిన ‘బర్గుండి’ షేడ్‌లో లభిస్తాయి. భారత్‌తో సహా మొదటి విడత విక్రయ దేశాల్లో సెప్టెంబర్ 12 నుంచి ప్రి-ఆర్డర్లు ప్రారంభమవుతాయి, అలాగే సెప్టెంబర్ 18 నుంచి నేరుగా అందుబాటులోకి వస్తాయి.

కెమెరాలో అతిపెద్ద అప్‌గ్రేడ్..

ఇక, ఈ సిరీస్‌లో కెమెరా విభాగానికి అతిపెద్ద అప్‌గ్రేడ్ లభించింది. తొలిసారిగా ఐఫోన్ చరిత్రలోనే వేరియబుల్ ఎపర్చర్ కంట్రోల్‌తో కూడిన 48MP ఫ్యూజన్ మెయిన్ కెమెరాను పరిచయం చేశారు. ఆరు లేజర్-కట్ బ్లేడ్లతో పనిచేసే ఈ సిస్టమ్ నాలుగు రకాల ఎపర్చర్ సెట్టింగ్స్‌ను అందిస్తుంది. బ్రైట్‌నెస్, డెప్త్ ఆఫ్ ఫీల్డ్‌కు తగినట్లు కెమెరా ఆటోమేటిక్‌గా ఎపర్చర్‌ను ఎంచుకుంటుంది. లేదా వినియోగదారులు స్వయంగా వీటిని అడ్జస్ట్ చేసుకోవచ్చు. కెమెరా యాప్‌లో ఎపర్చర్, షట్టర్ స్పీడ్, వైట్ బ్యాలెన్స్ మార్చుకునే ప్రో కంట్రోల్స్, ఎక్స్‌పోజర్‌ను ట్రాక్ చేసే హిస్టోగ్రామ్ ఫీచర్లు వచ్చాయి. వీటితో పాటు ఫొటోగ్రాఫిక్ స్టైల్స్‌లో టెక్స్చర్, గ్రెయిన్ కంట్రోల్స్ వచ్చాయి. 60fps వరకు రికార్డ్ చేసిన వీడియోలకు పోస్ట్-క్యాప్చర్ సినమాటిక్ ఎఫెక్ట్స్ జోడించవచ్చు, అలాగే 4K డాల్బీ విజన్ HDRలో టైమ్-ల్యాప్స్ వీడియోలను రికార్డ్ చేసే వీలుంది.

A20 Pro చిప్‌సెట్

రెండు ఫోన్ల పర్ఫార్మెన్స్‌ను అత్యంత వేగవంతమైన A20 Pro చిప్‌సెట్ చూసుకుంటుంది. 2nm ప్రాసెస్ టెక్నాలజీతో రూపొందించిన ఈ చిప్‌లో 6-కోర్ CPU, 7-కోర్ GPU, ఆన్-డివైజ్ AI వర్క్‌లోడ్స్ కోసం 32-కోర్ న్యూరల్ ఇంజిన్ ఉన్నాయి. ఇది మునుపటి A19 Pro కంటే 50 శాతం ఎక్కువ మెమరీ బాండ్‌విడ్త్‌ను ఇస్తుంది. GPU పనితీరు 40 శాతం వరకు పెరిగింది. ఫోన్ వేడెక్కకుండా నిరంతర పర్ఫార్మెన్స్ అందించడానికి 3 రెట్లు ఎక్కువ విస్తీర్ణం కలిగిన రీడిజైన్డ్ వేపర్ ఛాంబర్‌ను ఇందులో ఉపయోగించారు.

iOS 27..

ఇక సాఫ్ట్‌వేర్ విషయానికి వస్తే, ఇవి iOS 27తో పనిచేస్తాయి. నెక్స్ట్-జనరేషన్ యాపిల్ ఇంటెలిజెన్స్ ఇందులో భాగమైంది. బీటా వర్షన్‌లో అందుబాటులోకి వచ్చిన సిరి AI వినియోగదారుల పర్సనల్ కాంటెక్స్ట్‌ను అర్థం చేసుకుంటూ, స్క్రీన్‌పై ఉన్న సమాచారాన్ని గుర్తించి యాప్‌లలో వేగంగా పనులు పూర్తి చేస్తుంది. దీంతో పాటు స్పాటియల్ రీఫ్రేమింగ్, ఎక్స్‌టెండ్, అప్‌గ్రేడెడ్ క్లీన్ అప్, ఇమేజ్ ప్లేగ్రౌండ్ ద్వారా కావలసిన చిత్రాలను క్రియేట్ చేసుకునే సౌకర్యం లభిస్తుంది.

iPhone 18 Pro ఫోన్ వివరాలు:

చిన్న పరిమాణంలో ప్రో ఫీచర్లు కోరుకునే వారి కోసం వచ్చిన ఈ మోడల్ ప్రారంభ ధర భారత్‌లో రూ. 1,64,900గా నిర్ణయించారు. ఇది 256GB, 512GB, 1TB, 2TB స్టోరేజ్ వేరియంట్లలో లభిస్తుంది. బ్యాటరీ లైఫ్ విషయానికి వస్తే, ఇది ఒకే ఛార్జ్‌పై గరిష్టంగా 36 గంటల వీడియో ప్లేబ్యాక్ సమయాన్ని ఇస్తుంది. వైర్డ్ ఛార్జింగ్ ద్వారా కేవలం 15 నిమిషాల్లో 50 శాతం ఛార్జింగ్ పూర్తి కాగా, వైర్‌లెస్ ఛార్జింగ్ ద్వారా 30 నిమిషాల్లో 50 శాతం ఛార్జ్ అవుతుంది.

iPhone 18 Pro Max ఫోన్ వివరాలు:

పెద్ద స్క్రీన్, అత్యధిక బ్యాటరీ టైమ్ ఆశించే వారి కోసం వచ్చిన ఈ టాప్-ఎండ్ మోడల్ ప్రారంభ ధర భారత్‌లో రూ. 1,79,900గా ఉంది. ఇది కూడా 256GB, 512GB, 1TB, 2TB స్టోరేజ్ వేరియంట్లలో లభిస్తుంది. కేవలం eSIM సపోర్ట్‌తో వచ్చే ఈ మోడల్ గరిష్టంగా 45 గంటల దాకా వీడియో ప్లేబ్యాక్ ఇస్తుంది. కేవలం 5 నిమిషాల వైర్డ్ ఛార్జింగ్‌తో సుమారు 7 గంటల వీడియో ప్లేబ్యాక్‌కు సరిపడా బ్యాటరీ లైఫ్ రావడం విశేషం.