Sourav Ganguly: హెడ్ కోచ్గా సౌరవ్ గంగూలీ.. ‘దాదా గిరి’ మొదలైంది!
- Follow Us :
-
-
Add as a preferred
source on google
Sourav Ganguly Appointed Head Coach of Delhi Capitals: భారత క్రికెట్లో అత్యుత్తమ కెప్టెన్లలో ఒకరిగా గుర్తింపు తెచ్చుకున్న సౌరవ్ గంగూలీ మరోసారి ఇండియన్ ప్రీమియర్ లీగ్ (ఐపీఎల్)లో కొత్త బాధ్యతలు చేపట్టబోతున్నారు. ఐపీఎల్ 2027 సీజన్కు ముందు ఢిల్లీ క్యాపిటల్స్ (డీసీ) హెడ్ కోచ్గా దాదా నియమితులయ్యారు. ఈ విషయాన్ని డీసీ ఫ్రాంచైజీ అధికారికంగా ప్రకటించింది. గతంలో ఢిల్లీకి డైరెక్టర్ ఆఫ్ క్రికెట్గా, మెంటార్గా పనిచేసిన గంగూలీ.. ఇప్పుడు తొలిసారి ఐపీఎల్ ఫ్రాంచైజీకి హెడ్ కోచ్గా బాధ్యతలు నిర్వర్తించనున్నారు.
గతంలో రికీ పాంటింగ్ హెడ్ కోచ్గా ఉన్న సమయంలోనూ ఢిల్లీ క్యాపిటల్స్ కోచింగ్ సెటప్లో సౌరవ్ గంగూలీ భాగంగా ఉన్నారు. దక్షిణాఫ్రికా టీ20 లీగ్లోని ప్రిటోరియా క్యాపిటల్స్ జట్టుతో తన తొలి కోచింగ్ బాధ్యతలను స్వీకరించిన దాదా.. ఇప్పుడు ఐపీఎల్లోనూ అదే పాత్రలో కనిపించనున్నాడు. గంగూలీ నియామకాన్ని ఢిల్లీ క్యాపిటల్స్ ప్రత్యేక వీడియో ద్వారా ప్రకటించింది. ‘దాదా గిరి’ ఇకపై ఢిల్లీ క్యాపిటల్స్ను నడిపించబోతోంది అనే తరహాలో ఫ్రాంచైజీ ప్రకటన చేసింది. ఈ సందర్భంగా గంగూలీ మాట్లాడుతూ.. ఇన్నాళ్లు పక్కనుండి చూస్తూ, మార్గనిర్దేశం చేసిన సమయం ముగిసిందని.. ఇప్పుడు నేరుగా యాక్షన్లోకి దిగేందుకు సిద్ధంగా ఉన్నానని చెప్పాడు.
Also Read
- Virat Kohli: విరాట్ కోహ్లీకి ఏమైంది..11 ఏళ్లలో తొలిసారి ఇలా..
- Kapildev: టెస్ట్ క్రికెట్కు వీడ్కోలు పలికి ఈ ఇద్దరు దిగ్గజాలు పెద్ద తప్పు చేశారు..
- Surya Kumar Yadav: టీమ్లోకి మళ్లీ సూర్యకుమార్ యాదవ్..? బ్యాటింగ్లో మరోసారి విధ్వంసం..
- Rajat Patidar: 48 బంతుల్లో 135 పరుగులు.. ఆర్సీబీ కెప్టెన్ వీరవిహారం..
‘ఒక దశలో పక్కకు తప్పుకుని చూస్తూ, మార్గనిర్దేశం చేస్తే సరిపోతుందని అనుకుంటాం. కానీ కొన్నిసార్లు మనం ఎందుకు మొదలుపెట్టామో గుర్తు చేసే సందర్భాలు వస్తాయి. నాకు ఈ జట్టు అలాంటి గుర్తింపును ఇచ్చింది. ఢిల్లీ నా సమయం కోసం ఎదురుచూస్తోంది. ఇప్పుడు ఆ సమయం వచ్చింది. టైగర్ తిరిగొచ్చాడు’ అంటూ గంగూలీ తనదైన శైలిలో వ్యాఖ్యానించాడు. ఢిల్లీ క్యాపిటల్స్ చైర్మన్, సహ యజమాని పార్థ్ జిందాల్ గంగూలీ నియామకంపై సంతోషం వ్యక్తం చేశారు. గంగూలీ ఎప్పటినుంచో ఢిల్లీ క్యాపిటల్స్ కుటుంబంలో కీలక భాగమని, భారత క్రికెట్లో గొప్ప కెప్టెన్లలో ఒకరైన ఆయన ఇప్పుడు హెడ్ కోచ్గా బాధ్యతలు చేపట్టడం గర్వంగా ఉందని అన్నారు. గంగూలీ నాయకత్వంలో ఢిల్లీ ఐపీఎల్ టైటిల్ కోసం మరింత బలంగా పోటీ పడుతుందని ఆశాభావం వ్యక్తం చేశారు. ఆటగాళ్లు, సహాయక సిబ్బంది ఆయన అనుభవం నుంచి ఎంతో నేర్చుకుంటారని జిందాల్ పేర్కొన్నారు.
ఫ్రాంచైజీ సహ యజమాని కిరణ్ కుమార్ గ్రంధి కూడా సౌరవ్ గంగూలీకి స్వాగతం పలికారు. ఢిల్లీ క్యాపిటల్స్ క్రికెట్ వ్యవస్థపై గంగూలీకి ఇప్పటికే లోతైన అవగాహన ఉందని, ఆయన అనుభవం, నాయకత్వ లక్షణాలు జట్టుకు ఎంతో ఉపయోగపడతాయని అన్నారు. హెడ్ కోచ్గా బాధ్యతలు స్వీకరించడంపై గంగూలీ స్పందించారు. ‘ఐపీఎల్లో హెడ్ కోచ్గా బాధ్యతలు చేపట్టేందుకు ఎదురుచూస్తున్నాను. ఢిల్లీ క్యాపిటల్స్ నాకు ఎంతో దగ్గరైన ఫ్రాంచైజీ. మేనేజ్మెంట్, సపోర్ట్ స్టాఫ్, ఆటగాళ్లతో గతంలో కలిసి పనిచేశాను. మా జట్టులో ప్రతిభావంతమైన ఆటగాళ్లున్నారు. ఇటీవల కూడా జట్టు మంచి క్రికెట్ ఆడింది. ఇప్పుడు బలమైన, భయంలేని జట్టును నిర్మించడంపై దృష్టి పెడతాను’ అని గంగూలీ తెలిపాడు.
సౌరవ్ గంగూలీకి సహకరించేందుకు ఢిల్లీ క్యాపిటల్స్ భారీ కోచింగ్ బృందాన్ని సిద్ధం చేస్తోంది. ఇప్పటికే పలువురు మాజీ క్రికెటర్లకు కీలక బాధ్యతలు అప్పగించినట్లు సమాచారం. భారత మాజీ స్టార్ ఆల్రౌండర్ యువరాజ్ సింగ్ బ్యాటింగ్ కోచ్గా, శ్రీలంక మాజీ పేసర్ చమిందా వాస్ ఫాస్ట్ బౌలింగ్ కోచ్గా వ్యవహరించనున్నారు. అలాగే ఐపీఎల్లో సుదీర్ఘ అనుభవం ఉన్న అమిత్ మిశ్రాను స్పిన్ బౌలింగ్ కోచ్గా నియమించారు. గంగూలీతో పాటు అనుభవజ్ఞులతో కూడిన కోచింగ్ బృందం ఢిల్లీ క్యాపిటల్స్కు కొత్త దిశను చూపుతుందనే అంచనాలు ఉన్నాయి. 2008లో ఐపీఎల్ ప్రారంభమైనప్పటి నుంచి ఇప్పటివరకు టైటిల్ గెలవలేకపోయిన ఢిల్లీ.. గంగూలీ రాకతో ఈసారి ఆ కలను నెరవేర్చాలని చూస్తోంది. మరి ‘దాదా’ నాయకత్వంలో ఢిల్లీ ఏ స్థాయికి చేరుకుంటుందో చూడాలి.
తాజావార్తలు
-
Koti Deepotsavam 2026 Day 3: అంగరంగ వైభవంగా కీసరగుట్ట శ్రీ రామలింగేశ్వరస్వామి కల్యాణం.. మూడో రోజు విశేషాలివే..
-
Dhanush Secret: ప్రపంచానికి తెలియని ధనుష్ సీక్రెట్ లీక్ చేసిన శ్రీలీల!
-
OM Pre Release Event: ఇన్నాళ్లూ వచ్చిన సినిమాలు చేసుకుంటూ వెళ్లా, కానీ ఇప్పుడు రూట్ మార్చా.. శ్రీలీల ఓపెన్ కామెంట్స్!
-
Renu Desai: ‘ఓం’ ప్రీరిలీజ్ ఈవెంట్లో ధనుష్కు సారీ చెప్పిన రేణు దేశాయ్.. ఎందుకంటే?
-
Telangana Govt: కీలక నిర్ణయం తీసుకున్న తెలంగాణ ప్రభుత్వం.. గృహ నిర్మాణ పథకం లబ్ధిదారులకు ఊరట..
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!