Triple Header Sunday: ట్రిపుల్ ధమాకా సండే.. వరుసగా మూడు హై వోల్టేజ్ మ్యాచ్‌లు!

Triple Header Sunday for Indian Cricket Fans: క్రికెట్ అభిమానులకు ఈ ఆదివారం పండుగ రోజు కానుంది. ఒకే రోజు మూడు మ్యాచ్‌లతో ఉత్సాహం తారాస్థాయికి చేరనుంది. మొదటగా ఆసియా కప్ రైజింగ్ స్టార్స్ మహిళల 2026 టోర్నీలో భాగంగా ఇండియా-ఏ మహిళల జట్టు, పాకిస్థాన్-ఏ మహిళల జట్టు మధ్య మధ్యాహ్నం 12:30 గంటలకు ఆసక్తికర పోరు జరగనుంది. యువ ఆటగాళ్ల ప్రతిభను పరీక్షించే ఈ మ్యాచ్‌పై ఇప్పటికే ఆసక్తి పెరిగింది.

మధ్యాహ్నం 1:45 గంటలకు ఆస్ట్రేలియా, భారత మహిళల జట్ల మధ్య తొలి టీ20 మ్యాచ్ ప్రారంభమవుతుంది. ఈ రెండు బలమైన జట్ల మధ్య పోరు తీవ్ర పోటీగా ఉంటుంది. మహిళల క్రికెట్‌లో ఆధిపత్యం కోసం ఈ మ్యాచ్ కీలకం కానుంది. ఇక రోజులో అత్యంత ఆసక్తిగా ఎదురుచూస్తున్న మ్యాచ్ మాత్రం రాత్రి 7 గంటలకు ప్రారంభం కానుంది. అదే టీ20 ప్రపంచకప్‌ 2026 పోరు. భారత్, పాకిస్థాన్ టీమ్స్ తలపడనున్నాయి. చిరకాల ప్రత్యర్థుల మధ్య మ్యాచ్ అంటే.. ఉత్కంఠ, ఒత్తిడి, అద్భుత క్షణాలు ఖాయం. ప్రపంచవ్యాప్తంగా కోట్లాది అభిమానులు ఈ మ్యాచ్ కోసం ఎదురుచూస్తున్నారు.

Also Read: IND vs PAK: త్రో బౌలర్ ఉస్మాన్ తారిఖ్‌ను ఎదుర్కొనేందుకు.. సూర్య మాస్టర్ ప్లాన్, ఇక డబిడదిబిడే!

ఒకే రోజు మూడు మ్యాచ్‌లు జరగడం అరుదైన విషయం. యువ జట్ల పోటీ నుంచి మహిళల అంతర్జాతీయ మ్యాచ్, ఆపై ఇండో-పాక్ హై వోల్టేజ్ క్లాష్ వరకు వరుసగా క్రికెట్ విందు అందుబాటులో ఉండటంతో.. అభిమానులకు ‘బ్లాక్‌బస్టర్ సండే’గా మారనుంది.