Instagram: ఇన్‌స్టాగ్రామ్‌లో కొత్త ఫీచర్.. యాప్ ఐకాన్‌ను కస్టమైజ్ చేసుకునే అవకాశం!

Instagram: మెటా సంస్థకు చెందిన సోషల్ మీడియా ప్లాట్‌ఫార్మ్ ఇన్‌స్టాగ్రామ్ తాజాగా టీన్ యూజర్ల కోసం ప్రత్యేకమైన ఫీచర్‌ను ప్రారంభించింది. ఈ కొత్త అప్‌డేట్‌తో టీనేజ్ అకౌంట్ కలిగిన యూజర్లు తమ ఇన్‌స్టాగ్రామ్ యాప్ ఐకాన్‌ను స్వయంగా కస్టమైజ్ చేసుకునే అవకాశం పొందుతున్నారు. ఇన్‌స్టాగ్రామ్ ఈ కొత్త ఫీచర్ కింద మొత్తం ఆరు ప్రత్యేకమైన యాప్ ఐకాన్ థీమ్‌లు అందిస్తోంది. వీటిలో ఫైర్ (Fire), ఫ్లోరల్ (Floral), క్రోమ్ (Chrome), కోస్మిక్ (Cosmic), స్లైమ్ (Slime) వంటి ఆకర్షణీయమైన డిజైన్‌లు ఉన్నాయి. ఈ థీమ్‌లను ప్రముఖ ఇలస్ట్రేటర్ doncarrrlos (Carlos Oliveras Colom), ఇన్‌స్టాగ్రామ్ డిజైన్ టీమ్ కలిసి రూపొందించారు.

5G Phones: రూ. 15,000 లోపు ధరలో లభించే బెస్ట్ స్మార్ట్ ఫోన్లు ఇవే.. 6500mAh బ్యాటరీ, అద్భుతమైన కెమెరా..

ఈ ఫీచర్ ద్వారా టీనేజర్లు తమ వ్యక్తిగత స్టైల్, అభిరుచిని ప్రతిబింబించేలా యాప్ ఐకాన్‌ను మార్చుకోవచ్చు. అలాగే యూజర్‌లు తమకు ఇష్టమైన థీమ్‌ను ఎంచుకొని, యాప్ అనుభవాన్ని మరింత ఆసక్తికరంగా మార్చుకోవచ్చు. ఈ ఫీచర్ మాత్రం టీన్ అకౌంట్ యూజర్లకు మాత్రమే అందుబాటులో ఉంటుంది. యూజర్లు తమ ఇన్‌స్టాగ్రామ్ హోమ్ స్క్రీన్‌లో ఉన్న “Instagram” లోగోపై ట్యాప్ చేస్తే, కొత్త ఐకాన్‌లను అన్‌లాక్ చేసుకోవచ్చు. ఈ ఫీచర్ ఈరోజు నుంచే అందుబాటులోకి వచ్చింది.

Viral : ప్రభుత్వ పాఠశాలకు తాళం వేసిన విద్యార్థుల తల్లిదండ్రులు

దీపావళి సందర్భంగా స్టోరీల్లో కొత్త ఎఫెక్ట్‌లు, అలాగే ‘ఎడిట్స్’ యాప్‌లో కొత్త ఫీచర్‌లు ప్రవేశపెట్టిన ఇన్‌స్టాగ్రామ్, ఇప్పుడు టీన్ యూజర్లకు ఈ కస్టమ్ ఐకాన్ ఆప్షన్ అందించడం ద్వారా సృజనాత్మకతను మరింత ప్రోత్సహిస్తోంది. ఈ అప్‌డేట్ ద్వారా యువ యూజర్లు తమ యాప్‌ను మరింత వ్యక్తిగతంగా, వినూత్నంగా మార్చుకోగలుగుతున్నారు. ఇది ఇన్‌స్టాగ్రామ్ వినియోగాన్ని మరింత ఆకర్షణీయంగా మార్చబోతోందని చెప్పవచ్చు.