Ai.com Domain Sale: రూ.300 పెట్టి కొంటే రూ.634 కోట్ల లాభం! ఇంటర్నెట్ చరిత్రలోనే బిగ్గెస్ట్ డీల్..

Ai.com Domain Sale: ఒక వ్యక్తికి ఊహించని విధంగా అదృష్టం తలుపు తట్టింది. ఇంతకీ అసలు కథ ఏమిటంటే.. మలేషియాకు చెందిన అర్స్యాన్ ఇస్మాయిల్ 1993లో $100 (సుమారు 300 రూపాయలు)కి డొమైన్‌ను కొనుగోలు చేశాడు. 1993లో రూ.300లకు కొనుగోలు చేసిన ఈ డొమైన్ 2025లో రూ.634 కోట్లలకు అమ్ముడైంది. ఈ డొమైన్‌ను ఎవరు కొనుగోలు చేశారు, దాని ప్రత్యేకత ఏమిటో ఈ స్టోరీలో తెలుసుకుందాం.

READ ALSO: PM RAHAT Scheme: “ప్రమాద బాధితులకు రూ.1.5 లక్షల క్యాష్-లెస్ ట్రీట్మెంట్”.. ప్రధాని మోడీ కొత్త పథకం..

డొమైన్ పేరు ఏమిటంటే ..
1993లో మలేషియాకు చెందిన అర్స్యాన్ ఇస్మాయిల్ ఒక డొమైన్‌ను కేవలం రూ.300 పెట్టి కొనుగోలు చేశారు. ఆ డొమైన్ పేరు Ai.com. ఈ డొమైన్‌ను 2025లో Crypto.com CEO క్రిస్ మార్స్‌జాలెక్ రూ.634 కోట్లకు కొనుగోలు చేశారు. నిజానికి ఇప్పటి వరకు ఇంటర్నెట్ చరిత్రలో ఇదే అతిపెద్ద ఒప్పందంగా చెబుతున్నారు. ఫిన్‌టెక్ మలేషియా నివేదిక ప్రకారం.. 10 ఏళ్ల క్రితం, Ai.com. డోమైన్‌ను కొనుగోలు చేసిన అర్స్యాన్ ఇస్మాయిల్‌కు ఆర్టిఫిషియల్ ఇంటెలిజెన్స్ భవిష్యత్తులో ఆర్టిఫిషియల్ ఇంటెలిజెన్స్ వస్తుందన్న అంచనా కూడా లేదు. కేవలం ఆ డోమైన్ అక్షరాలు తన పేరు (అర్స్యాన్ ఇస్మాయిల్) అక్షరాలను పోలి ఉండటం నచ్చి రూ.300 పెట్టి కొనుగోలు చేశాడు. కానీ AI వచ్చిన తర్వాత టెక్ పరిశ్రమ కొత్త రూపాన్ని సంతరించుకుంది. 1993లో ai.com కొనుగోలు చేయడం అర్స్యాన్ ఇస్మాయిల్ జీవితంలో ఒక ముఖ్యమైన నిర్ణయంగా మారింది.

100 మిలియన్ల వరకు ఆఫర్లు..
2025లో అర్స్యాన్ ఇస్మాయిల్ తన డొమైన్‌ను అమ్మకానికి లిస్ట్ చేశాడు. ఆ టైంలో తనకి $100 మిలియన్ల వరకు ఆఫర్లు వచ్చాయి. కానీ ఆయన $70 మిలియన్లకు తన డొమైన్‌ను అమ్మడానికి డీల్ చేసుకున్నాడు. ఏప్రిల్ 2025లో అర్స్యాన్ ఇస్మాయిల్ తన డొమైన్ పేరును క్రిస్ మార్జాలెక్‌కు దాదాపు $70 మిలియన్లకు (సుమారు రూ. 634 కోట్లు) విక్రయించాడు. ఆ మొత్తం చెల్లింపు క్రిప్టోకరెన్సీలో జరగడంతో ఈ ఒప్పందం ప్రపంచ దృష్టిని ఆకర్షించింది. ఇది బహిరంగంగా నివేదించిన అత్యంత ఖరీదైన డొమైన్ అమ్మకం అని నివేదికలు సూచిస్తున్నాయి. ఫిన్‌టెక్ మలేషియా నివేదిక ప్రకారం.. ఈ ఒప్పందం 2010లో CarInsurance.com నెలకొల్పిన రికార్డును బద్దలు కొట్టింది. ఆ డొమైన్ $49.7 మిలియన్లకు అమ్ముడైంది.

READ ALSO: Pawan Kalyan: మాస్ మహారాజాకు పవర్ ఫుల్ హిస్ట్స్ ఇచ్చిన పవర్ స్టార్! ఎలాగో చూసేయండి..