West Indies Biggest Wins: వెస్టిండీస్ భారీ విజయాల చరిత్ర.. టాప్-5 రికార్డులన్నీ వరల్డ్‌కప్‌ల్లోనే!

West Indies Biggest Wins in T20 World Cups: అంతర్జాతీయ టీ20 క్రికెట్‌లో వెస్టిండీస్ దూకుడు ఆటతో ఎన్నో చారిత్రక విజయాలు నమోదు చేసింది. ముఖ్యంగా పరుగుల తేడాతో సాధించిన భారీ విజయాల్లో ప్రత్యేక స్థానం సంపాదించుకుంది. ఆసక్తికర విషయమేమిటంటే.. విండీస్ టాప్-5 విజయాలన్నీ (పరుగుల పరంగా) టీ20 వరల్డ్‌కప్‌ మ్యాచ్‌ల్లోనే నమోదయ్యాయి. టీ20 ప్రపంచకప్‌ 2026 సూపర్‌-8లో జింబాబ్వేపై 107 రన్స్ తేడాతో విండీస్ గెలిచింది. వెస్టిండీస్ భారీ విజయాల టాప్-5 రికార్డులు ఓసారి చూద్దాం.

వెస్టిండీస్ 2024లో అత్యధిక పరుగుల తేడాతో గెలిచింది. టీ20 ప్రపంచకప్‌ 2024లో ఉగాండపై 134 పరుగులతో విజయకేతనం ఎగురవేసింది. ఆ మ్యాచ్‌లో కరీబియన్ బ్యాటర్లు విరుచుకుపడగా.. బౌలర్లు ప్రత్యర్థిని చిత్తు చేశారు. ప్రస్తుత ప్రపంచకప్‌లో జింబాబ్వేపై ముంబైలోని వాంఖడే స్టేడియంలో 107 పరుగుల భారీ విజయాన్ని అందుకుంది. మూడో స్థానంలో 2024లో సెయింట్ లూసియాలో ఆఫ్గనిస్తాన్‌పై 104 పరుగుల విజయం ఉంది.2014లో పాకిస్తాన్‌పై 84 పరుగుల విజయం నాలుగో స్థానంలో నిలిచింది. ఆ మ్యాచ్ బంగ్లాదేశ్‌లోని మిర్పూర్ వేదికగా జరిగింది. ఐదో స్థానంలో 2012లో కొలంబోలో ఆస్ట్రేలియాపై 74 పరుగుల తేడాతో గెలిచిన మ్యాచ్ ఉంది.

Also Read: India Qualification Scenario: భారీ దెబ్బేసిన వెస్టిండీస్‌.. ఇక సూపర్-8 నుంచే ఇంటికి భారత్?

వెస్టిండీస్ సాధించిన ఈ టీమ్ గణాంకాలు ఒక విషయాన్ని స్పష్టంగా చెబుతున్నాయి. బిగ్ టోర్నమెంట్‌లు, ముఖ్యంగా వరల్డ్‌కప్ మ్యాచ్‌లలో వెస్టిండీస్ మరింత దూకుడుగా ఆడుతుంది. ఒత్తిడి మ్యాచ్‌ల్లో భారీ విజయాలు సాధించే సామర్థ్యం వెస్టిండీస్ జట్టుకు ఉన్న పెద్ద బలం. ఇదే ఫామ్ కొనసాగితే భవిష్యత్ టోర్నమెంట్‌ల్లో కూడా కరీబియన్ జట్టు నుంచి మరిన్ని రికార్డులు వచ్చే అవకాశం ఉంది. ప్రస్తుత ఫామ్ చూస్తే.. 2026 టీ20 ప్రపంచకప్‌ గెలిచే అవకాశాలు మెండుగా ఉన్నాయి. ఇప్పటికే కరేబియన్లు రెండుసార్లు టీ20 ప్రపంచకప్‌ గెలిచారు.