BSNL New Plan: బీఎస్ఎన్ఎల్ న్యూ రీఛార్జ్ ప్లాన్.. జస్ట్ రూ. 99కే అదిరిపోయే బెనిఫిట్స్

జియో, ఎయిర్ టెల్, వోడాఫోన్ ఐడియా వంటి టెలికాం సంస్థలు టారిఫ్ ధరలను పెంచిన అనంతరం మొబైల్ యూజర్లు భారత్ సంచార్ నిగమ్ లిమిటెడ్ నెట్ వర్క్ కు క్యూ కట్టారు. వేలాది మంది బీఎస్ఎన్ఎల్ నెట్ వర్క్ కి మారారు. ఇదే సమయంలో కస్టమర్లను ఆకర్షించేందుకు బీఎస్ఎన్ఎల్ చౌక ధరల్లో రీఛార్జ్ ప్లాన్స్ ను ప్రవేశపెడుతున్నది. తక్కువ ధరకే అదిరిపోయే బెనిఫిట్స్ ను అందిస్తోంది. ఈ క్రమలో తన కస్టమర్ల కోసం అదిరిపోయే రీఛార్జ్ ప్లాన్ ను తీసుకొచ్చింది. జస్ట్ రూ. 99తో న్యూ రీఛార్జ్ ప్లాన్ ను ప్రకటించింది. అయితే ఈ కొత్త రీఛార్జ్ ప్లాన్ తో అన్ లిమిటెడ్ ఫ్రీ వాయిస్ కాలింగ్ మాత్రమే పొందే వీలుంటుంది.

ఇటీవల ట్రాయ్ డేటా లేకుండా వాయిస్ ఓన్లీ ప్లాన్స్ ను తీసుకురావాలని టెలికాం కంపెనీలను ఆదేశించిన విషయం తెలిసిందే. దీనిలో భాగంగానే టెల్కోలు వాయిస్ ఓన్లీ ప్లాన్లను తీసుకొస్తున్నాయి. ఇప్పుడు బీఎస్ఎన్ఎల్ లేటెస్ట్ రీఛార్జ్ ప్లాన్ ను తీసుకొచ్చింది. అధిక రీఛార్జ్ ప్లాన్లతో సతమతమవుతున్న యూజర్లకు బిగ్ రిలీఫ్ ఇచ్చింది. బీఎస్ఎన్ఎల్ రూ. 99 రీచార్జ్ ప్లాన్‌లో యూజర్లు అన్‌లిమిటెడ్ వాయిస్ కాల్స్ పొందుతారు.

ఈ రీఛార్జ్ ప్లాన్ తో రీఛార్జ్ చేసుకుంటే 17 రోజుల వ్యాలిడిటీ పొందవచ్చు. అయితే బీఎస్ఎన్ఎల్ ఈ ప్లాన్‌తో డేటా లేదా ఎస్ఎంఎస్ సేవలను అందించదు. మీకు డేటా లేదా ఎస్ఎంఎస్ లు అవసరం లేకపోతే, ఈ రీఛార్జ్ ప్లాన్ బెస్ట్ అని చెప్పవచ్చు. రూ. 99 ఆఫర్‌తో పాటు, బీఎస్ఎన్ఎల్ రూ. 439 ధరతో వాయిస్ కాలింగ్, ఎస్ఎంఎస్ ప్లాన్‌ను కూడా ప్రవేశపెట్టింది. ఈ ప్లాన్ తో 90 రోజుల వ్యాలిడిటీని అందిస్తుంది. అన్‌లిమిటెడ్ లోకల్, ఎస్‌టీడీ కాల్స్ పొందొచ్చు.