Ai+ Nova 2 Neo 5G and Nova 2 Pro 5G Launched: స్మార్ట్ఫోన్ తయారీ సంస్థ Ai+ భారత్లో తన నోవా (Nova) సిరీస్ లో భాగంగా 2 కొత్త 5జీ స్మార్ట్ఫోన్లను విడుదల చేసింది. Ai+ Nova 2 Neo 5G, Ai+ Nova 2 Pro 5G పేర్లతో ఈ ఫోన్లు మార్కెట్లోకి వచ్చాయి. సరసమైన ధరల్లో మెరుగైన పనితీరు అందించడమే లక్ష్యంగా ఈ మొబైల్స్ ను రూపొందించినట్లు కంపెనీ తెలిపింది.
ఈ రెండు ఫోన్లు ఆండ్రాయిడ్ 16 ఆధారిత NxtQuantum OS పై పనిచేస్తాయి. NxtPrivacy Dashboard, AI Key వంటి ప్రత్యేక ఫీచర్లను కూడా కలిగి ఉన్నాయి. Nova 2 Neo 5G ప్రధానంగా మొదటిసారి స్మార్ట్ఫోన్ కొనుగోలు చేసే వినియోగదారులు, బడ్జెట్ ఫోన్ కోరుకునే వారికి అనువుగా రూపొందించబడింది.
Nova 2 Neo 5G ఫీచర్లు:
Nova 2 Neo 5Gలో 6.74 అంగుళాల HD+ 120Hz డిస్ప్లే, మీడియాటెక్ డైమెన్సిటీ 6300 ప్రాసెసర్, 48MP సోనీ IMX582 ప్రధాన కెమెరా, 8MP సెల్ఫీ కెమెరా, 6000mAh బ్యాటరీ, 18W ఫాస్ట్ ఛార్జింగ్ సపోర్ట్ ఉన్నాయి. అలాగే IP65 రేటింగ్, సైడ్ ఫింగర్ప్రింట్ సెన్సార్, 3.5mm ఆడియో జాక్ వంటి ఫీచర్లు అందుబాటులో ఉన్నాయి.
Nova 2 Pro 5Gలో ఫీచర్లు:
మరోవైపు Nova 2 Pro 5Gలో 6.9 అంగుళాల FHD+ 144Hz డిస్ప్లే, మీడియాటెక్ డైమెన్సిటీ 7100 ప్రాసెసర్, 48MP ప్రధాన కెమెరాతో పాటు 8MP అల్ట్రా వైడ్ లెన్స్, 13MP ఫ్రంట్ కెమెరా, స్టీరియో స్పీకర్లు, 6000mAh బ్యాటరీ, 33W ఫాస్ట్ ఛార్జింగ్ సపోర్ట్ ఉన్నాయి. ఈ ఫోన్లో ప్రత్యేకంగా కస్టమైజ్ చేయగలిగే రియర్ నోటిఫికేషన్ లైట్స్ కూడా ఉన్నాయి.
ధర:
ధరల విషయానికి వస్తే.. Nova 2 Neo 5G 4GB+128GB వేరియంట్ రూ.12,999కు, 6GB+128GB వేరియంట్ రూ.13,999కు అందుబాటులో ఉంటుంది. Nova 2 Pro 5G 6GB+128GB వేరియంట్ ధర రూ.15,999 కాగా, 8GB+128GB వేరియంట్ ధర రూ.17,999గా నిర్ణయించారు. అన్ని ప్రధాన క్రెడిట్, డెబిట్ కార్డులపై రూ.1,000 ఇన్స్టంట్ బ్యాంక్ డిస్కౌంట్ కూడా లభించనుంది. జూన్ 26 మధ్యాహ్నం 12 గంటల నుంచి ఫ్లిప్కార్ట్ ద్వారా ఈ ఫోన్ల అమ్మకాలు ప్రారంభం కానున్నాయి.
